Навіны на тэму: акцыі
06.06.2012 У Гародні зноў запрацаваў судовы канвеер
Першай была асуджана журналістка Гражына Шалкевіч – сумнавядомая суддзя Наталля Козел аштрафавала яе на 50 базавых велічынь (на сёння гэта 5 мільёнаў рублеў) за нібыта ўдзел у несанкцыянаванай акцыі. Сёння разглядаюцца справы яшчэ 7 чалавек, у тым ліку грамадскага актывіста Эдварда Дмухоўскага і журналісткі-аператаркі Юліі Каляды.
06.06.2012 У Маларыце ўлады забаранілі пікет і пацікавіліся крыніцамі яго фінансавання (дакумент)
Праваабаронца Уладзімір Малей, які падаваў у Маларыцкі райвыканкам заяву на правядзенне на гэтым тыдні пікета “За сумленныя выбары без Лукашэнкі”, атрымаў адмоўны адказ ад уладаў. У лісце за подпісам намесніка старшыні райвыканкаму Вадзіма Шпетнага гаворыцца, што “у заяве неабходна указаць крыніцу фінансавання масавага мерапрыемства”.
05.06.2012 У Брэсце з’явіліся ўлёткі, якія нагадваюць пра выбары
4 чэрвеня актывісты “Маладых дэмакратаў” распаўсюдзілі ў Брэсце ўлёткі, прысвечаныя выбарам у Палату прадстаўнікоў РБ, якія маюць адбыцца восенню гэтага года. Улёткі ўтрымлівалі наступны тэкст: “Мы верым у НЛА, вампіраў, дзеда Мароза і выбары 2012”, а таксама партрэт Бураціна – казачнага персанажа, які часта сутыкаўся з падманам.
04.06.2012 Суды ў Гародні пакуль не адбыліся
4 чэрвеня ў Гародні меліся адбыцца адміністрацыйныя працэсы над затрыманымі ў пятніцу актывістамі Саюзу палякаў Беларусі, аднак суды пакуль не адбыліся. Нагадаем, што ў час правядзення пікету ў абарону польскамоўнага навучання ў польскай школе №36, які адбыўся каля мясцовага аблвыканкаму, былі затрыманы не менш 21 чалавек, у тым ліку журналісты.
04.06.2012 У Гомелі збор подпісаў прыраўнялі да масавага мерапрыемства?
«Да мяне падышоў невядомы мужчына ў цывільным, прыстойна апрануты і па выглядзе нейкі чыноўнік. Ён пачаў мне пагражаць – маўляў, тут нельга збіраць подпісы, бо зараз, па яго словах, збор подпісаў прыраўнялі да пікету. Ён дадаў, што я павінна была атрымаць дазвол на збор подпісаў у ідэалагічным аддзеле гарвыканкаму».
04.06.2012 Аршанскія грамадскія актывісты добраўпарадкавалі помнік ахвярам рэпрэсій (фота)
Сябры Аршанскага моладзевага грамадскага аб'яднання "Звяз" арганізавалі талаку на Кабыляцкай гары пад Оршай. Помнік у памяць расстраляных тут ахвяраў сталінскіх рэпрэсій пасля ўстаноўкі ніколі не рамантаваўся і прыбіраўся выключна грамадскімі сіламі.
31.05.2012 Затрымалі за тое, што патрабавалі правесьці «Дажынкі»
Рагачоўская міліцыя затрымала мясцовых актывістаў кампаніі «Гавары праўду» Дзяніса Дашкевіча, Уладзімера Тамковіча і Віталя Александровіча, якія перадалі ў райвыканкам пэтыцыю, каб у горадзе правялі «Дажынкі».
31.05.2012 Забарону велапрабега маладафронтавец абскардзіць у судзе
Рашэнне старшыні Салігорскага райвыканкаму Аляксандра Рымашэўскага аб забароне правядзення велапрабега мясцовы актывіст зарэгістраванага ў Чэхіі “Маладога Фронту” Андрэй Тычына абскардзіць у судзе.
28.05.2012 У справе адвольных затрыманняў былы падпалкоўнік дайшоў да Генеральнага пракурора
Ужо амаль год цягнецца барацьба былога падпалкоўніка салігорскай міліцыі Віктара Малочкі па аднаўленні сваіх грамадзянскіх правоў, парушаных адвольнымі затрыманнямі пад час мінулагадовых акцый “маўклівага” пратэсту ў Салігорску.
28.05.2012 Плакаты “Свабоду Мікалаю Статкевічу” з'явіліся ў Віцебску
На аркушах з партрэтам Мікалая Статкевіча разам з ягоным перадвыбарчым лозунгам “Радзіма. Сумленне. Народ” аднадумцы палітыка дапісалі тое, чаго яны сёння патрабуюць ад беларускага кіраўніцтва: “Свабоду!”.
24.05.2012 Вызвалення Алеся Бяляцкага патрабавалі ў Санкт-Пецярбургу. Фотарэпартаж
24 траўня на адной з пешаходных вуліц Піцера разгарнуўся пікет з лозунгамі "Свободу Алесю Беляцкому!", "Нет политическим репрессиям!", беларускамоўнымі - "Вясна прыйдзе і ў Беларусь" і "Не - паліцэйскай дзяржаве" ды іншымі. І ўсё - пад жалезным наглядам паліцэйскага.
24.05.2012 Сёння ў Санкт-Пецярбургу пікет у абарону Алеся Бяляцкага
24 траўня АДЦ «Мемарыял» арганізуе ў Санкт-Пецярбургу пікет у абарону беларускага палітычнага зняволенага, праваабаронцы і намінанта на Нобелеўскую прэмію міру, Алеся Бяляцкага. Праваабарончая арганізацыя звяртаецца да ўсіх людзей добрай волі, запрашаючы іх выйсці на пікет, які адбудзецца з 15 да 17 гадзін.
24.05.2012 Жыхары Берліна падтрымалі акцыю супраць смяротнага пакарання ў Беларусі
Аддзяленне міжнароднай арганізацыі Amnesty International у Берліне правяло сярод жыхароў нямецкай сталіцы акцыю па зборы петыцый супраць смяротнага пакарання ў Беларусі. Кожны ўдзельнік падпісаў адмысловую паштоўку з заклікам да беларускіх уладаў адмяніць гэты жорсткі від пакарання.
22.05.2012 Аспірант Аляксей Паўлоўскі збіраецца пікетаваць Акадэмію навук
Аспірант Інстытута фізіалогіі Нацыянальнай акадэміі навук Рэспублікі Беларусь Аляксей Паўлоўскі падаў заяўку ў Менскі гарадскі выканаўчы камітэт на правядзенне пікета. Праз пікет ён хоча прыцягнуць увагу грамадскасці да праблемы незабеспячэння іншагародніх студэнтаў, аспірантаў і маладых навукоўцаў жыллём на перыяд іх адукацыі і працы.
22.05.2012 У Салігорску праваабаронцы залікаюць улады не займацца прафанацыяй
Гэта рэакцыя праваабаронцаў на прапагандысцкія флэшмобы на тэму ВІЧ/СНІДу ў той час, як стала расце колькасць гараджанаў, якія ў дадзеным кантэксце штодня сутыкаюцца з праблемамі бытавой стыгматызацыі ды дыскрымінацыі на працоўным месцы.
