Навіны на тэму: адміністратыўны перасьлед
11.07.2008 Колькасьць арыштаў грамадзка-палітычных актывістаў расьце
За апошнія дні ў межах сьледзства па крымінальнай справе аб выбуху ў Менску 4 ліпеня асаблівы ціск аказаны на актывістаў НДА і апазіцыйных партыяў. Па ўсёй Беларусі ідуць допыты і вобшукі. 10 актывістаў знаходзяцца за кратамі нягледзячы на тое, што ім не прад'яўляюць ніякіх абвінавачаньняў.
09.07.2008 Хвалі ад “выбуху”
Магілёўскага актывіста Зміцера Салаўёва сёньня выклікалі па тэлефоне на гутарку ў якасьці сведкі па крымінальнай справе, узбуджанай пасьля выбуху ў Менску 4 ліпеня. Таксама арыштаваны Сяржук Чыслаў.
07.07.2008 Паліну Кур’яновіч арыштавалі на 5 сутак
Судзьдзя Цэнтральнага раённага суду Менску Тацяна Паўлючук за зачыненымі дзьвярыма заслухала сьведку-міліцыянта і асудзіла Паліну Кур’яновіч, актывістку руху “Джынс за свабоду”, на 5 сутак арышту.
07.07.2008 Паліну Кур’яновіч судзяць за сьцяг Эўразьвязу
У суд Цэнтральнага раёну даставілі актывістку моладзевага руху Паліну Кур’яновіч. Міліцыя затрымала Паліну Кур’яновіч у мінулую пятніцу пасьля таго, як у яе заплечніку знайшлі сьцяг Эўразьвязу. Тры дні дзяўчына адбыла ў турме на вуліцы Акрэсьціна.
03.07.2008 Павел Юхневіч на Акрэсціна
Актывіст грамадзянскай кампаніі «Еўрапейская Беларусь» Павел Юхневіч з учорашняга дня адбывае 7-суткавы арышт у турме на вуліцы Акрэсціна ў Мінску.
02.07.2008 Новыя арышты маладафронтаўцаў
На 10 сутак арыштавалі актывіста Маладога фронту з Баранавічаў Зьмітра Станкевіча. Хлопца затрымалі ў цэнтры гораду на плошчы Леніна, калі ён раздаваў улёткі зь інфармацыяй пра Андрэя Кіма. Міліцыянты склалі на яго пратакол аб дробным хуліганстве. Суд арыштаваў актывіста на 10 сутак.
02.07.2008 У Брэсце пададзена заяўка на правядзенне “Маршу дробных хуліганаў”
Актывіст руху “За Свабоду” Раман Кісляк падаў у Брэсцкі гарвыканкам заяўку на правядзенне 30 ліпеня вулічнага шэсця “Марш дробных хуліганаў”. Па словах праваабаронцы, мэта дадзенага мерапрыемства — прыцягнуць увагу грамадскасці да патрабаванняў спыніць адміністрацыйныя затрыманні актывістаў дэмсіл пад выглядам справаў аб дробным хуліганстве.
01.07.2008 Журналістку Радыё “Свабода” аштрафавалі «за непавагу да суда»
Журналістку Радыё «Свабода» Любоў Лунёву 30 чэрвеня аштрафавалі на 8 базавых велічынь у зале суда Кастрычніцкага раёна Мінска. Яе звінавацілі ў «непавазе да суда» за тое, што яна адказала на званок па мабільным тэлефоне.
30.06.2008 Суткі і “базавыя” Міхаіла Пашкевіча. І ня толькі яго.
Сёньня ў судзе Кастрычніцкага раёну Менску адбыўся разгляд адміністратыўнае справы намесьніка старшыні арганізацыі “Маладыя дэмакраты” (моладзевае крыло Аб’яднанай грамадзянскай партыі) Міхаіла Пашкевіча, затрыманага на сталічным чыгуначным вакзале ўвечары мінулае суботы.
30.06.2008 Суд спыніў справу Івана Стасюка
Моладзевы актывіст быў затрыманы за распаўсюд улётак, аднак адміністратыўны пратакол міліцыянты склалі за нецэнзурную лаянку.
30.06.2008 У Берасьці затрыманы Іван Стасюк
Сёньня ў Берасьці адбудзецца суд над моладзевым актывістам Іванам Стасюком. Юнака затрымалі супрацоўнікі міліцыі днём, 29 чэрвеня, пад час распаўсюду друкаванай прадукцыі аб Еўрапейскім Звязе. Стасюка змясьцілі ў ізалятар часовага ўтрыманьня Ленінскага РАУСа, дзе ёе правёў ноч.
30.06.2008 Асуджанаму па “справе 14” пагражае турма
28 чэрвеня міліцыя затрымала Міхала Пашкевіча, раней асуджанага да “хатняй хіміі” па “справе 14”. На яго быў складзены пратакол за нібыта адмістрацыйнае правапарушэньне. Калі суд прызнае яго вінаватым у хуліганстве, ён можа патрапіць у турму. Як паведаміў “Свабодзе” лідар Аб’яднанай грамадзянскай партыі Анатоль Лябедзька, сёньня ўвечары быў затрыманы палітвязень Міхал Пашкевіч, які быў пакараны ўвесну па “справе 14”.
27.06.2008 Улады распачынаюць жорсткія рэпрэсіі супраць тых, хто адкрыта заявіў пра намер праводзіць маніторынг выбараў у Парламент.
Адразу па 2 артыкулах адміністрацыйнага кодэксу 27 чэрвеня быў пакараны сябар БХК, праваабаронца з Маладэчна, адзін з удзеньнікаў маніторынгу за выбарамі ў Палату прадстаўнікоў Нацыянальнага сходу Рэспублікі Беларусь Эдуард Баланчук. Справа разглядалася у судзе Маскоўскага раёну Менска суддзём Харкевічам.
18.06.2008 Арцёма Ластавецкага з Баранавічаў чакае суд
17 чэрвеня актывіст Баранавіцкай філіі Маладога Фронту Арцём Ластавецкі быў выкліканы ў Баранавіцкі РАУС, дзе на яго склалі адміністрацыйны пратакол па артыкуле 10.9 – “наўмыснае нанясеньне шкоды ў невялікіх памерах”, які прадугледжвае штраф да 50 базавых велічынь.
17.06.2008 Алеся Масюка пакаралі штрафам
Суд Слонімскага раёна прызнаў Алеся Масюка вінаватым у “арганізацыі несанкцыянаванай акцыі” (арт. 23.34 КоАП РБ) і пакараў яго штрафам у 700 тысяч рублёў.
