Навіны на тэму: сьмяротнае пакараньне
10.03.2009 “Праваабаронцы супраць смяротнага пакарання ў Беларусі”: першыя вынікі кампаніі
Ужо месяц як распачалася кампанія “Праваабаронцы супраць смяротнага пакарання ў Беларусі”. За гэты час петыцыю, звернутую да беларускіх уладаў, падпісалі 11 вядомых асобаў Беларусі – Старшыня Вярхоўнага Савета Рэспублікі Беларусь 12-га склікання Мечаслаў Грыб, Старшыня Беларускай асацыяцыі журналістаў Жанна Літвіна, пісьменнікі Уладзімір Арлоў, Святлана Алексіевіч і Адам Глобус, музыкі Уладзімір Пугач, Кася Камоцкая, Зміцер Вайцюшкевіч, тэле- і радыёвядучыя Зінаіда Бандарэнка, Тамара Лісіцкая і Кацярына Пытлева. Кожны з гэтых людзей, паставіўшы свой подпіс пад зваротам, выказаў сваё стаўленне да гэтай праблемы і распавёў, што прывяло асабіста яго да высновы пра неабходнасць адмены выключнай меры пакарання ў нашай краіне.
09.03.2009 Праваабаронцы аб'яўляюць конкурс творчых прац на тэму смяротнага пакарання
У студзені 2009 году ў Беларусі распачалася кампанія “Праваабаронцы супраць смяротнага пакарання”. У рамках гэтай кампаніі абвяшчаецца конкурс творчых прац па тэме смяротнага пакарання.
03.03.2009 Кася Камоцкая: “Смяротнае пакаранне – гэта ёсць прыкмета вялікай адсталасці краіны” (Відэа)
Кася Камоцкая, лідэр легендарнага гурта «Новае неба», двойчы рок-князёўна, зараз — прадусар дакументальных фільмаў, далучылася да кампаніі супраць смяротнага пакарання ў нашай краіне і адзначыла, што адмена смяротнага пакарання была б яшчэ адным крокам Беларусі да сям’і вольных, дэмакратычных краінаў.
27.02.2009 Дэпутат лічыць смяротнае пакаранне стрымліваючым фактарам
26 лютага ў інтэрвью агенству “Інтерфакс – Захад” старшыня камісіі па заканадаўству і дзяржаўнаму будаўніцтву Савета Рэспублікі Нацыянальнага Сходу Рэспублікі Беларусь Яўген Смірноў паведаміў, што поўная адмена смяротнага пакарання пакуль непатрэбная, але ён не выключае мараторый, як у Расіі, і адзначае, што мараторый фактычна ўжо дзейнічае на Беларусі.
26.02.2009 Зміцер Вайцюшкевіч: “Я далучаюся да кампаніі супраць смяротнага пакарання!” (Відэа)
Зміцер Вайцюшкевіч, таленавіты і папулярны беларускі музыка, былы ўдзельнік гуртоў “Палац”, “Kriwi”, лідэр і мастацкі кіраўнік “WZ-Orkiestra”, падпісаў петыцыю супраць смяротнага пакарання і вызначыў галоўную прычыну, чаму ён далучыўся да кампаніі.
24.02.2009 Уладзімір Пугач: “Няма большага глупства, чым караць чалавека за злачынства пазбаўленнем жыцця” (Відэа)
Уладзімір Пугач, лідэр гурта “J:МОРС” далучыўся да кампаніі супраць смяротнага пакарання і адзначыў, што ад злачынства чалавека ўтрымлівае не цяжар пакарання, а яго непазбежнасць.
19.02.2009 Тамара Лісіцкая: “Людзі не павінны забіваць людзей. І кропка!” (Відэа)
Тамара Лісіцкая, журналіст, тэле- и радыёвядучая, праграмны дырэктар NETradio, пісьменніца і сцэнарыст, арганізатар і ідэйны натхняльнік дабрачыннага праекту дапамогі дзіцячаму анкацэнтру ў Бараўлянах, далучылася да кампаніі супраць смяротнга пакарання і распавяла пра тое, як прыйшла да такога свайго рашэння.
