08.06.2009 Разгляд адміністратыўнай справы Дубскага - 10 чэрвеня

Справу Арцёма Дубскага, якога абвінавацілі ў нанясеньні надпісаў “Свабоду Аўтуховічу!”, будзе разглядаць адміністратыўная камісія.

Разгляд адміністратыўнага пратаколу прызначаны на 9:30 10 чэрвеня.

01.06.2009 Журналістку папярэдзілі

Карэспандэнтка Радыё «Рацыя» Тамара Шчапёткіна атрымала адміністратыўнае пакаранне ў выглядзе вуснага папярэджання за «парушэнне грамадскага парадку падчас правядзення масавага мерапрыемства». (ч.1 арт. 23.34 КаАП).

27.05.2009 Пяць пратаколаў аб правапарушэньні за адну акцыю

26 траўня у Цэнтральным РАУСе Гомеля быў складзены пратакол аб адміністрацыйным правапарушэньні на яшчэ аднаго ўдзельніка акцыі памяці зьніклага генерала Захаранкі. Дэмакратычнага актывіста і праваабаронцу Анатоля Паплаўнага выклікалі позваю ў міліцыю пасьля таго, як актывіст адмівіўся ўпусціць супрацоўніка міліцыі ў дом.

27.05.2009 Арыштаваны былы ўдзельнік апошніх парламенцкіх выбараў Андрэй Бандарэнка

Былы ўдзельнік апошніх парламенцкіх выбараў Андрэй Бандарэнка быў арыштаваны напрыканцы мінулага тыдня. Да цяперашняга моманту ягоныя калегі не ведаюць ні акалічнасцей арышту, ні месца ўтрымання.

27.05.2009 Яшчэ адзін штраф за "Школу для ўсіх"

Непаўнагадовага салігорскага маладафронтаўца Ільлю Шылу адміністратыўная камісія салігорскага райвыканкаму аштрафавала на 50 базавых велічынь (1 млн. 750 тыс. рублей) за пікет, у якім ён не прымаў удзел. Рашэньне камісіі было прынята без удзелу маладафронтаўца.

25.05.2009 У Лідзе асудзілі ўдзельнікаў антыядзернай акцыі

Сёньня ў Лідзе Ганна Бунько пакарана штрафам памерам дзьве базавыя велічыні, а Яўген Руды папярэджаны судом. Раней за ўдзел у гэтай жа акцыі, якая адбылася 25 красавіка, быў асуджаны на адны суткі зьняволеньня Яўген Скрабец. Ганна Бунько распавяла, што супраць іх сьведчылі два міліцыянты. Падзеяў яны не сказілі — распавядалі, як было насамрэч. Судзьдзя, са слоў Ганны Бунько, выслухаўшы бакі, найперш павучыў маладзёнаў маралі: маўляў, можаце папсаваць сваё жыцьцё.

25.05.2009 Пратэстанта будуць судзіць за распаўсюд Бібліі

Пятру Маланачкіну з Горак пагражае адміністрацыйны штраф за распаўсюджанне інфармацыі рэлігійнага зместу.

20.05.2009 Судовыя выканаўцы ў чарговы раз апісалі маёмасць Сяргея Панамарова

Дом Сяргея Панамарова наведалі судовыя выканаўцы. Яны шукалі маёмасць, якую можна канфіскаваць для пакрыцця штрафаў.

20.05.2009 Бунько і Рудога будуць судзіць

25 траўня, будуць судзіць лідскіх моладзевых актывістаў Ганну Бунько і Яўгена Рудога. Яўген і Ганна атрымалі позвы ў суд, у якіх зазначана, што юнакі парушылі артыкул 17.1 КоАП РБ "Парушэнне правілаў правядзення масавых мерапрыемстваў".

18.05.2009 Прызначаная дата суду над праваабаронцай Тамарай Шчапёткінай

Разгляд адміністрацыйнай справы бярозаўскай актывісткі і праваабаронцы Тамары Шчапёткінай прызначаны ў судзе Бярозаўскага раёна на 16 гадзін 20 траўня. Актывістку вінавацяць у парушэньні парадку арганізацыі і правядзеньня масавага мерапрыемства.

14.05.2009 Паўла Кур’яновіча суд пакараў штрафам

Сёння, 14 траўня, суд Першамайскага раёну Менску аштрафаваў актывістам “Маладога Фронту” Паўла Кур’яновіча на 10 базавых велічыняў. Маладафронтаўца прызналі вінаватым у адміністратыўным правапарушэнні па арт. 23.34 КаАП РБ - парушэнне парадку арганізацыі і правядзення масавых мерапрыемстваў.

12.05.2009 Маладафронтаўцаў пакаралі штрафамі за “Школу для ўсіх”

Адміністрацыйны суд Салігорску пакараў грашовымі штрафамі актывістаў незарэгістраванай арганізацыі “Малады фронт”.

23.04.2009 Актывіст Міхал Ільін асуджаны да 10 сутак арышту

Суд Ленінскага раёна Брэста 23 красавіка прызнаў актывіста міжнароднага грамадскага аб’яднання «Малады фронт» Міхала Ільіна вінаватым па арт. 17.1 КоАП (дробнае хуліганства) і прыгаварыў да дзесяці сутак адміністрацыйнага арышту.

21.04.2009 Алеся Любенчука суд пакараў штрафам

Суддзя Юрый Гарбатоўскі прызнаў незалежнага журналіста Алеся Любенчука вінаватым у парушэнні грамадскага парадку і пакараў штрафам у 20 базавых велічыняў.

17.04.2009 У Берасці суд пакараў штрафамі ўдзельнікаў акцыі салідарнасці

Суд Ленінскага раёна Берасця пакараў штрафамі затрыманых учора ўдзельнікаў акцыі салідарнасці. Пра гэта паведамілі берасцейскія праваабаронцы Уладзімір Малей і Раман Кісляк.