10.01.2008 Мітынг прадпрымальнікаў праходзіць пад пільным наглядам міліцыі (аднаўляецца)

На Кастрычніцкай плошчы Менска на мітынг сабралося каля 1000 прадпрымальнікаў. Сярод іх палітыкі Сяргей Калякін, Аляксандар Мілінкевіч, Алесь Міхалевіч, Мікола Статкевіч, Алесь Таўстыка. Міліцыянты праз гукаўзмацняльную апаратуру папярэдзілі, што шэсьце да адміністрацыі прэзыдэнта забаронена. Мітынгоўцы вызначылі дэлегатаў для правядзеньня перамоў у адміністрацыі, якія накіраваліся да ўладаў.

10.01.2008 Узду пазбавілі гарачага хлеба

Сёньня на мітынгу прадпрымальнікаў у Менску будзе абараняць свае правы і Віктар Крываль з Узды. На ягоным лёзунгу надпіс: "Людзям цяжэй, чым у акупацыю".

10.01.2008 Актывістаў прадпрымальніцкага руху затрымалі на трасе па дарозе ў Мінск

Раніцай 10 студзеня членаў кампаніі "За свабоднае развіццё прадпрымальніцтва" актывістаў прадпрымальніцкага руху Аляксандра Цацуру і Віктара Крываля спынілі на трасе па дарозе ў Мінск. Пра гэта БелаПАН паведаміў актывіст прадпрымальніцкага руху Мікалай Пахабаў.

10.01.2008 Сёння ў Мінску адбудзецца мітынг прадпрымальнікаў

10 студзеня а 12-й гадзіне на Кастрычніцкай плошчы ў Мінску запланаваны мітынг прадпрымальнікаў.Акцыя накіравана супраць указа прэзідэнта, у адпаведнасці з якім з 1 студзеня 2008 года ІП забаронена выкарыстоўваць працу наёмных работнікаў, за выключэннем блізкіх сваякоў.

27.12.2007 Затрыманыя актывісты «Джынс – за свабоду» вызваленыя

Актывісты грамадзянскай кампаніі «Джынс – за Свабоду!», затрыманыя ўчора падчас пікетавання Дэпартамента выканання пакаранняў, былі вызваленыя з Ленінскага РУУС без складання пратаколаў. Маладых людзей знялі на відэакамеру і прымусілі прайсці дактыласкапічную экспертызу.

24.12.2007 Моладзь пачала кампанію за вызваленьне Фінькевіча

Актывісты арганізацыі “Малады фронт” распачалі кампанію за вызваленьне свайго паплечніка Артура Фінькевіча, якога магілёўскі суд асудзіў да 1,5 гадоў зьняволеньня. Сёньня на тым месцы, дзе калісьці Артур Фінькевіч зрабіў графіці – ён напісаў падчас прэзыдэнцкай кампаніі “Дастаў!” і “Мы хочам новага!” –і дзе яго тады затрымалі, моладзевыя актывісты намалявалі яго партрэт і напісалі “Свабоду”.

24.12.2007 Пратэсты працягнуцца на Кастрычніцкай плошчы

Прадпрымальнікі рыхтуюцца да новых пратэстаў супраць ўказу Лукашэнкі №760. Пра гэта заявілі лідэры прадпрымальніцкіх аб’яднаньняў і рухаў. Сябра Каардынацыйнай Рады прадпрымальнікаў Алесь Макаеў заявіў ў інтэрвію "Радыё Свабода", што 10-11 студзеня прадпрымальнікі плянуюць правесьці сход на Кастрычніцкай плошчы ў Менску. “Указ №760 вынішчае бальшыню прадпрымальнікаў. У нас заўтра няма будучыні. Мы гэта разумеем”, - кажа адзін з лідэраў прадпрымальніцкага руху.

18.12.2007 Прадпрымальнікаў запужваюць перад страйкам

У Віцебску  прадпрымальнікаў, якія збіраюцца заўтра падтрымаць аднадзённы страйк, будуць пазбаўляць працоўных месцаў.

18.12.2007 Новыя пэрформансы і флэшмобы ў Менску

Моладзь правяла на Нямізе акцыю пратэсту супраць адмены ільготаў. Удзел у ёй узялі студэнты менскіх ВНУ – разам каля сотні чалавек. Яны трымалі плакаты з надпісамі “Выйду замуж за кантралёра”, “Беларуская дыета – заплаці за праезд”.

17.12.2007 19 сьнежня – страйк прадпрымальнікаў

Лідэр грамадзкага аб’яднаньня «Пэрспэктыва» Анатоль Шумчанка заклікаў прадпрымальнікаў 19 сьнежня ўзяць удзел у агульным страйку.

Прадпрымальнікі такім чынам будуць патрабаваць адмены Ўказу № 760, паводле якога ад 1 студзеня нельга будзе наймаць на працу не сваякоў. Яшчэ адной з мэтаў страйку ёсьць праява салідарнасьці з арыштаванымі ўдзельнікамі мітынгу 10 сьнежня.

17.12.2007 Учора ў Наваградку затрымлівалі моладзь

У Наваградку акцыя Маладога Фронту была сарваная спецслужбамі. “Толькі мы прыйшлі на плошчу і дасталі партрэты Зьмітра Дашкевіча і Артура Фінькевіча, як да нас адразу падляцелі людзі ў штацкім і выклікалі міліцыю. У выніку мы, 9 чалавек, 2 гадзіны прабылі ў РАЎСЕ, нас здымалі на відэа і прымусілі напісаць тлумачальныя.

17.12.2007 Акцыі ў падтрымку палітвязьняў

Шмат акцый прайшлі 16 ўвечары, у Дзень беларускай салідарнасці, ў Мінску і іншых гарадах Беларусі. Актывісты "JEANS - за Свабоду!" ізноў выйшлі на вуліцы горада, каб запатрабаваць ад уладаў вызваліць палітыкаў і маладзёжных лідэраў, якія дагэтуль утрымліваюцца за кратамі, - Аляксандра Казуліна, Андрэя Клімава, Змітра Дашкевіча, Артура Фінькевіча, Юры Лявонава і Мікалая Аўтуховіча.

17.12.2007 У беларусаў адабралі апошняе – ільготы

17 сьнежня ў Беларусі перасталі дзейнічаць ільготныя праязныя квіткі, вэтэранскія кніжкі і карткі на бясплатнае атрыманьне лекаў. Паменяла і асобаў, на якія распаўсюджваюцца льготы па аплаце жыльлёва-камунальных, мэдычных паслугаў і паслугаў сувязі. Напярэдадні ў Беларусі прайшлі акцыі пратэста супраць пазбаўленьня ільгот.

14.12.2007 Зьміцер Хведарук:”Яны білі мяне касьцетамі па галаве”

Зьмітру Хведаруку стала значна лепш: ён добра бачыць і размаўляе, можа варушыць рукамі і нагамі, але яшчэ самастойна не ўстае і ня ходзіць. “Сёньня мяне вазілі на рэнген на каталцы, - распавёў Зьміцер, - я не магу нават падняцца з-за моцнага болю ў галаве“.