Навіны на тэму: сьмяротнае пакараньне
01.03.2010 Валянцін Стэфановіч: “Праваабаронцы вітаюць удзел афіцыйных прадстаўнікоў Беларусі ў працы Кангрэсу супраць смяротнага пакарання”
Напрыканцы лютага ў Жэневе адбыўся Чацвёрты Сусветны кангрэс супраць смяротнага пакарання. Больш за паўтары тысячы юрыстаў, прадстаўнікоў праваабарончых арганізацый, вядомых грамадскіх і палітычных дзеячаў з амаль 100 краін свету прынялі удзел у працы гэтага сусветнага форума.
24.02.2010 У Швейцарыі праходзіць Сусветны кангрэс супраць смяротнага пакарання
Сёння ў Жэневе распачаў працу Сусветны кангрэс супраць смяротнага пакарання. Трохдзённы форум сабраў больш за тысячу юрыстаў, прадстаўнікоў праваабарончых арганізацый, вядомых грамадскіх і палітычных дзеячоў з розных краін свету. Сярод яго ўдзельнікаў – прадстаўнікі Беларусі, актывісты кампаніі “Праваабаронцы супраць смяротнага пакарання” Валянцін Стэфановіч і Тацяна Рэвяка.
16.02.2010 Мараторый на пакаранне смерцю ў бліжэйшыя паўгода не ўвядуць
Першае паседжанне працоўнай групы па праблеме смяротнага пакарання запланаванае ў Палаце прадстаўнікоў на 22 лютага. Пра гэта БЕЛТА паведаміў кіраўнік групы старшыня Пастаяннай камісіі па заканадаўстве і судова-прававых пытаннях Палаты прадстаўнікоў Мікалай Самасейка.
12.02.2010 Правабаронца Тамара Чыкунова выказала занепакоенасць праблемай смяротнага пакарання ў Беларусі
Напачатку лютага Беларусь наведала вядомая ў свеце змагарка за адмену смяротнага пакарання ва Узбекістане праваабаронца Тамара Чыкунова. Пад час сустрэчы з прадстаўнікамі праваабарончага цэнтру “Вясна” Тамара Чыкунова распавяла аб тых праблемах, з якімі даводзіцца сутыкацца пад час адстойвання права на жыццё для кожнага чалавека. Кіраўніца арганізацыі “Маці супраць смяротнага пакарання і катаванняў” выказала таксама сваю занепакоенасць праблемай смяротнага пакарання ў Беларусі і паведаміла пра жаданне са свайго боку паспрыяць яго канчатковай адмене.
09.02.2010 Дэпутат: Пажыццёвае зняволенне не больш гуманнае за смяротнае пакаранне
Дэпутаты лічаць, што спяшацца з адменай смяротнага пакарання не варта, і спасылаюцца на вынікі рэферэндуму 1996 года. Еўрапейскія чыноўнікі падкрэсліваюць, што лёс смяротнай кары не мусіць вырашацца на ўсенародным рэферэндуме, але гэта — пытанне палітычнай волі.
09.02.2010 За адмену смяротнага пакарання выступаюць 39% беларусаў
Адмену смяротнага пакарання падтрымліваюць 39% беларусаў, 48% выступаюць супраць. Такія вынікі нядаўняга сацыялагічнага апытання прывёў дырэктар соцыяметрычнай лабараторыі “НОВАК” Андрэй Вардамацкі.
05.02.2010 ПАРЭ вітае стварэнне ў парламенце Беларусі рабочай групы па пытанні смяротнага пакарання
Старшыня Парламенцкай асамблеі Рады Еўропы (ПАРЭ) Мевлют Чавушоглу вітае стварэнне ў беларускім парламенце рабочай групы па пытаннях прымянення смяротнага пакарання ў якасці меры пакарання.
