Навіны на тэму: апазіцыя
11.09.2007 Лідэр моладзі БНФ Алесь Каліта выйшаў на волю
Сёньня ў Салігорску выйшаў на волю Алесь Каліта. Нагадаем, што яго звінавацілі ў парушэньне парадку арганізацыі і правядзеньня масавых мерапрыемстваў (артыкул 23.34 Адміністратыўнага Кодэксу РБ) і асудзілі 5 верасьня на сем сутак арышту. Лідэр "Моладзі БНФ" Алесь Каліта сёлета тройчы адбываў пакараньне арыштамі.
11.09.2007 Севярынца асудзілі, Грышчэня чакае прысуду сёньня
10 верасьня вечарам у Баранавічах быў абвешчаны прысуд Паўлу Севярынцу. Яго абвінавацілі адразу па трох артыкулах Адміністратыўнага кодэксу РБ: дробнае хуліганства (дудзеў у свісток), непадпарадкаваньне патрабаваньням міліцыі і арганізацыі і удзеле ў несанкцыянаваным мітынгу. Усё разам “пацягнула” на 17 сутак і 620 тысячаў штрафу ( 20 базавых велічыняў) Такія вялікія суткі даюцца ўпершыню, паводле новага заканадаўства.
10.09.2007 У судзе па справе Яраслава Грышчэні абвешчаны перапынак
У Баранавіцкім судзе абвешчаны перапынак да 14-30. Пад час ранішняга судовага паседжаньня суддзя дапытала пяць сведкаў з васьмі. Прычым, як паведаміла “Свабода”, адзін сьведка заявіў у судзе, што Яраслаў Грышчэня даваў яму агітацыйныя ўлёткі і налепкі. Калі ж яго папрасілі паказаць Яраслава Грышчэню, то сьведка прызнаўся, што ён першы раз бачыць актывіста ў залі суду, і што гэтыя сьведчаньні яму загадалі даць міліцыянты.
10.09.2007 Аршанская бітва стала агульнабеларускай
У суботу, 8 верасня ўлады зрабілі ўсё магчымае для таго, каб сьвяткаваньне угодкаў Аршанскай бітвы не адбылося. Гэтая гістрачычная бітва адбылася ля рэчкі Крапівенкі 8-га верасьня 1514 году. Тады войска Вялікага Княства Літоўскага на чале з гетманам Канстанцінам Астроскім перамагло амаль утрая большае войска маскоўскага княства.
07.09.2007 У Бабруйску былі затрыманыя моладзевыя актывісты
Сяргея Лацінскага, Мікіту Быцэнку і яшчэ двух маладых людзей, імя аднаго з якіх Федар затрымалі 6 верасьня каля дзевяці гадзін вечара ў Бабруйску. У той дзень яны дапамагалі мясцоваму праваабаронцу Ігару Ходзьку рамантаваць ягоны прыватны дом.
05.09.2007 У Берасьці судзяць удзельнікаў сустрэчы з П.Севярынцам
Сёньня суд Маскоўскага раёну Берасьця разглядае адміністрацыйныя справы Яўгена Бяласіна і Вячаслава Круглова. Абодва былі затрыманыя 19 жніўня ў Берасьці на прэзэнтацыі кнігі Паўла Севярынца “Лісты зь лесу”. Але паводле міліцэйскіх пратаколаў суд абвінавачвае актывістаў ва ўдзеле ў несанкцыянаваным сходзе.
05.09.2007 Бацьку моладзевага актывіста Яраслава Грышчэні пагражаюць звальненьнем
Сяргей Міхайлавіч Грышчэня, бацька рэгіянальнага моладзевага актывіста, быў выкліканы ў аддзел ідэалогіі Баранавічскага заводу будаўнічых дэталяў і канструкцый, дзе ён працуе брыгадзірам, і атрымаў "прапанову" звольніцца па ўласным жаданьні, нягледзячы на тое, што працоўны кантракт з ім падпісаны да 2009 году. У адваротным выпадку, адміністрацыя прадпрыемства пагражае звольніць яго сама.
05.09.2007 Судовы канвеер у Салігорску працуе без збою: Алесь Каліта - 7 сутак арышту, Вячорка - 5 базавых.
