Навіны на тэму: адміністратыўны перасьлед
23.05.2008 Яўген Афнагель – чацверты завочна асуджаны
Актывіст апазыцыі Яўген Афнагель завочна прысуджаны да сямі сутак адміністрацыйнага арышту за ўдзел у акцыі 1 траўня ля будынку Нацыянальнай бібліятэкі ў Менску. Сёньня ён па пошце атрымаў копію пастановы суду Першамайскага раёну.
23.05.2008 Кіраўніка гродзенскай філіі АГП аштрафавалі за канцэрт польскага гурта
На 1 мільён 50 тысяч рублёў аштрафаваны кіраўнік гродзенскай філіі Аб'яднанай грамадзянскай партыі Юрый Істомін за канцэрт польскага гурта "Транскапэла". Яго выклікалі ў гарадскі аддзел МНС, дзе распытвалі пра канцэрт гурта, які прайшоў 13 траўня ў гродзенскім офісе АГП. У выніку, Істомін атрымаў штраф за "парушэнне пажарнай бяспекі". Пры гэтым выратавальнікі спасылаліся на паперу, якую яны атрымалі з міліцыі.
21.05.2008 Зьміцер Дашкевіч асуджаны на 7 сутак арышту
“Выгукваў лёзунгі, заклікі аб далучэньні Беларусі да Эўразьвязу, чым парушыў усталяваны парадак арганізацыі і правядзеньня масавых мерапрыемстваў у Рэспубліцы Беларусь”, - гаворыцца ў пастанове суда Першамайскага раёну аб арышце лідэра Маладога Фронту, Зьмітра Дашкевіча.
21.05.2008 Судзяць лідара віцебскай філіі “Моладзі БНФ”
У Кастрычніцкім райсудзе Віцебску а 16-й гадзіне мае пачацца судовы працэс над актывістам “Моладзі БНФ” Алесем Кузьняцовым. Справу разглядае судзьдзя Людміла Смалякова. Віцебскага лідара “Моладзі БНФ” вінавацяць у правядзеньні несанкцыянаванай акцыі 26 красавіка. Хлопца затрымалі за тое, што прайшоў да ўзьбярэжжа Дзьвіны з узьнятым над галавой бел-чырвона-белым сьцягам.
21.05.2008 Штрафы полацкім “маладафронтаўцам”: больш за мільён кожнаму
Затрыманых у райцэнтры Вушачы моладзевых актывістаў Кацярыну Салаўёву і Алеся Круткіна аштрафаваў мясцовы суд.
19.05.2008 У Баранавічах пакараны штрафам маладафронтавец Арцём Ластавецкі
У ноч на 17 траўня ў Баранавічах быў затрыманы актывіст мясцовай філіі Маладога Фронту Арцём Ластавецкі.
19.05.2008 Журналіст Яраслаў Сьцешык арыштаваны на 5 сутак
На 5 сутак адміністратыўнага арышту асуджаны пазаштатны карэспандэнт газеты «Наша Ніва» Яраслаў Сцешык. Такое рашэнне прыняў суд Цэнтральнага раёна Мінска 16 траўня, прызнаўшы Я. Сцешыка вінаватым у нецэнзурнай лаянцы ў грамадскім месцы (арт. 17.1 КаАП — дробнае хуліганства).
16.05.2008 Полацак: штраф за расьцяжку “Свабоду палітвязьням”
15 траўня судзьдзя Полацкага гарадзкога суду Вікторыя Сьвітык прысудзіла грашовыя штрафы тром актывістам незарэгістраванай арганізацыі “Малады фронт”, затрыманым учора з расьцяжкай “Свабоду палітвязьням” каля помніка Францыску Скарыну. Гэты іхны ўчынак кваліфікаваны судом як удзел у несанкцыянаванай акцыі.
16.05.2008 У Салігорску аштрафавалі Мілінкевіча
У судзе горада Салігорска, дзе ўвечары 15 траўня судзілі лідэра Руху «За Свабоду» Аляксандра Мілінкевіча, не пусцілі прадстаўнікоў сродкаў масавай інфармацыі.
15.05.2008 Арыштаваны аўтар кнігі пра трагедыю Дражна
Суд Старых Дарогаў пакараў на 15 сутак арышту журналіста і выдаўца Віктара Хурсіка, аўтара кнігі “Кроў і попел Дражна” са сьведчаньнямі аб забойстве савецкімі партызанамі мірных жыхароў.
14.05.2008 На правабаронцу Віктара Сазонава складзены адміністратыўны пратакол за бел-чырвона-белы сьцяг
Сёньня у Гародні да грамадзка-палітычнага актывіста і праваабаронцы Віктара Сазонава завіталі два маёры міліцыі з Ленінскага РАУС Пётр Лянец і Іван Вечар. Яны ўзялі ў яго тлумачэньні і склалі адміністратыўны пратакол па арт. 23.34 КаАП (Парушэньне парадку арганізацыі або правядзеньня масавага мерапрыемства) за ўдзелу ў канцэрце гурта “Lombard”, калі Віктар Сазонаў размахваў бел-чырвона-белым сьцягам.
14.05.2008 У Віцебску аштрафаваны Сяргей Каваленка
На 30 базавых велічыняў аштрафаваў судзьдзя Чыгуначнага райсуду Віцебску Ўладзіслаў Шыкароў актывіста КХП БНФ Сяргея Каваленку па ч. 3 арт. 23.34 КаАП (Парушэньне парадку арганізацыі і правядзеньня масавых мерапрыемстваў) за ўдзел у Чарнобыльскай акцыі 26-га красавіка.
14.05.2008 Яшчэ адна адміністратыўная справа за рок-канцэрт
На кіраўніка абласной суполкі Аб’яднанай грамадзянскай партыі Юрыя Істоміна сёння склалі адміністрацыйны пратакол па парушэнні артыкула 23.34 ч.3 КаАП РБ – актыўны ўдзел у несанкцыянаваным мерапрыемстве. Супрацоўнікі праваахоўных органаў Гродна палічылі такім мерапрыемствам канцэрт вядомага польскага гурта Lombard у Гродне.
13.05.2008 Фронтаўца Ілю Копыла аштрафавалі на 5 базавых велічыняў
8 траўня адбылося паседжаньне адміністрацыйнай камісіі Савецкага раёну, якая пакарала вэтэрана Партыі БНФ Ілю Копыла штрафам у памеры 5 базавых велічыняў.
12.05.2008 Мікола Статкевіч пакінуў ізалятар на Акрэсьціна
11 траўня ў 12.25 Цэнтар ізаляцыі правапарушальнікаў, што на вуліцы Акрэсьціна ў Менску, пакінуў старшыня Цэнтральнага аргкамітэту “Народнае грамады” (Беларускай сацыял-дэмакратычнай партыі) Мікола Статкевіч, асуджаны 2-га траўня судом Першамайскага раёну беларускае сталіцы на дзесяць сутак адміністратыўнага арышту за “арганізацыю несанкцыянаванае акцыі” (артыкул 23.34 КаАП РБ) 1-га траўня бягучага году.
