Навіны на тэму: адміністратыўны перасьлед
12.02.2013 Мінскі гарадскі суд разгледзіць скаргу Уладзіміра Лемеша
Сёння, 12 лютага, а 15-й гадзіне Мінскі гарадскі суд разгледзіць скаргу салігорскага актывіста грамадскай ініцыятывы “Еўрапейская Беларусь” Уладзіміра Лемеша на пастанову суда Першамайскага раёна горада Мінска аб адміністратыўным правапарушэнні.
07.02.2013 10 сутак за флэшмоб на тэму афіцыйнага беларускага беспрацоўя
Актывіста "Альтэрнатывы" Дзмітрыя Сільчанку сёння асудзілі на 10 сутак арышту па артыкуле 23.34 КаАП РБ - парушэнне парадку арганізацыі ці правядзення масавых мерапрыемстваў. Рашэнне вынес суд Савецкага раёну г.Мінска.
06.02.2013 Алесь Пушкін: Дзяржава пакідае за сабой права рэпрэсаваць і надалей
Вярхоўны суд адмовіў мастаку Алесю Пушкіну ў задавальненьні касацыйнай скаргі і пакінуў у сіле рашэньне суду Смаргонскага раёну, паводле якога мастак адбываў 10-сутачны адміністрацыйны арышт.
06.02.2013 У Нараўлянскім раёне апазіцыянераў аштрафавалі за ўезд у радыяцыйную зону
Міліцыянты выпісалі кару жыхарам Мазыра за тое, што яны прыехалі дапамагчы ветэрану вайны, які жыве ў адселенай вёсцы ў радыяцыйнай зоне Нараўлянскага раёна. Гэта на паўночным усходзе Беларусі, на Мазырскім Палессі.
05.02.2013 Ад бярозаўскага актывіста патрабуюць аплаціць суд над ім
Грамадска-палітычны актывіст з гораду Бярозаўка Вітольд Ашурак атрымаў дзіўнае ўведамленне з Лідскага раённага суду. Калі Вітольд Ашурак патэлефанаваў туды – яму паведамілі, што ён мусіць заплаціць 150 тысяч беларускіх рублёў за судовыя выдаткі, якія панёс Свіслацкі раённы суд. Ён быў асуджаны Свіслацкім судом да трох сутак адміністрацыйнага арышту. Пазней ён у належны тэрмін заплаціў грошы за харчаванне ў час зняволення.
01.02.2013 Болей «Славянскіх маршаў» у Магілёве не будзе?
Магілёўскія ўлады не дазволілі пікет арганізатару “Славянскага маршу” Дзмітрыю Дзенісенка. Хлопец запланаваў яго правесці яшчэ 20 студзеня.
29.01.2013 Судовы марафон Мікалая Уласевіча
Сёння ў Гарадзенскім абласным судзе была разгледжана скарга грамадскага актывіста Мікалая Уласевіча на пастанову Астравецкага раённага суда, які снежня ў выніку ажно 9 судовых паседжанняў прызнаў аяго вінаватым у здзяйсненні адміністрацыйнага правапарушэння і аштрафаваў на 40 базавых велічынь.
29.01.2013 Гарадзенскі абласны суд не стаў на бок праваабаронцаў
Суддзя абласнога суда Анатоль Заяц прадказальна ўзяў бок раённага суда і, нягледзячы на ўсе аргументы праваабаронцаў, якія былі выкладзены ў скаргах пісьмова і дадаткова пры іх разглядзе, пакінуў пастанову бяз зменаў.
29.01.2013 “Вясноўцы” салідарныя з гарадзенскімі калегамі
Прадстаўнікі менскага офісу ПЦ “Вясна” правялі фотаакцыю ў падтрымку Віктара Сазонава, Уладзіміра Хільмановіча і Рамана Юргеля – напярэдадні разгляду ў Гарадзенскім абласным судзе іх касацыйнай скаргі на абсурдную пастанову суду Ленінскага раёну Гародні. Разгляд скаргі пачаўся 29 студзеня, у 9-30.
29.01.2013 Сяргея Малашэнка аштрафавалі за салідарнасць з Бяляцкім на 2,5 мільёны
Гэта ўжо другі штраф, прысуджаны ў Наваполацкім гарадскім судзе мясцовым актывістам, якія, на ўзор гарадзенскіх аднадумцаў, сфатаграфаваліся з партрэтамі Алеся Бяляцкага ў руках. Пасля таго, як фотаздымкі Яўгена Парчынскага і Сяргея Малашэнка трапілі ў інтэрнэт, абодвух аштрафавалі за "несанкцыянаваную акцыю".
29.01.2013 Сёння абласны суд разгледзіць скаргі гарадзенскіх праваабаронцаў
Сёння адбудзецца разгляд касацыйных скаргаў гарадзенскіх праваабаронцаў Віктара Сазонава, Рамана Юргеля і Уладзіміра Хільмановіча, якія ў Міжнародны дзень правоў чалавека 10 снежня сфатаграфаваліся з партрэтамі зняволенага Алеся Бяляцкага і брашурамі з тэкстам Усеагульнай дэкларацыі правоў чалавека.
29.01.2013 Аштрафаваныя свіслацкія актывісты падаюць скаргі ў Камітэт па правах чалавека ААН
Свіслацкія грамадскія актывісты Віктар Дзесяцік і Анатоль Валюк падаюць скаргі ў Камітэт па правах чалавека ААН. Не знайшоўшы аб’ектыўнага разгляду сваіх касацыйных скаргаў па адміністрацыйных справах у Гарадзенскім абласным судзе, яны дабіваюцца справядлівасці ў міжнароднай інстанцыі.
24.01.2013 Уладзімір Яроменак арыштаваны на 12 сутак за парушэньне нагляду
Маладафронтавец будзе адбываць пакараньне ў будынку ІЧУ на завулку Акрэсьціна.
24.01.2013 У Наваполацку ў 14 гадзін будзе суд за здымкі з партрэтам Бяляцкага
Актывістам Яўгену Парчынскаму і Сяргею Малашонку паведамілі, што супраць іх інцыяваная адміністрацыйная справа за несанкцыянаваную акцыю. Доказам правапарушэння для мясцовай міліцыі сталі фотаздымкі, размешчаныя на шэрагу незалежных сайтах. У Наваполацку паўтараецца сітуацыя з судом над гарадзенскімі праваабаронцамі.
24.01.2013 Удзельніку акцыі салідарнасці з Бяляцкім пагражалі дастаўкай на допыт, а затым затрымалі (дапоўнена)
Актывіст аргкамітэту Партыі БХД Сяргей Малашонак раніцай пайшоў на пошту, каб адправіць скаргу кіраўніку гарадзкой міліцыі на дзеянні ягоных падначаленых. На зваротным шляху яго затрымалі каля ўласнага пад’езду. Зараз Сяргей знаходзіцца ў Наваполацкай міліцыі.
