Навіны на тэму: адміністратыўны перасьлед
04.04.2012 На Дзяніса Дашкевіча склалі новы пратакол
Грамадзкі актывіст, сябра стваранай партыі «Беларуская хрысьціянская дэмакратыя» з Рагачова Дзяніс Дашкевіч паведаміў, што вынікам ягонага выкліку 3 красавіка ў раённы аддзел унутраных спраў стаў чарговы адміністрацыйны пратакол пра парушэньньне аўтарскіх, сумежных і патэнтных правоў.
03.04.2012 Метамарфозы ў справе “дробнай хуліганкі” Святланы Вяргейчык
За час, што Святлана Вяргейчык дамагаецца пакарання для збіваўшых яе міліцыянтаў, адзін з іх “даслужыўся” да пасады начальніка райаддзела Следчага камітэта і “адфутбольвае” цяпер скаргі пацярпелай. Судовая выканаўца спаганяе з яе штраф – у той час як рашэнне суда не набыло сілы. А ўчастковага непакоіць, якія пытанні жанчына мае да Следчага камітэта.
30.03.2012 Валерыя Шчукіна аштрафавалі на 34 базавыя велічыні
Па артыкуле 17.1 КаАП РБ (“Дробнае хуліганства”) Валерый Шчукін аштрафаваны на 4 базавыя велічыні (140 тысячаў рублёў), а па вртыкуле 23.4 (“Непадпарадкаваньне законным патрабаваньням службовай асобы пры выкананьні ім службовых паўнамоцтваў”) – на 30 базавых велічыняў (1 мільён 50 тысячаў рублёў).
30.03.2012 Умовы ўтрыманьня на Акрэсціна па-ранейшаму кепскія
Алена Дубовік, затрыманая 24 сакавіка падчас канцэрту ў ДК МТЗ і асуджаная да 3 сутак арышту, напісала скаргу ў пракуратуру на незаконныя дзеянні супрацоўнікаў міліцыі пры затрыманні і кепскія ўмовы ўтрыманьня ў Цэнтры ізаляцыі правапарушальнікаў на Акрэсціна.
29.03.2012 Таемны суд над Лябедзькам, Калякіным, Атрошчанкавым - штрафы па 10 б.в.
Лябедзька, Калякін і Атрошчанкаў аштрафаваныя на 10 базавых велічыняў (350 тысяч рублёў) кожны і вызваленыя. Іх прызналі вінаватымі ў парушэньні артыкулу 17.1 КаАП "Дробнае хуліганства". Пашпарты ім не вярнулі
28.03.2012 Леанід Судаленка выйграў суд з Дзяржаўтаінспекцыяй
Гомельскаму праваабаронцу Леаніду Судаленку ўдалося даказаць у судзе, што ён не парушаў правілы дарожнага руху і не перавышаў хуткасць у населеным пункце. За гэта супрацоўнікі Дзяржаўтаінспекцыі спрабавалі пазбавіць праваабаронцу пасведчання кіроўцы. Суд цягнуўся 10 месяцаў.
27.03.2012 Алену Дубовік пакаралі трымя суткамі арышту
26 сакавіка позна ўвечары ў судзе Партызанскага раёна Менска завяршыўся разгляд адміністратыўнай справы апошняй з затрыманых на канцэрце у Палацы культуры трактарнага завода дзяўчыны. Алену Дубовік пакаралі арыштам на трое сутак за дробнае хуліганства.
26.03.2012 Пачаліся суды над удзельнікамі суботняга канцэрту ў клубе “Ё-маё” (дадаецца)
У Мінску пачынаюцца суды над затрыманымі 24 сакавіка падчас суботняга канцэрту. У судзе Цэнтральнага раёна будуць разглядацца адміністратыўныя справы Аляксандра Ярашэвіча, Мікіты Уласенкі, Яўгена Уласенкі, Яўгена Рубашкі, Уладзіміра Дзмітракова, Паўла Дзеркача, Паўла Грыневіча, Зміцера Харланчука, Паўла Беланава. У судзе Партызанскага раёна сталіцы - Алены Дубовік.
26.03.2012 Асудзілі да штрафу за бел-чырвона-белы сьцяг
Затрыманых 25 сакавіка ў Менску актывістаў Міхаіла Нарушэвіча і Зміцера Пшэніка асудзілі ў судзе Першамайскага раёна. Па непадцверджанай інфармацыі юнакі спрабавалі вывесіць бел-чырвона-белы сцяг. Суддзя Юрый Гарбатоўскі памічыўіх вінаватым у арганізацыі несанкцыянаванага масавага мерапрыемства і пакараў іх штрафам у 70 тысяч беларускіх рублёў кожнага.
25.03.2012 У Гародні затрымалі траіх маладафронтаўцаў
У Гародні 24 красавіка затрымалі траіх маладафронтаўцаў. Пра гэта паведаміла Натальля Турэйка. «Забралі пры расклейцы ўлётак, склалі пратакол на траіх чалавек — "хуліганка",» — распавяла дзяўчына
24.03.2012 Двое актывістаў-анархістаў асуджаныя на суткі
Як стала вядома, яшчэ 23 сакавіка суд пакараў двух прадстаўнікоў моладзевага анархічнага руху Бугаёва Аляксандра і Осімава Віталя адміністрацыйным арыштам на 5 сутак і 3 сутак адпаведна.
24.03.2012 Барысаў: Анатоль Аскерка на волі
Сёння скончылася 15-сутачная адсідка актывіста Анатоля Аскеркі, які быў затрыманы 9 сакавіка за ўдзел у пікеце, прымеркаваным да дня нараджэння палітвязня Андрэя Саннікава.
23.03.2012 У судзе Маскоўскага раёна – Шулейка і Костка - па 5 сутак, Дземідзенка - 10 сутак
У судзе Маскоўскага раёну Менска пачаўся разгляд адміністратыўных спраў Міколы Дземідзенкі, затрыманага ўчора вечарам ў раёне вуліцы Акрэсціна, а таксама актывістаў РПСС Насты Шулейкі і Міхася Косткі.
23.03.2012 Затрыманьні “маладафронтаўцаў” пад Акрэсціна
Непадалёку ад ізалятара часовага ўтрыманьня па вуліцы Акрэсціна вечарам 22 сакавіка супрацоўнікі АМАПУ затрымалі актывістаў “Маладога фронту” Рамана Пратасевіча і Міколу Дземідзенку. Яны, разам з сябрамі, сустракалі адбыўшых арышт паплечнікаў -Міхася Мускага, Рамана Васільева, Уладзіміра Яроменку, Зміцера Крамянецкага.
23.03.2012 Актывісты “Рэвалюцыі праз сацыяльныя сеткі” затрыманыя пасьля акцыі
Супрацоўнікі міліцыі пасьля 17 гадзін вечара затрымалі Насту Шулейка, Міхася Костку і фотааператара, прозвішча якога пакуль невядомае па падазрэньні ў здзяйсьненьні акцыі ў гандлёвым цэнтры “Сталіца” ў Менску.
