Актывіст бароніць гонар у судзе
Александр Жыткевіч падаў зыск у суд да "Гарадоцкага весніка" і журналісткі Людмілы Мукамол па абароне гонару, годнасці і рэпутацыі на агульную суму 22 млн. руб.
У экс-кандыдыта ў дэпутаты Палаты прадстаўнікоў Нацыянальнага сходу РБ Алеся Меха з Кобрына безвынікова завяршыліся спробы адшукаць справядлівасць у судах адносна незаконнага звальнення яго з працы падчас выбарчай кампаніі. Ён атрымаў адмоўны адказ з апошняй судовай інстанцыі – Вярхоўнага суда.
Сёньня завяршаецца візыт у Менск дырэктара Бюро АБСЭ ў дэмакратычных інстытутах і правах чалавека Янеза Ленарчыча. Ён абмяркоўвае з прадстаўнікамі ўладаў і апазыцыі рэформу беларускай выбарчай сыстэмы. Сёньня ён правядзе сустрэчы з сябрамі палітычных партый і няўрадавых аб’яднаньняў.
15 студзеня ў суд Калінкавіцкага раёну позвай быў выкліканы сябра АГП Дзяніс Рабянок. Судовы выканаўца Антаніна Ўласава запатрабавала, каб беспрацоўны актывіст сплаціў 1 мільён 50 тысяч беларускіх рублёў штрафу, завочна вынесенага Ельскім раённым судом нібыта за парушэньне заканадаўства аб выбарах.
Вядомая распаўсюдніца незалежнага друку з Барысава Святлана Данілава напрыканцы лістапада атрымала па пошце пастанову суда Першамайскага раёну Менска аб пакараньні яе грашовым штрафам у памеры 20 базавых велічынь за распаўсюд перадвыбарчых улётак з заклікам да байкоту. У пастанове суду ўказана, што яна на судовае паседжаньне не з’явілася.
Адміністратыўная камісія Дэпартаменту фінансавых расследаванняў па Магілёўскай вобласці прыпыніла разгляд справы Аляксандра Сілкова. Рашэнне будзе прынята пасля таго, як дэмакратычны актывіст атрымае адказ на сваю скаргу з Генеральнай пракуратуры. Пакуль жа ад спадара Сілкова патрабуюць напісаць заяву аб тым, што ён не адмаўляецца ад прадастаўлення дэкларацыі аб даходах і маёмасці.
Былому апазыцыйнаму кандыдату ў дэпутаты адмовілі ў пазове да старшыні й сакратара ўчастковай камісіі. Таксама судзьдзя адмовілася апытваць сьведкаў, якія пісьмова пацьвердзілі, што галасавалі за Івана Шэгу. Пры гэтым яна спаслалася на тое, што ў Беларусі, згодна з законам, існуе таямніца галасаваньня.