Навіны на тэму: адміністратыўны перасьлед
03.02.2014 УУС Мінгарвыканкама: Акцыя фанатаў БАТЭ была незаконная і іх будуць караць
Супрацоўнік прэс-службы УУС Мінгарвыканкама Сяргей Басько пацвердзіў інфармацыю аб тым, што двое фанатаў БАТЭ адбываюць пакаранне за адміністрацыйнае парушэнне. Фактычна - за змяшчэнне ў інтэрнэце здымку ў падтрымку Еўрамайдану.
02.02.2014 На ўсіх 23-х фанатаў БАТЭ, якія зладзілі акцыю салідарнасцю з Украінай, гатовыя судовыя пастановы
На ўсіх 23-х барысаўскіх удзельнікаў акцыі ў падтрымку Майдана ляжаць гатовыя лісты судовых пастаноў на розныя адміністрацыйныя тэрміны,паведаміў у сваім фэйсбуку грамадскі дзеяч з Барысава Сяргей Салаш, які шчыльна кантактуе з заўзятарамі.
28.01.2014 Магілёвец Юрый Новікаў абскардзіў штраф за збор подпісаў супраць расійскіх авіябаз
Намеснік старшыні Свабоднага прафсаюза Беларускага падаў наглядную скаргу на імя старшыні Магілёўскага абласнога суда. Ён просіць адмяніць рашэнне суда Ленінскага раёна Магілёва, які 29 кастрычніка 2013 года вынес яму штраф у памеры 5 850 000 рублёў за парушэнне Закона “Аб СМІ”.
27.01.2014 Пракуратура Фрунзенскага раёна не лічыць адвольныя затрыманні парушэннем закона
Такі адказ атрымаў актывіст Ілля Дабратвор, якога неаднаразова затрымлівалі міліцыянеры і адпускалі праз некаторы час без складання пратаколу аб адміністраўным правапарушэнні.
20.01.2014 Правапарушэнняў няма, але ў кампенсацыі судовых выдаткаў адмаўляецца
Валерый Вусік просіць спагнаць на яго карысць расходы, панесеныя ім у сувязі з вядзеннем адміністрацыйнага працэса, у памеры 2 507 720 рублёў, у тым ліку: аплату паслуг адваката, транспартныя выдаткі і індэксацыю выдаткаў.
20.01.2014 Цімошак хоча падзякаваць МУС за разгон культурніцкай імпрэзы
21 студзеня калегія Менскага абласнога суду будзе разглядаць скаргу Зінаіды Цімошак, якая дамагаецца скасаваньня штрафу. Раней Слуцкі суд прызнаў прагляд фільму і лекцыю на тэму Слуцкага збройнага чыну несанкцыянаванай акцыяй.
14.01.2014 Кіраўніка АГП Анатоля Лябедзьку пакаралі штрафам (фота)
Кіраўнік Аб'яднанай грамадзянскай партыі Анатоль Лябедзька прызнаны вінаватым у парушэнні артыкула 23.34, частка 3 (арганізацыя альбо ўдзел у несанкцыянаваным масавым мерапрыемстве) і пакараны штрафам у памеры 45 базавых велічынь (5 мільёнаў 850 тысяч рублёў).
13.01.2014 Баранавічы: скарга па справе Мілавідскага фэсту накіравана ў Вярхоўны суд
Віктар Сырыца быў прызнаны вінаватым у парушэнні ч. 2 арт. 23.34 КаАП і прыцягнуты да адміністрацыйнай адказнасці ў выглядзе штрафу ў памеры 20 базавых велічынь за падрыхтоўку і арганізацыю несанкцыянаванага мітынгу ў Мілавідах 2 чэрвеня.
13.01.2014 У аўторак Анатоля Лябедзьку чакае суд
Лідара Аб'яднанай грамадзянскай партыі Анатоля Лябедзьку, затрыманага 12 студзеня ў Менску, вызвалілі толькі а 18:00. Прычым, да гэтага яго вывезлі за межы Мінска.
09.01.2014 Гомель: за антыалкагольны пікет Зміцера Карашкова пакаралі штрафам
9 студзеня суддзя суду Цэнтральнага раёна Гомеля Алена Цалкова вынесла пастанову па адміністрацыйнаму пратаколу, складзенаму ў дачыненні каардынатара грамадзянскай ініцыятывы «Хопіць піць – трэба жыць» Зміцера Карашкова. За правядзенне антыалкагольнага пікету суддзя пакарала актывіста штрафам у памеры 10 базавых велічынь.
09.01.2014 Палітуцекача Панамарова завочна асудзілі ў Слуцку
Як паведаміла жонка Сяргея Панамарова Святлана, яна атрымала рашэнне Слуцкага раённага суда. Яе мужу, які ўжо тры гады знаходзіцца за мяжой, завочна прысудзілі штраф — 500 базавых (65 мільёнаў рублёў). Адвакат падаў касацыйную скаргу.
08.01.2014 Дзейнасць адміністрацыйнай камісіі Клімавіцкага райвыканкама з’яўляецца сакрэтнай?
Выдаўцу незалежнага інфармацыйнага бюлютэня “Клімавіцкая інфа-панарама” Сяргею Аржанцаву 8 студзеня адмовілі ў праве прысутнічаць на пасяджэнні адміністрацыйнай камісіі Клімавіцкага райвыканкама.
05.01.2014 У Магілёве арганізатар акцыі "Стоп падатак" падаў скаргу на суддзю
Актывіст Аб'яднанай грамадзянскай партыі Антон Касцоў лічыць, што суддзя суда Кастрычніцкага раёна Магілёва Алена Селядцова дапусціла парушэнні, і паскардзіўся на яе начальніку Галоўнага ўпраўлення юстыцый Магілёўскага аблвыканкама.
04.01.2014 Гомель: судзяць за пратэст супраць п’янства
3 студзеня ў судзе Цэнтральнага раёну Гомеля судзілі лідэра кампаніі «Хопіць піць — трэба жыць!» Зьмітра Карашкова. Міліцыя абвінаваціла яго ў арганізацыі несанкцыянаванага мерапрыемства.
02.01.2014 Старшыня Брэсцкага абласнога суда не задаволіў скаргу грамадскага актывіста
Грамадскі актывіст Віктар Сырыца 2 студзеня атрымаў ліст з Брэсцкага абласнога суда за подпісам старшыні суда Тамары Сучок, у якім паведамляецца аб адмове ў задавальненні скаргі па справе Мілавідскага фэсту.