28.01.2010 Смяротнае пакаранне ў Беларусі. 2009 год
2009 год не стаў для Беларусі вырашальным у пытанні адмены ці ўвядзення мараторыя на смяротнае пакаранне. Беларусь па-ранейшаму застаецца адзінай дзяржавай на еўрапейскім кантыненце, а таксама на постсавецкай прасторы, дзе выносяцца і прыводзяцца ў выкананне смяротныя прысуды. Разам з тым, упершыню за гады існавання незалежнай Беларусі тэма смяротнага пакарання стала прадметам шырокай дыскусіі ў краіне.
27.01.2010 Міклашэвіч: смяротнае пакаранне – шматбаковая праблема
26 студзеня на прэс-канферэнцыі, прысвечанай вынікам працы Канстытуцыйнага суда РБ ў 2009 годзе, яго кіраўнік, Пётр Міклашэвіч, адзначыў, што адмена смяротнага пакарання не супятрэчыць беларускай Канстытуцыі.
05.01.2010 Віктар Гумінскі: “Беларусь непасрэдна падышла да таго, каб пачаць падрабязна, празрыста і шырока абмяркоўваць пытаньне аб адмене пакараньня смерцю”
Актывісты “кампаніі “Праваабаронцы супраць сьмяротнага пакараньня ў Беларусі” атрымалі адказ на свой зварот у Палату прадстаўнікоў Нацыянальнага сходу Рэспублікі Беларусі. Нагадаем, што10 снежня прадстаўнікі праваабарончай супольнасьці перадалі ў Адміністрацыю Прэзідэнта Рэспублікі Беларусь петыцыю з заклікам адмяніць гэты від пакараньня, які расцэньваецца як парушэньне права на жыцьцё, гарантаванае Канстытуцыяй і міжнароднымі дамовамі ў галіне правоў чалавека. Адначасова копія звароту была перададзеная і ў Палату прадстаўнікоў Нацыянальнага сходу Рэспублікі Беларусь.
22.12.2009 Урад супраць разгляду ў ААН паведамлення маці Жука
З Упраўлення Вярхоўнага Камісара па правах чалавека ААН атрымана інфармацыя аб атрыманні каментарыяў ураду РБ на індывідуальнае паведамленне маці прыгаворанага да смяротнага пакарання Андрэя Жука.
16.12.2009 Гары Паганяйла: "Нельга ставіць дзяржаву ва ўмовы, калі яна сама павінна здзяйсняць забойствы"
Гары Паганяйла, юрыст Рэспубліканскага праваабарончага грамадскага аб'яднання "Беларускі Хельсінскі камітэт", у межах кампаніі “Праваабаронцы супраць смяротнага пакарання ў Беларусі” агучыў свае аргументы супраць пакарання смерцю.
10.12.2009 У Міжнародны дзень правоў чалавека праваабаронцы перадалі петыцыю ўладам (фота)
10 снежня прадстаўнікі праваабарончай супольнасці ў межах кампаніі “Праваабаронцы супраць смяротнага пакарання ў Беларусі” перадалі ў Адміністрацыю Прэзідэнта Рэспублікі Беларусь петыцыю з заклікам адмяніць гэты від пакарання, які расцэньваецца як парушэнне права на жыццё, гарантаванае Канстытуцыяй і міжнароднымі дамовамі ў галіне правоў чалавека. Копія звароту перададзеная і ў Палату прадстаўнікоў Нацыянальнага сходу Рэспублікі Беларусь.
09.12.2009 Да дня Усеагульнай дэкларацыі правоў чалавека: Абараняць свае правы ў вялікім і малым, паўсюль і заўсёды
Нашая краіна абавязалася перад усім сьветам паважаць, абараняць і забясьпечваць правы чалавека. Але наколькі гэтыя міжнародныя абавязкі выконваюцца? Спынімся на адным з найважнейшых палажэньняў Дэкларацыі -- артыкуле 3: “Кожны чалавек мае права на жыцьцё, на свабоду і на асабістую недатыкальнасьць.”
09.12.2009 “Салідарнасьць”: Ці патрэбна адмяняць сьмяротнае пакараньне?
Сайт “Салідарнасці” распачаў 7 снежня галасаваньне па актуальнай у грамадстве тэме: “Ці патрэбна адмяняць смяротнае пакараньне?”
