Праваабарончы цэнтр «ВЯСНА»

Навіны на тэму: адміністратыўны перасьлед

20.03.2013 Уладзімір Яроменак патрапіў у шпіталь

Самаадчуваньне актывіста Маладога Фронту Уладзіміра Яроменка пагоршылася пасьля судовага паседжаньня. Маладафронтавец выклікаў хуткую дапамогу, лекары зафіксавалі падвышаны артэрыальны ціск і павезлі актывіста ў шпіталь.

20.03.2013 “Маладафронтаўцу” Уладзю Яроменку суд “далічыў” трое сутак арышту

У судзе Першамайскага раёна Менска 20 сакавіка паўторна разглядалася справа актывіста “Маладога фронту” Уладзі Яроменкі, якога раней пакаралі арыштам за парушэнне прэвентыўнага нагляду. Не пагадзіўшыся з ранейшым прысудам (12 сутак арышту), Яроменак абскардзіў яго ў Менгарсудзе.

18.03.2013 Гродна: Актывістцы БХД Галіне Котавай прысудзілі штраф за пікет

Суддзя Кастрычніцкага раённага суда Гародні Зінаіда Барцэвіч асудзіла прадстаўніцу Партыі БХД пенсіянерку Галіну Котаву да штрафу ў 25 базавых велічынь (два з паловай мільёны беларускіх рублёў). Суддзя не ўзяла пад увагу ні тое, што Котава адразу спыніла правядзенне пікету, калі зразумела, што ён не дазволены, ні памер пенсіі жанчыны.

18.03.2013 У Гародні сёння судзяць за пікет аб малым памежным руху

18 сакавіка ў Кастрычніцкім раённым судзе Гародні а 10-й гадзіне прызначаны разгляд адміністрацыйнай справы сябры партыі БХД, пенсіянеркі Галіны Котавай. Нагадаем, што 2 сакавіка гарадзенскія сябры БХД імкнуліся правесці пікет у падтрымку малога памежнага руху з краінамі-суседкамі.

16.03.2013 Суд не стаў разглядаць пратаколы, складзеныя на распаўсюдніка незалежнага выдання

Былы дэпутат Бялыніцкага райсавета Валерый Вусік атрымаў з пракуратуры Бялыніцкага раёна адказ на сваю скаргу на дзеянні супрацоўнікаў Бялыніцкага РАУС, склаўшых на яго два адміністрацыйныя пратаколы быццам бы за паклёп на старшыню СВК “Лебедзянка” Пятра Бялова і за распаўсюд газеты “Магілёўскі Выбар”.

15.03.2013 У адносінах да Уладзя Яроменка працягнуты прэвентыўны нагляд на паўгады

Такое рашэнне было прынята сёння ў судзе Першамайскага раёна г. Мінска.

Аштрафаваны за хуліганства праваабаронца дамогся разгляду сваёй справы ў касацыйнай інстанцыі. На гэта спатрэбілася 5 месяцаў (дакумент)

15.03.2013 Аштрафаваны за хуліганства праваабаронца дамогся разгляду сваёй справы ў касацыйнай інстанцыі. На гэта спатрэбілася 5 месяцаў (дакумент)

Справа датычыць адміністрацыйнага пераследу Сяргея Гоўшы яшчэ падчас парламенцкіх выбараў, калі пасля выяўлення фальсіфікацыі пратакола акруговай камісіяй ён быў абвінавачаны ў брыдкаслоўі і пакараны штрафам.

11.03.2013 Валянціну Цюраву пакаралі арыштам на 3 сутак, якія яна адбыла на Акрэсціна

Суддзя Дзмітрый Паўлючэнка пакараў Валянціну Цюраву арыштам на 3 сутак. Менавіта столькі правяла дзяўчына ў чаканьні суду на Акрэсціна.

11.03.2013 Пасля здымкаў “Белсату” – адміністрацыйны пратакол

Дахаты да Валерыя Вусіка завітаў участковы інспектар Сяргей Карыткін. Падставай стала складанне чарговага пратакола аб адміністрацыйным правапарушэнні, якое быццам бы здзейсніў Валерый Вусік падчас наведвання са здымачнай групай тэлеканала “Белсат” фермы мясцовай гаспадаркі СВК “Лебедзянка”

07.03.2013 Справа "аб налепках" рассыпалася за адсутнасцю доказаў

Адміністрацыйная камісія пры Слуцкім райвыканкаме спыніла адміністрацыйны працэс у дачыненні да Амяльковіча ў сувязі з недаказанасцю яго віны. Адпаведную пастанову актывісту ўручылі 5 сакавіка. Такім чынам, на тое, каб даказаць сваю невінаватасць, яму спатрэбілася сем месяцаў.

07.03.2013 Фундацыя ДПЧ заклікае ў ААН вызваліць Алеся Бяляцкага

У сваім выступе 5 сакавіка 2013 г. у Радзе па правах чалавека Фундацыя дамоў правоў чалавека заклікала ўлады Беларусі неадкладна і безумоўна вызваліць Алеся Бяляцкага, зняць усе абвінавачанні супраць яго і цалкам рэабілітаваць яго.

04.03.2013 Справу Уладзя Яроменка накіравалі на новы разгляд

Прычынай стала тое, што судовыя выканаўцы не праінфармавалі актывіста аб судовым паседжанні. Разгляд справы праходзіў у ягоную адсутнасць.

04.03.2013 Генік Лойка заўтра абскарджвае незаконнае затрыманне

Разгляд касацыйнай скаргі адбудзецца ў 15.00 у гарадскім судзе Мінску.

02.03.2013 Журналістаў “Белсату” абвінавацілі ў “прамысловым шпіянажы” на жывёлагадоўчай ферме

Падчас наведвання журналістамі тэлеканала “Белсат” адной з жывёлагадоўчых фермаў гаспадаркі, дзе яны размаўлялі з працаўнікамі СВК “Лебедзянка” аб іх сапраўдных заробках і умовах працы, прыбыў намеснік старшыні кааператыва. Ён абвінаваціў журналістаў у “прамысловым шпіянажы” і запатрабаваў ад іх тэрмінова пакінуць “сакрэтны” аб’ект.