Навіны на тэму: адміністратыўны перасьлед
05.07.2012 Суд па скарзе журналіста Еўрарадыё прызначаны на 6 ліпеня
Гарадскі суд Мінска разгледзіць касацыйную скаргу журналіста Еўрарадыё Паўла Свярдлова 6 ліпеня ў 15 гадзінаў. Яго скаргу суд атрымаў 29 чэрвеня ўвечары. Між тым, 15-сутачны арышт Паўла заканчваецца 7 ліпеня, таму, нягледзячы на рашэнне, Свярдлоў прабудзе на Акрэсціна, фактычна, увесь тэрмін.
04.07.2012 Андрэю Молчану прысудзілі штраф за несанкцыянаваны пікет
У судзе Першамайскага раёна адбылося слуханне па справе актывіста "Еўрапейскай Беларусі”. 19 траўня ў знак салідарнасці са зняволеным віцебскім апазіцыянерам Сяргеем Каваленкам ён разгарнуў бел-чырвона-белы сцяг у Мінску, за што быў жорстка збіты міліцыянтамі. Яму было вынесена абвінавачваюць па артыкуле 23.34 КаАП - несанкцыянаванае пікетаванне. Суддзя - Сяргей Анатольевіч Люштык.
04.07.2012 Слонімскую актывістку БХД зноў аштрафавалі
У Слоніме позна ўвечары 3 ліпеня каля мясцовага райвыканкаму была ў чарговы раз затрымана сябра Беларускай Хрысціянскай Дэмакратыі Вольга Пансевіч. Дзяўчыну абвінавацілі ў непадпарадкаванні патрабаванням міліцыянтаў. А раніцай 4 ліпеня над ёй адбыўся суд, дзе яе аштрафавалі на 2,4 мільёны рублёў.
02.07.2012 Ягора Віняцкага запрасіліі у РУУС, каб затрымаць і адвезці на Акрэсціна
Актывісту моладзевага крыла кампаніі “Гавары праўду” “Zmena” Ягору Віняцкаму патэлефанавалі 30 чэрвеня з Першамайскага РУУСа Менска і запрасілі падыйсці а 17-00 па справе знойдзенага ноутбука. Аднак у выніку ён апынуўся ў Цэнтры ізаляцыі правапарушальнікаў на Акрэсціна.
29.06.2012 Касацыйная скарга Паўла Свярдлова знікла
Журналіст Еўрарадыё Павел Свярдлоў 25 чэрвеня накіраваў касацыйную скаргу на прысуд Маскоўскага раёна, які 22 чэрвеня прыгаварыў карэспандэнта да 15 сутак арышту. Але дакументы да гарадскога суда так і не дайшлі.
29.06.2012 Моўчана будуць судзіць за несанкцыянаванае пікетаваньне
Судовую справу зьбітага міліцыянтамі актывіста «Эўрапейскай Беларусі» Андрэя Моўчана будуць разглядаць у судзе Першамайскага раёну Менску 4 ліпеня.
29.06.2012 Павел Вінаградаў абвясціў галадоўку
Лідар «Змены» — моладзевага крыла руху «Гавары праўду» — Павел Вінаградаў абвясціў галадоўку. Вінаградаў адбывае 15 суткавы адміністрацыйны арышт у турме на вуліцы Акрэсціна.
28.06.2012 Касацыйную скаргу па справе Свярдлова разгледзяць 29 чэрвеня
Разгляд скаргі прызначаны на 15.00 ў ў Мінскім гарадскім судзе. Нагадаем, што журналіста Еўрарадыё Паўла Свярдлова затрымалі ў мінулую пятніцу, каля 10-ай гадзіны раніцы ля пад’езду яго дома.
27.06.2012 За суткі незаконнага арышту – 240 тысяч рублёў
Затрыманая летась на маўклівай акцыі пратэсту Юлія Гарачанкова праз суд атрымала кампенсацыю. Яе незаконна асудзілі на пяць сутак арышту ў Цэнтры ізаляцыі правапарушальнікаў ГУУС Мінгарвыканкама на Акрэсціна.
27.06.2012 Пабілі, а потым аштрафавалі
У Калінкавічах аштрафавалі раней пабітага міліцыяй 17-гадовага Косьцю Рудзеню, а таксама ягоную сяброўку Натальлю Мальшакову.
27.06.2012 Помста за “Мусарка”: 40 сутак арышту за няпоўныя два месяцы
Супрацоўнікі міліцыі бязлітасна помсцяць актывісту Івану Амельчанку за ягоны перфоманс. 26 красавіка падчас Чарнобыльскага шляху Амельчанка стаў каля пераапранутага аператыўніка з з самаробным плакатам “Мусарок”.
22.06.2012 Актывістам кампаніі "Гавары праўду” - па 15 сутак арышту
У судзе Цэнтральнага раёна Менска пачаўся разгляд адміністратыўнай справы Аляксандра Арцыбашава. Яго вінавацяць у дробным хуліганстве (арт17.1 КаАП РБ). Суддзя Вераніка Ткачова.
15.06.2012 Аналіз сітуацыі ў адвакатуры і галіне абароны правоў асоб, якія падвяргаюцца судоваму перасьледу – у аглядах юрыстаў
Беларускія юрысты пры арганізацыйнай падтрымцы Беларускага дома правоў чалавека і праграмы Сеткі Дамоў правоў чалавека "Міжнароднае права ў праваабарончай дзейнасьці" падрыхтавалі даследваньні па сітуацыі ў адвакатуры Беларусі за апошнія гады і аналітычны агляд праблем у у галіне абароны правоў асоб, якія падвяргаюцца судоваму перасьледу ў Рэспубліцы Беларусь.
12.06.2012 У Гародні суд над святаром перанесены
12 чэрвеня ў Гародні пачаўся суд над праваслаўным святаром Мікалаем Гайдуком, якога вінавацяць у непадпарадкаванні міліцыі і адмове прайсці дактыласкапію. Суддзя перанесла разгляд справы на 22 чэрвеня, паколькі сведкі-міліцыянты не змаглі прысутнічаць на судовым паседжанні, бо занятыя на працы. Аднак праваабаронцы называюць іншыя прычыны.
12.06.2012 Суд над Паўлам Сяргеем перанесены ў чарговы раз
Працяг разгляду адміністратыўнай справы актывіста зарэгістраванай у Чэхіі арганізацыі “Малады фронт” Паўла Сяргея павінен быў адбыцца сёньня ў судзе Фрунзенскага раёна Менска. Суддзя Людміла Лаппо. Аднак у чарговы раз суд перанесены на 22 чэрвеня.
