Навіны на тэму: адміністратыўны перасьлед
03.04.2014 Георгія Станкевіча аштрафавалі на 50 базавых велічынь паводле "ананімкі"
Цікава, што ў "ананімцы" не было ні слова пра "самвыдатаўскую" газету "Крывінка”, якую настаўнік, паэт і бард з Бешанковіцкага раёну выдае ўжо восьмы год. Але мясцовай міліцыі было дадзена даручэнне "разабрацца", і яна разабралася – абвінаваціла рэдактара і выдаўца ў парушэнні заканадаўства аб СМІ.
03.04.2014 Праваабаронцаў асудзілі за фота з украінскім сцягам
Фатаграфаванне з беларускім і украінскім сцягам гродзенская міліцыя прыраўняла да несанкцыянаванага масавага мерапрыемства. Суд Ленінскага раёна пакараў Віктара Сазонава, Уладзіміра Хільмановіча і Рамана Юргеля пакараў штрафамі ў памеры 25 базавых велічынь Суддзя - Наталля Козел.
03.04.2014 Ян Дзяржаўцаў будзе аспрэчваць пакаранне ў судзе і пракуратуры
Актывіст Кансерватыўна-хрысьціянскай партыі БНФ Ян Дзяржаўцаў будзе скардзіцца ў пракуратуру ў сувязі з затрыманнем 25 сакавіка. Як паведаміў актывіст, у той дзень ў яго на руках была позва з’явіцца ў Першамайскі РАУС Віцебска ў 17 гадзінаў, і ён быў да гэтага падрыхтаваны.
03.04.2014 Георгія Станкевіча судзілі без перакладчыка, без адваката, а ўрэшце – і без яго самога
Суддзя Бешанковіцкага райсуду Наталля Рэут катэгарычна адмовілася перанесці працэс, каб на яго змог трапіць адвакат з Мінску, абазнаны ў заканадаўстве аб СМІ. А потым выдаліла з залы і самога Георгія Станкевіча.
02.04.2014 Гродна: 4 красавіка пройдзе суд над Алесем Дзянісавым
4 красавіка а 11.40 у Ленінскім раённым судзе Гродна адбудзецца разгляд адміністрацыйнай справы мясцовага журналіста-фрылансера Алеся Дзянісава. Гарадзенская міліцыя абвінавачвае яго ў парушэнні часткі 2 артыкулу 22.9 КаАП – незаконны выраб і распаўсюд інфармацыі.
02.04.2014 Алену Каваленку будуць судзіць за несанкцыянаваны пікет
Учора на актывістку КХП-БНФ быў складзены пратакол за адміністратыўнае правапарушэнне (арт.23.34 КаАП РБ). Разгляд справы ў судзе - 15 красавіка.
01.04.2014 Брэст: міліцыя спыніла справу па факце распаўсюду рашэння Камітэта па правах чалавека ААН
Гэта рашэнне датычыцца справы Уладзіслава Кавалёва - аднаго з расстраляных два гады таму па абвінавачанні ў здзяйсненні тэракту ў мінскім метро.
01.04.2014 Вярхоўны суд падтрымаў рашэнне баранавіцкага гарадскога і брэсцкага абласнога судоў у справе Мілавідскага фэсту
Грамадскі актывіст катэгарычна не згодны з рашэннем Вярхоўнага суда і мае намер скардзіцца Генеральнаму пракурору Беларусі на паспешнае і несправядлівае высвятленне акалічнасцяў яго адміністрацыйнай справы.
31.03.2014 Справа Марозава: «Не дай Бог, хоць адна мярзота прыйдзе да цябе ў суд!»
Адзін з лідэраў фанацкага руху Барысава Аляксандр Марозаў быў арыштаваны 25 сакавіка на пяць сутак нібыта за нецэнзурную лаянку на пероне барысаўскага чыгуначнага вакзала. Ён вёз з Гродна спартыўную атрыбутыку і майкі з надпісам «Асобны атрад БНР». Аляксандра ўжо выпусцілі, атрыбутыку вярнулі, а вось майкі адправілі на экспертызу.
31.03.2014 У Курапатах пабілі актывістаў. Пацярпеў Мікола Купава
Інцыдэнт адбыўся ўвечары 29 сакавіка. Грамадзкія актывісты, якія штомесяц 29 чысла наведваюць Курапаты, каб ускласьці кветкі да магілаў нявінна расстраляных людзей, зрабілі заўвагу маладзёнам, якія каля крыжоў наладзілі пікнік з мангалам і алькаголем.
31.03.2014 Павел Вінаградаў трымае галадоўку на Акрэсціна
Ужо 16 дзён ў менскім ізалятары на Акрэсціна працягвае галадоўку актывіст «Змены» Павел Вінаградаў, якога асудзілі на 25 сутак нібыта за дробнае хуліганства і непадпарадкаванне міліцыі.
31.03.2014 Сёння ў Мінску на волю выходзіць лідар АГП Анатоль Лябедзька
Анатоля Лябедзьку мусяць вызваліць сёння ў 10.30, паведамляе БелаПАН.
29.03.2014 Георгію Станкевічу пагражае штраф за распаўсюд "самвыдатаўскай" газеты
Настаўнік з Бешанковічаў Георгій Станкевіч ужо некалькі гадоў выдае газету "Крывінка" за ўласныя сродкі. Выдаецца яна нерэгулярна – у залежнасці ад матэрыяльных магчымасцяў заснавальніка і рэдактара. А вось прэтэнзіі да яго ўзнікаюць пераядычна – і найчасцей гэта звязана з выбарчымі кампаніямі.
28.03.2014 У Віцебску Следчы камітэт шукае “Мірона”
У мясцовых апазіцыянераў – Барыса Хамайды і Аляксандра Салаўяна 24 сакавіка знайшлі нацыянальны сцяг. Абодвух затрымалі ўвечары ў пасёлку Руба, што пад Віцебскам. Двух спадароў пенсійнага веку затрымалівалі амапаўцы, паклалі тварам на зямлю, збівалі, пагражалі застрэліць…
27.03.2014 У Барыса Хамайды правялі ператрус
Віцебскі апазыцыянэр цяпер адбывае арышт, прысуджаны яму нібыта за непадпарадкаваньне супрацоўнікам міліцыі. Паводле якога падазрэньня праводзілі ператрус у ягонай кватэры, невядома.