19.02.2009 Перспектывы адмены ў Беларусі смяротнага пакарання абмеркаваныя на сустрэчы дэлегацыі ПАСЕ з генпракурорам
18 лютага дэлегацыя ПАСЕ на сустрэчы з кіраўніцтвам Генеральнай пракуратуры Беларусі абмеркавала перспектывы адмены ў рэспубліцы смяротнага пакарання . Аб гэтым карэспандэнту БЕЛТА паведаміў намеснік генеральнага пракурора Беларусі Аляксей Стук.
17.02.2009 Святлана Алексіевіч: “Я думаю, што наш свет так і застанецца светам людзей, якія забівалі да сябе падобных” (Відэа)
Беларуская пісьменніца, лаўрэат Нацыянальнай прэміі крытыкаў ЗША Святлана Алексіевіч, якая цяпер жыве і працуе ў Берліне, падчас прэзентацыі свайго чатырохтомніка з хронікі “Галасы Утопіі” на ХVІ Міжнароднай Мінскай кніжнай выставе 14 лютага сустрэлася з ініцыятарамі кампаніі “Праваабаронцы супраць смяротнага пакарання” і падпісала петыцыю, звернутую да беларускіх уладаў.
12.02.2009 Жана Літвіна: “Цывілізаванае грамадства павінна выключыць смяротныя прысуды, каб пазбегнуць пакарання невінаватых” (Відэа)
Жана Літвіна, старшыня грамадскага аб’яднання “Беларуская асацыяцыя журналістаў”, лаўрэат прэміі Фонда Эберта па правах чалавека 2008 году, вызначыла тыя аргументы, якія паўплывалі на яе рашэнне далучыцца да кампаніі па адмене смяротнага пакарання ў нашай краіне.
10.02.2009 Адам Глобус: “Каб людзі не ператвараліся ў звяроў, а тым больш не ператваралася наша дзяржава ў звярыную зграю, мы павінны, абавязаныя змагацца супраць смяротнага пакарання. Каб заставацца людзьмі” (Відэа)
Адам Глобус, знакавая фігура беларускай культурнай прасторы, пісьменнік, паэт, мастак і выдавец, далучыўся да кампаніі супраць смяротнага пакарання і прывёў трапныя аргументы ў абгрунтаванне такой сваёй пазіцыі.
06.02.2009 Кацярына Пытлева: “Смяротнае пакаранне з’явілася ў той час, калі людзі не ведалі і не бачылі іншага выйсця. Але зараз мы не павінны вяртацца ў сярэднявечча” (Відэа)
Кацярына Пытлева, VJ Першага музычнага канала, Dj Радыё “Мир”, салістка гурта "Клёндайк" далучылася да кампаніі супраць смяротнага пакарання ў нашай краіне.
03.02.2009 Уладзімір Арлоў: “Калі чалавеку выносяць смяротны прысуд, то ён губляе магчымасць, калі невінаваты, дачакацца справядлівасці” (Відэа)
Сёння петыцыю супраць смяротнага пакарання падпісаў вядомы беларускі пісьменнік, гісторык Уладзімір Арлоў. Далучыўшыся да кампаніі “Праваабаронцы супраць смяротнага пакарання”, спадар Арлоў падзяліўся сваімі ўспамінамі і выказаў сваё стаўленне да гэтай праблемы.
30.01.2009 Зінаіда Бандарэнка: “Нам кожны дзень нагадваюць з экранаў Беларускага тэлебачання, што мы цывілізаваная дзяржава, а ў цывілізаванай дзяржаве не павінна быць смяротнага пакарання”
Да кампаніі “Праваабаронцы супраць смяротнага пакарання” далучылася Зінаіда Бандарэнка, Народная артыстка Беларусі, знакамітая і папулярная дыктарка Беларускага тэлебачання, якой цягам дзесяцігоддзяў захаплялася ўся краіна.
29.01.2009 Валянцін Стэфановіч: “У XXI-ым стагоддзі смяротнае пакаранне – гэта варварства”.
Смяротнае пакаранне не забаронена міжнародным правам, больш за тое – Міжнародны пакт па грамадзянскім і палітычным правам дазваляе яго выкарыстоўваць за найбольш цяжкія злачынствы. Між тым, ва ўсім свеце назіраецца ўстойлівая тэндэнцыя адмены выключнай меры пакарання. У Беларусі такую кампані абвесцілі правабаронцы.
