Навіны на тэму: адміністратыўны перасьлед
07.01.2015 Суд адмяніў штраф актывісту з Салігорска
5 студзеня адбыўся паўторны суд над актывістам з Салігорска Уладзімірам Лемешам. Суддзя Пракаповіч не прыняла доказы міліцыянтаў, што малады чалавек лаяўся на вуліцы. І адмяніла штраф.
06.01.2015 Суд не выдаў Рыгору Кастусёву матывіровачную частку да судовай пастановы
Намеснік старшыні Партыі БНФ Рыгор Кастусёў 5 студзеня накіраваў папярэднюю скаргу ў Магілёўскі абласны суд на пастанову суда Шклоўскага раёна ад 23 снежня 2014 года аб пакаранні яго штрафам у памеры 25 базавых велічынь за ўдзел у Дні памяці паўстанцаў Кастуся Каліноўскага ў Свіслачы 26 кастрычніка 2014 года.
05.01.2015 Лічбы года: 105 млн рублёў штрафаў, 60 млн еўра падтрымкі, 14 справаў па 22.9 КаАП і 29 затрыманняў
Паводле маніторынгу ГА “Беларуская асацыяцыя журналістаў”, сума штрафаў, спагнаных з журналістаў і распаўсюднікаў друкаванай прадукцыі цягам года, дасягнула 105 мільёнаў рублёў.
03.01.2015 Нясвіжскі РАУС правераць на карупцыйнасць па скарзе актывіста прафсаюза РЭП
Начальніку Нясвіжскага раённага аддзеда Следчага камітэта даручана праверыць указанныя актывістам прафсаюза РЭП факты “праплачанасці” яго адміністрацыйнага затрымання 17 лістапада 2014 года і карупцыйных праяваў у дзеяннях супрацоўнікаў Нясвіжскага РАУС.
31.12.2014 Каваленка ўжо 6 дзён галадае ў турме. Сувязі зь ім няма
Актывіст Кансэрватыўна-хрысціянскай партыі — БНФ Сяргей Каваленка, асуджаны на 10 сутак адміністрацыйнага арышту, галадае шосты дзень. Пра гэта Радыё Свабода паведаміла яго жонка Алена Каваленка.
30.12.2014 Суд прызнаў актывістаў «Сумленнай улады» дробнымі хуліганамі
Актывістаў абвінавацілі ў тым, што 5 сьнежня яны нібыта незаконна ўварваліся на ўчастак, дзе стаяў дом Пятра Берлінава, які згодна з рашэньнем мясцовых уладаў падлягаў зносу, зламалі пры гэтым весьнічкі і зьбілі вартаўніка.
27.12.2014 Сяргей Каваленка арыштаваны на 10 сутак
Трое сутак да суда віцебскі актывіст КХП БНФ ужо адбыў у ІЧУ, трымаючы галадоўку. Ён быў змешчаны пад варту 24 снежня – у той дзень у Віцебску быў вывешаны бел-чырвона-белы сцяг. На судовы працэс Сяргея Каваленку прывезлі ў кайданках, што асабліва абурыла сваякоў і праваабаронцаў.
24.12.2014 Касацыйныя скаргі ўдзельнікаў фотасесіі "з клеткамі і птушкамі" суд не задаволіў
У Віцебскім абласным судзе прайшлі разгляды касацыйных скаргаў мясцовых журналістаў і актывістаў, якіх аштрафавалі за несанкцыянаванае пікетаванне. Спагнанні аспрэчыць не ўдалося.
24.12.2014 Брэсцкі журналіст Алесь Ляўчук аштрафаваны на 6 млн. рублёў
Суд Ленінскага раёна Брэста аштрафаваў на 40 базавых велічыняў (6 млн. рублёў) брэсцкага журналіста Алеся Леўчука, які абвінавачваецца ў незаконным вырабе і распаўсюджванні прадукцыі СМІ (па частцы 2 артыкула 22.9 Кодэкса аб адміністрацыйных правапарушэннях).
24.12.2014 Юрася Беленькага трэці раз аштрафавалі за Курапаты
Агульны штраф Беленькаму па выніках трох судоў за сёлетнія жалобныя акцыі ў Курапатах і Лошыцы склаў 11 мільёнаў 250 тысяч рублёў.
23.12.2014 Шклоў: Рыгора Кастусёва пакаралі штрафам
Суд Шклоўскага раёна 23 снежня пакараў штрафам у памеры 25 базавых велічынь (тры мільёны сямсот пяцьдзясят тысяч рублёў) намесніка старшыні Партыі БНФ Рыгора Кастусёва за ўдзел у адзначэнні Дня памяці паўстанцаў Кастуся Каліноўскага ў Свіслачы 26 кастрычніка 2014 года.
23.12.2014 Баранавічы: праваабаронца просіць пакараць супрацоўнікаў суда, якія пазбавілі Зміцера Палойку права на абскарджанне
Адміністрацыйна арыштаваны Палойка ўжо 5 дзён адбываў пакаранне ў ізалятары часовага ўтрымання (ІЧУ), а ў судзе Баранавіцкага раёна і горада Баранавічы такой справы, як паведамілі адвакату ў канцэлярыі па адміністрацыйных справах, не аказалася!
23.12.2014 24 снежня – разгляд касацыйных скаргаў удзельнікаў фотасесіі "з птушкамі і клеткамі"
Пяцёра журналістаў і грамадскіх актывістаў, абвінавачаных у несанкцыянаваным пікетаванні за фотасесію на фоне гарадскога графіці, просяць Віцебскі абласны суд адмяніць вынесеныя ім штрафы і спыніць справы, распачатыя за фотаграфаванне.
23.12.2014 Алеся Леўчука будуць судзіць 24 снежня
Суд над берасцейскім журналістам Алесем Леўчуком прызначаны на 24 снежня. Пра гэта карэспандэнт даведаўся пасля таго, як на адрас ягоных бацькоў прыйшоў ліст з пратаколам правапарушэння з дзіўнай фармулёўкай: “здзяйсненне супрацьзаконнага вырабу сродка масавай інфармацыі”.
23.12.2014 Берасьце: 1,5 мільёна штрафу за плякат «Russian army go home»
Аляксандар Ахмач атрымаў штраф за фатаграфаваньне зь плякатам «Russian army go home» у Берасьцейскай крэпасьці. Судзьдзя Ленінскага раёну Берасьця Сьвятаслаў Каліна палічыў фатаграфаваньне парушэньнем артыкулу аб правядзеньні масавых мерапрыемстваў.
