Навіны на тэму: акцыі
18.09.2012 У Менску затрыманыя моладзевыя актывісты і журналісты (абноўлена)
Журналіста Аляксандра Баразенку адпусцілі без складання пратаколу. Актывісты "Zмены" застаюцца ў Фрунзенскім РУУС: на іх складаюць пратаколы (па якім артыкуле, пакуль невядома) і забіраюць рэчы.
10.09.2012 Міколу Уласевічу не далі выступіць на эканамічным форуме
Кандыдату ў дэпутаты, грамадскаму актывісту з Астравеччыны Міколу Уласевічу не далі выступіць на эканамічным форуме “Паўночны вектар Гарадзеншчыны 2012”, які адбыўся у Астраўцы 8 верасня. Згодна з правіламі, за дзень да форуму Уласевіч падаў адпаведную заяўку ў аргкамітэт.
10.09.2012 У Оршы ўзгадалі пра палітвязня Бяляцкага (фота)
7 верасня жыхары Оршы маглі назіраць, як група людзей, апранутых у майкі з надпісам “Свабоду Бяляцкаму”, прайшлася па гістарычным цэнтры горада. Па словах Васіля Леўчанкава, такую імпрэзу грамадскія актывісты былі вымушаны правесці пасля таго, як Аршанскі гарвыканкам некалькі разоў адмаўляў у праве на правядзенне пікета.
10.09.2012 Участковы на міні-трактары пераараў Крапівенскае поле
На Крапівенскае поле прыехаў участковы Аршанскага РАУС Аляксандр Ярук з міні-трактарам, з дапамогай якога дзелавіта і метадычна пераараў усё гістарычна знакамітае Крапівенскае поле і нават пешаходную сцежку, якая вядзе да памятнага месца.
10.09.2012 «Аршанская бітва» ва ўмовах кансьпірацыі
Сьвяткаваньне Дня вайсковай славы ў аршанскіх ваколіцах расьцягнулася амаль на тры дні. Самадзейныя мастацкія імпрэзы з рознай колькасьцю ўдзельнікаў зьмянялі адна адну, і мінулай ноччу на Аршаншчыне адбыўся яшчэ адзін канцэрт беларускіх бардаў.
28.08.2012 Зэльва: папяровыя самалёцікі супраць выбараў
У гарадскім пасёлку нядаўна прызямліліся 60 папяровых самалёцікаў з надпісам “Выбарам — байкот”. Цяпер мясцовыя вертыкальшчыкі і міліцыя шукаюць “вінаватых”.
22.08.2012 Стэфановіч – Адміністрацыі прэзідэнта: “Заканадаўства мае розныя механізмы для вызвалення палітвязняў”
У адказ на петыцыю за вызваленне Алеся Бяляцкага, перададзеную ў Адміністрацыю прэзідэнта напярэдадні 4 жніўня, праваабаронцам паведамляецца, што “якое-небудзь умяшанне ў дзейнасць суддзяў па выкананні правасуддзя недапушчальнае і цягне адказнасць па законе”.
22.08.2012 Пра Алеся Бяляцкага распавялі ў сталіцы Тайланду
Супрацоўнік офіса Міжнароднай федэрацыі за правы чалавека (FIDH) у Бангкоку Шывэй Йэ даведаўся з прэсы аб тым, што ў горадзе адбудзецца вечар па правах чалавека ў Беларусі, і наведаў мерапрыемства, каб звярнуць увагу на сітуацыю з палітвязнем, віцэ-прэзідэнтам FIDH Алесем Бяляцкім.
17.08.2012 У Мінску пройдзе рок-фэст для моладзі з інваліднасцю
У мінскім фізкультурна-аздараўленчым комплексе «Серабранка» 16 верасня ўпершыню ў Беларусі пройдзе рок-фэст для моладзі з інваліднасцю «кРок насустрач!», арганізаваны валанцёрскім рухам «Цеплыня ўсмешкі дзяцінства» (ЦУД).
15.08.2012 Брэст: Спынена разбіральніцтва па справе салідарнай прабежкі Уладзіміра Малея
У аддзяленні было праведзена разбіральніцтва па факту бегу Малея 4 жніўня па вуліцах Брэста ў майцы з выявай Алеся Бяляцкага на знак салідарнасці з арыштаваным старшынёй Праваабарончага цэнтра “Вясна” і іншымі палітзняволенымі.
14.08.2012 ГА “БАЖ” пачынае кампанію збору подпісаў за вызваленне Антона Сурапіна
Праўленне арганізацыі заклікае ўсіх салідарных з незалежным журналістам паставіць свой подпіс у абарону зняволенага фатографа.
07.08.2012 Петыцыя з патрабаваннем вызвалення Алеся Бяляцкага і ўсіх палітзняволеных перададзена амбасадару Беларусі ў Літве (відэа)
6 жніўня літоўскія і беларускія грамадскія актывісты сабраліся ў Вільні каля беларускай амбасады. Такім чынам яны выказалі салідарнасць з вядомым праваабаронцам Алесем Бяляцкім, які быў арыштаваны роўна год таму і асуджаны да 4,5 гадоў турэмнага зняволення за актыўную дзейнасць у абароне правоў чалавека ў Беларусі.
06.08.2012 Наваполацк: Затрыманне за расцяжку «Свабоду Бяляцкаму!»
Увечары 5 жніўня ў Наваполацку актывіста грамадскага аб'яднання «Свабодны рэгіён» Аляксандра Драздова затрымалі з расцяжкай «Свабоду Бяляцкаму». Міліцыя правяла затрыманне актывіста да яе вывешвання.
06.08.2012 Брэст: Уладзімір Малей салідарны з Алесем Бяляцкім (відэа)
4 жніўня 2012 году брэсцкія праваабаронцы зладзілі адмысловую акцыю на вуліцах Брэста, каб нагадаць берасцейцам аб ахвярах палітычнага перасьледу на Беларусі. 4 жніўня 2011 старшыня Праваабарончага цэнтру "Вясна" Алесь Бяляцкі быў змешчаны за краты.
06.08.2012 Актывісты патрабуюць ад Лукашэнкі спынення палітычна матываваных пераследаў
Літоўскія і беларускія грамадскія актывісты прыйдуць да сцен амбасады Беларусі ў Літоўскай Рэспубліцы ў панядзелак, 6 жніўня, каб выказаць салідарную падтрымку вядомаму праваабаронцу Алесю Бяляцкаму, асуджанаму да 4,5 гадоў турэмнага зняволення за актыўную дзейнасць у абароне правоў чалавека ў Беларусі.
