Праваабарончы цэнтр «ВЯСНА»

Навіны на тэму: акцыі

20.06.2011 Салігорская міліцыя папярэджвае

Жыхар Салігорска Міхаіл Салдаценкаў на сваёй старонцы "ВКонтакте" напісаў “Доллар, бензин, революция”. Праз некалькі дзён маладога чалавека ўжо шукала міліцыя для дачы тлумачэньняў.

20.06.2011 Затрыманьні ў Наваполацку

Пры спробе прыняць удзел у Маршы нязгодных 19 чэрвеня ў Наваполацку супрацоўнікі міліцыі затрымалі некалькі актывістаў Беларускай хрысціянскай дэмакратыі, сярод якіх Ілля Багданаў, Крайко Алег і Дуброўскі Андрэй. У 17 гадзін іх даставілі ў мясцовы РАУС, дзе яны былі папярэджаныя аб недапушчальнасці арганізацыі і заклікаў да ўдзелу ў несанкцыянаваных акцыях. Затым усіх адпусьцілі.

16.06.2011 Хроніка “Сеткавай Рэвалюцыі”: па краіне затрымана больш за 240 чалавек (дапаўняецца)

Удзельнікамі акцыі «Рэвалюцыя праз сацыяльную сетку», што прайшла 15 чэрвеня на галоўных плошчах беларускіх гарадоў стала некалькі тысяч чалавек. Найбольш шматлюдная акцыя прайшла ў Менску. Людзі сабраліся таксама ў Берасьці, Віцебску, Вілейцы, Гомелі, Горадні, Магілёве, Баранавічах, Барысаве, Воршы, Салігорску, Бабруйску, Мазыры, Маладэчне, Полацку, Слуцку, Вялейцы, Жодзіне, Лідзе і Кобрыне. Па папярэдніх звестках па краіне было затрымана больш за 240 чалавек.

16.06.2011 Баранавічы: міліцыя затрымала трох чалавек падчас маўклівага пратэсту

15 чэрвеня 2011 года ў Баранавічах адбыўся маўклівы пратэст грамадзянаў, у якім прыняло ўдзел каля 25 чалавек. У дзельнікі акцыі стаялі на цэнтральнай плошчы і праста размаўлялі паміж сабою. За імі вельмі пільна сачылі людзі ў цывільным і супрацоўнік ідэалагічнага аддзела гарвыканкама Сяргей Пузікаў.

16.06.2011 Новыя суды над пратэстоўцамі ў «Брузгах»

Сёння судзяць тых удзельнікаў, каго зафіксавалі падчас фота- і відэаздымкаў. Як паведаміў Андрэй Кавальчук, людзей выклікаюць у Гродзенскі абласны суд. Удзельнікам акцыі пратэсту прызначылі розны час, каб не збіраць усіх разам. З Андрэем асудзілі дзясятак чалавек. Усім далі штрафы ў памеры 30 б.в. (1050000 рублёў).

16.06.2011 Дзікунскі выпадак у Смалявічах: на акцыі затрымалі трохгадовае дзіця разам з бацькамі

У Смалявічах больш за 30 чалавек сабралася на цэнтральнай плошчы. Некаторыя з удзельнікаў «народный гулянняў» раскідвалі «грашовыя фанцікі». Падзеі здымаліся на відэа невядомымі асобамі. Пасьля завяршэння акцыі міліцыянты запрасілі ў РАУС Артура Эшбаева, разам з жонкай Аляксандрай і трохгадовым сынам Самірам, якіх трымалі ў міліцыі да 22 гадзін.

15.06.2011 У Магілёве студэнтаў перасцерагаюць ад удзелу ў акцыі

Кіраўніцтва МДУ перасцерагае студэнтаў ад удзелу ў акцыі "Рэвалюцыя праз сацыяльныя сеткі". Студэнты Магілёўскага дзяржаўнага ўніверсітэту імя А.Куляшова паведамляюць, што іх папярэдзілі наконт сённяшняй акцыі, якая мусіць адбыцца а 19-00 на плошчы Леніна ў Магілёве.

15.06.2011 Генпракуратура папярэділа інтэрнэт-агітатараў

Генэральная пракуратура Беларусі вынесла афіцыйнае папярэджаньне актывістам аднаго з грамадзкіх аб’яднаньняў, якія праз інтэрнэт заклікалі да ўдзелу ў несанкцыянаваных акцыях.

13.06.2011 Перад судом паўстануць 14 чалавек

У іх дачыненні складзеныя адміністрацыйныя пратаколы па артыкуле 23.04 (непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў) і артыкуле 23.34 (парушэнне парадку арганізацыі або правядзення масавага мерапрыемства або пікетавання) КаАП.

13.06.2011 Затрыманых у Брузгах будуць судзіць у Гродзенскім раённым судзе сёння

Як паведамілі «Нашай Ніве» у РАУС Кастрычніцкага раёна Гродна, усе затрыманыя падчас акцыі пратэсту 12 чэрвеня на пункту пропуску Брузгі знаходзяцца ў Ізалятары часовага ўтрымання. Чакаюць, калі за людзьмі прыедзе машына, якая адвязе іх у суд.

13.06.2011 На памежным пераходзе Брузгі разагналі мітынг кіроўцаў

Яны пратэставалі супраць новых парадкаў на мытні. Паводле неафіцыйнай інфармацыі, быў ужыты слёзацечны газ, ёсць затрыманыя.

10.06.2011 Лукашэнка не адказаў на 27 зваротаў сваякоў пацярпелых

Чарговы калектыўны зварот да кіраўніка Беларусі і суддзяў падпісалі 111 чалавек, чые блізкія пацярпелі ад беззаконня ў беларускіх судах.

10.06.2011 Удзельнікаў акцыі "Стоп-бэнзін" выклічуць у ДАІ

“Нумары машын былі «прабітыя» па базе і разам з усімі дадзенымі, дыскамі з фатаграфіямі і відэа адпраўленыя ў раённыя ДАІ Менску. І кожнае раённае ДАІ будзе выклікаць «сваіх» парушальнікаў”, – заявіла начальнік аддзелу агітацыі і прапаганды ДАІ Менску Жана Трайно.

09.06.2011 Мазырскую “рэвалюцыю” задушылі на карані

У Мазыры 8 чэрвеня “Рэвалюцыі праз сацыяльную сетку” ў «Кантакце» не адбылося. Супрацоўнікі міліцыі адразу ж пачалі затрыманні моладзі, якая збіралася ў цэнтры горада на плошчы Леніна, абвінаваціўшы іх у парушэнні грамадскага парадку і брыдкаслоўі. Усяго ў мясцовы РАУС адвезлі 12 удзельнікаў акцыі.