Навіны на тэму: акцыі
10.02.2010 У Гародні зьбіраюцца на акцыю
10 лютага а 15-й гадзіне ў Горадні заплянаваная акцыя салідарнасьці з сябрамі Івянецкага аддзела непрызнаванага ўладамі Саюзу палякаў. Збор прызначаны ля Дому Польскага, на рагу вуліцаў Дзяржынскага і 17 верасьня ля помніка Адаму Міцкевічу.
05.02.2010 Міліцыянты разагналі пікет у Талочыне
Жыхар Талочына Мікола Пятрушэнка паведаміў “Свабодзе”, што міліцыянты разагналі пікет жыхароў гораду, якія пратэставалі супраць бязьдзеяньня мясцовых уладаў.
27.01.2010 Праваабаронцы адстойваюць права на пікеты
25 студзеня смаргонскі правабаронца Алесь Дзергачоў падаў касацыйную скаргу на рашэнне суда Смаргонскага раёна. Паводле гэтага рашэння заяўніку было адмоўлена ў задавальненні скаргі на дзеянні намесніка старшыні Смаргонскага райвыканкама Аляксадра Вярсоцкага. Гэта службовая асоба забараніла правядзенне пікета, прысвечанага 61-й гадавіне з дня прыняцця Усеагульнай дэкларацыі правоў чалавека.
22.01.2010 Брэсцкі суд адхіліў скаргу заяўніка пікета на гарвыканкам
Суд Ленінскага раёна горада Брэста 22 студзеня пакінуў без задавальнення скаргу Сяргея Вакуленкі на рашэнне гарадскога выканаўчага камітэта не дазволіць яму пікет.
20.01.2010 Суд у Брэсце не задаволіў скаргу заяўніка дэманстрацыі на гарвыканкам
Суд Ленінскага раёна Брэста адхіліў скаргу Ўладзіміра Андрашчука на чыноўніка мясцовага гарвыканкама Вячаслава Хафізава. Чыноўнік адмовіў Андрашчуку ў правядзенні дэманстрацыі з нагоды Міжнароднага Дня правоў чалавека 10 снежня 2009 года.
13.01.2010 Бярозаўскім праваабаронцам адмоўлена ў іску
У судзе Бярозаўскага раена скончыўся разгляд справы па іску бярозаўскіх праваабаронцаў да райвыканкама. Праваабаронцы прасілі прызнаць адмову райвыканкама ў пікеце 10 снежня – Дзень правоў чалавека – неправамернай, якая ўшчамляе канстытуцыйнае права на свабоду правядзення пікета і дазволіць правядзенне пікета на пазнейшую дату. Суд адмовіў у задавальненні іску.
08.01.2010 Сяргею Каваленку пагражае крымінальная справа
35-гадовага актывіста КХП БНФ зь Віцебску Сяргея Каваленку да панядзелка пакінулі ў ізалятары часовага ўтрыманьня абласнога ўпраўленьня ўнутраных спраў. Яго абвінавачваюць у хуліганстве. Так міліцыя ацаніла тое, што ўчора Каваленка зьдзейсьніў беспрэцэдэнтны ўчынак — вывесіў бела-чырвона-белы сьцяг на галоўнай каляднай ёлцы Віцебску.
05.01.2010 Скаргу бярозаўскіх праваабаронцаў на рашэньне аб забароне пікету разглядае суд
У судзе Бярозаўскага раёна 5 студзеня адбыліся папярэднія слуханьні па скарзе праваабаронцаў на рашэньне мясцовых уладаў аб забароне правядзеньня пікету, прымеркаванага да гадавіны Усеагульнай дэкларацыі правоў чалавека.
04.01.2010 Бярозаўскія праваабаронцы судзяцца з райвыканкамам
Бярозаўскія праваабаронцы атрымалі позвы ў суд, куды вызываюцца ў якасці істцоў. У якасці адказчыкаў – Бярозаўскі райвыканкам, які адмовіў праваабаронцам у пікеце 10 снежня - ў Дзень правоў чалавека.
26.12.2009 Берасцейскія праваабаронцы павіншавалі ўпраўленьне юстыцыі
Асамблея няўрадавых дэмакратычных арганізацый на штогадовым падвядзеньні вынікаў году ўзнагародзіла найбольш выбітных прадстаўнікоў грамадскіх ініцыятыў. Аднак сярод намінацый былі і не зусім звычайныя. Так, у намінацыі “Рэкордная колькасьць адмоў у рэгістрацыі цягам аднаго году” было адзначанае галоўнае ўпраўленьне Брэсцкага аблвыканкама, якое 4 разы не зарэгістравала абласное праваабарончае аб’яднаньне “Брэсцкая вясна”.
24.12.2009 ЛГБТ-актывістаў пакаралі штрафамі
23 снежня суддзя суду Савецкага раёну Аксана Рэлява разгледзела адміністратыўныя справы актывістаў ЛГБТ-руху Сяргея Андросенкі і Сяргея Прадзеда. За акцыю пратэсту каля амбасады Ірана ў Менску, што ладзілася 16 снежня, актывістаў пакаралі штрафамі: С.Андросенку - у 25 базавых велічыняў (825 тыс.руб.), Сяргея Прадзеда – у 10 базавых велічыняў (350 тыс.руб.).
23.12.2009 Ці палічыць суд законнай адмову ў правядзеньні пікету?
25 лістапада барысаўскія праваабаронцы падалі ў райвыканкам заяўку аб правядзеньні пікету, прымеркаванага да 61-ай гадавіны прыняцьця Усеагульнай дэкларацыі правоў чалавека. Барысаўскі райвыканкам адмовіў заяўнікам у правядзеньні пікету, матывуючы неадпаведнасьць заяўкі арт. 10 Закону РБ "Аб масавых мерапрыемствах".
23.12.2009 У гарадоцкага актывіста апісалі маёмасьць
Да Леаніда Аўтухова, старшыні Гарадоцкай суполкі партыі БНФ, прыйшоў судовы выканаўца з двума панятымі. Яны паведамілі, што апішуць маёмасьць, бо апазыцыянэр не сплаціў судовы штраф за арганізацыю несанкцыянаванай акцыі.
22.12.2009 Суд ня стаў разглядаць пытаньне пра адмену рашэньня гарвыканкаму
21 снежня ў судзе Цэнтральнага раёну Гомеля адбылося слуханьне пазову праваабаронцаў Анатоля Паплаўнага й Леаніда Судаленкі да гарвыканкаму. Апошні ня даў ім дазволу правесьці пікет на пляцы Паўстаньня 10 сьнежня, у Дзень правоў чалавека.
18.12.2009 Новая адміністрацыйная справа за ўсталяваньне крыжоў
Пракуратура Віцебскага раёну абвінаваціла старшыню віцебскай абласной суполкі Партыі БНФ Кастуся Смолікава ў самаўпраўстве — за ўсталяваньне памятных крыжоў пад вёскай Паляі.