У Салігорску працягваюцца суды над 9 моладзевымі актывістамі, якія былі затрыманы ўчора ля будынку суда ў часе працэсу над Іванам Шылам. і правялі ноч ў салігорскім ізалятары часовага ўтрыманьня. На іх былі складзены пратаколы аб правапарушэньні па артыкуле 23.34. (парушэньне парадку арганізацыі і правядзеньня масавых мерапрыемстваў.
05.09.2007 У Салігорску суддзя Бураўцоў пакараў штрафамі Віктара Дзенісевіча і Касю Галіцкую
У Салігорску пачаліся суды над 9 моладзевымі актывістамі, якія былі затрыманы ўчора ля будынку суда ў часе працэсу над Іванам Шылам. і правялі ноч ў салігорскім ізалятары часовага ўтрыманьня. На іх блыі складзены пратаколы аб правапарушэньні па артыкуле 23.34. (парушэньне парадку арганізацыі і правядзееньня масавых мерапрыемстваў. Учора пад час жорсткага затрыманьня актывістаў амапаўцы прымянялі фізічную сілу, сярод юнакоў ёсьць зьбітыя.
04.09.2007 Дэманстрацыя у падтрымку маладых актывістаў на Беларусі
8 верасня Беларускі Моладзевы Рух Амэрыкі праводзіць дэманстрацыю у падтрымку маладых актывістаў на Беларусі, якіх антыбеларускі рэжым імкнецца незаконна асудзіць і пазбавіць волі.
04.09.2007 Пракурор запрасіў асудзіць Івана Шылу без прызначэньня пакараньня
Судовы разгляд крымінальнай справы, узбуджанай на непаўнагадовага моладзевага актывіста Івана Шылы па арт. 193.1 КК, у Салігорску падыходзіць да завяршэньня. Пракурор запатрабаваў асудзіць Шылу без прызначэньня пакараньня, а адвакат папрасіла апраўдаць хлопца. Прысуд будзе абвешчаны ў ў 17:45.
04.09.2007 Моладзевая актывістка Наста Азарка пакараная штрафам у памеры 40 базавых велічыняў
У Нясьвіжы вынесена рашэньне па справе моладзевай актывістцы, абвінавачанай па палітычна матываваным крымінальным артыкуле за дзейнасьці ад імя незарэгістраванай арганізацыі Малады Фронт.
04.09.2007 Затрыманых у Нясьвіжы журналістаў адпусьцілі. Пракурор запрасіў для Насты Азаркі пакараньне - штраф у памеры 500 базавых велічыняў
Дастаўленых у Нясьвіжскае РАУС незалежных журналістаў Сяргея Сыса і Уладзіміра Грызіна пасьля праверкі дакументаў па міліцэйскай базе адпусьцілі. На судовым паседжаньні пасьля перапынку будзе абвешчаны прысуд па крымінальнай справе, узбуджанай на Насту Азарку па арт. 193.1 КК, пракурор запрасіў прызначыць пакараньне ў выглядзе штрафу памерам у 500 базавых велічыняў.
04.09.2007 6 верасьня – 10 год Маладому Фронту
6 верасьня спаўняецца 10 гадоў найбуйнейшаму руху беларускай моладзі – у гэты дзень у 1997 годзе ў Менску прайшоў Устаноўчы Сойм Маладога Фронту, у якім узялі ўдзел 239 дэлегатаў з усёй краіны. У праграме – суды ў Салігорску, Нясьвіжы і Баранавічах, сьвяточнае шоу ў Менску і Крапівенскае поле пад Воршай
04.09.2007 Моладзевы актывіст Юрка Бакур аштрафаваны на 3 базавыя велічыні
Сёньня ў судзе Маскоўскага раёну Берасьця судзьдзя Сьмірнова Вольга Конанаўна вынесла рашэньне па адміністратыўнай справе Юркі Бакура, сябра "Руху "За Свабоду". Ён прызнаны віноўным ва ўдзеле ў несанкцыянаваным мерапрыемстве 19 жніўня, калі адбывалася прэзэнтацыі кнігі Паўла Севярынца “Лісты зь лесу”.
