04.09.2007 У Салігорску насупраць будынку суду зьявіўся вялікі бел-чырвона-белы сьцяг

На дадзены момант у Салігорску ў судовым паседжаньні абвешчаны абедзены перапынак. Колькасьць месцаў у залі досыць абмежаваная, таму далёка не ўсе жадаючыя змаглі патрапіць на разгляд, а чакаюць на вуліцы. Насупраць будынку суду на адным з балконаў шматпавярховага дому зьявіўся вялікі бел-чырвона-белы сьцяг.

04.09.2007 У Нясьвіжы за фатаграфаваньне затрыманыя незалежныя журналісты

Каля будынку суду ў Нясьвіжы, дзе адбываецца судовы разгляд крымінальнай справы над моладзевай актывісткай Настай Азаркай, якую абвінавачваюць ва ўдзеле ў дзейнасьці незарэгістраванай арганізацыі "МФ", супрацоўнікі міліцыі пачалі хаваць хлопцаў у футболках з надпісам "Малады Фронт". Незалежныя журналісты Сяргей Сыс і Уладзімір Грызін, які фатаграфавалі спробы затрыманьня, самі сталі "ахвярамі" сілавікоў.

04.09.2007 У Салігорску ў жорсткай форме затрыманая моладзь

Сёньня на судовае паседжаньне ў Салігорску падтрымаць непаўнагадовага маладафронтаўца Івана Шылу паехалі моладзевыя актывісты, праваабаронцы, прадстаўнікі грамадзкасьці і прадстаўнікі замежных грамадзкіх арганізацыяў. Каля будынку суду моладзь у колькасьці 12 чалавек была затрыманая сілавікамі, зьмешчаная ў аўтобус і дастаўленая ў мясцовы РАУС. Па папярэдняй інфармацыі затрыманьне адбывалася ў жорсткай форме, ёсьць зьбітыя.

03.09.2007 ІГАР РЫНКЕВІЧ: “У БЕЛАРУСЬ ВЯРТАЕЦЦА ІНКВІЗІЦЫЙНЫ КРЫМІНАЛЬНЫ ПРАЦЭС!”

Каментуючы чарговыя суды па справам у дачыненьні да “маладафронтаўцаў”, былы адвакат Ігар Рынкевіч зноў нагадаў аб тым, што артыкул крымінальнага кодэксу, па якім іх пераследуюць, з’яўляюцца антыканстытуцыйным, неправавым.

03.09.2007 У таталітарнай дзяржавы няма будучыні

Заява Праваабарончага цэнтра “Вясна”

4 верасня 2007 г. ў Салігорску і Нясвіжы пачнецца разгляд крымінальных спраў у дачыненьні да актывістаў незарэгістраванага ўладамі Маладога Фронту. У Салігорску супраць непаўнагадовага Івана Шылы (суддзя Лапіна Т. ), у Нясьвіжы супраць Насты Азаркі (суддзя Дунаева М.), а 10 верасьня ў Баранавічах супраць Яраслава Грышчэні (суддзя Салавей І.). Яны абвінавачваюцца па ч.1 артыкулу 193 Крымінальнага Кодэксу (арганізацыя дзейнасьці рэлігійнай, грамадзкай арганізацыі, фонду, якія не прайшлі дзяржаўнай рэгістрацыі ці ўдзел у ёй).

03.09.2007 Аднаго суда замала?

5 верасьня салігорскага актывіста “Маладога Фронта” Івана Шылу выклікаюць на адміністрацыйную камісію па справах непаўнагадовых.

03.09.2007 Затрыманьні за абарону кляштара і касцёла святога Язэпа

2 верасня ўвечары падчас збору подпісаў былі затрыманыя 6 прадстаўнікоў “Маладога Фронту” і “Беларускай хрысьціянскай дэмакратыі”.

31.08.2007 Затрыманьні ў Асіповічах

Учора каля 11 гадзін вечара супрацоўнікамі асіповіцкай міліцыі быў затрыманы Старшыня Асіповіцкай суполкі Моладзі БНФ Арцём Дубскі. Хлапца затрымалі на выхадзе зь цягніку й прапанавалі прайсьці ў пастарунак у якасьці сьведкі. Арцём адмовіўся.

31.08.2007 У Берасьці зноў судзяць сябраў апазыцыі

Сёньня раніцай у судзе Маскоўскага раёну Берасьця разглядаецца адміністрацыйная справа сябра “Руху “За Свабоду” Андрэя Шарэнды. Ён быў затрыманы міліцыянтамі 19 жніўня на прэзэнтацыі кнігі Паўла Севярынца “Лісты зь лесу”. Абвінавачваецца ва ўдзеле ў несанкцыянаваным сходзе.

31.08.2007 Падтрымайма нашу моладзь на судах 4 верасня!

Улада пряцягвае хвалю рэпрэсій супраць актывістаў незарэгістраванага “Маладога фронту”. 4 верасня ў Салігорску і Нясвіжы пачнецца разгляд крымінальных спраў у дачыненьні да актывістаў гэтай арганізацыі Івана Шылы і Насты Азарка. Яны абвінавачваюцца па ч. 1 артыкулу 193 Крымінальнага кодэксу (арганізацыя або ўдзел у дзейнасьці незарэгістраванай арганізацыі). Гэта для моладзевых актывістаў можа пагражаць пакараньнем да двух гадоў пазбаўленьня волі.

31.08.2007 Група грамадзкіх актывістаў затрымана пад Магілёвам

Сямёра грамадзкіх актывістаў, сярод якіх Зьміцер Салаўёў, Тацяна Буланава, Уладзімер Краўчанка, адзначалі дзень народзінаў сваёй каляжанкі ў лесе непадалёк ад Магілёва.

30.08.2007 Гомельскія міліцыянты затрымалі актывістаў за “сьвяткаваньне дня народзінаў “Бацькі”

30 жніўня ў цэнтры Гомеля адбыліся затрыманьні чатырох маладзёвых актывістаў Зьміцера Жалезьнічэнку, Віталя Бірукова, Андруся Ценюту, Сяргея Астафонава. Усіх затрыманых даставілі ў Цэнтральны РАУС Гомеля для высвятленьня асобаў.

30.08.2007 Пачаліся суды ў Берасьці

Сёньня ў першай палове дня ў судзе Маскоўскага раёну Берасьця будуць разглядацца адміністрацыйныя справы Андрэя Шарэнды, Рамана Кісьляка і Юркі Бакуры.

30.08.2007 Прэвентыўныя арышты напярэдадні прыезду Лукашэнкі

Актывіст грамадзянскай кампаніі «Джынс – за свабоду!» з пасёлка Азярэц (Менскі раён) Яўген Сільвановіч быў сёння прысуджаны Ждановіцкім судом да 5 сутак арышту. Як паведаміла прэс-цэнтру Хартыі’97 праваабаронца Ірына Тоўсцік, актывіста затрымалі ўчора ўвечары супрацоўнікі Ждановіцкага РАУС.

29.08.2007 Адміністрацыя сайта САЛІГОРСК.org выказвае салідарнасьць з Іванам Шыла

Сайт САЛІГОРСК.org выказвае сваю салідарнасьць зь лідэрам салігорскіх маладафронтаўцаў Іванам Шыла супраць якога вылучана абвінавачаньне па артыкуле 193-1 КК РБ, які прадугледжвае пазбаўленьне волі тэрмінам на два гады за дзейнасьць ад імя незарэгістраванай арганізацыі, то бок ад імя Маладога Фронту.