Навіны на тэму: крымінальны перасьлед
02.07.2020 Затрыманая асабістая памочніца Бабарыка ў Белгазпрамбанку і сябра ягонай ІГ Алена Карагачава
Алена Карагачава, сябра ініцыятыўнай групы і асабісты памочнік Віктара Бабарыка, якая працавала з ім у "Белгазпрамбанку" больш за 20 гадоў, у сераду ўвечары затрыманая ДФР, піша TUT.BY са спасылкай на штаб Бабарыкі.
01.07.2020 Блогер Зміцер Казлоў (Шэры кот) прызнаны палітычным зняволеным
Блогера Зміцера Казлова (Шэры кот), у адносінах да якога ўзбуджана крымінальная справа па ч. 1 арт. 342 КК (Арганізацыя ці актыўны ўдзел у групавых дзеяннях, якія груба парушаюць грамадскі парадак), праваабарончая супольнасць Беларусі прызнае палітычным зняволеным.
01.07.2020 Экстранае паведамленне адваката Мікалая Статкевіча
30 чэрвеня з лідарам Беларускага Нацыянальнага Кангрэсу і кіраўніком партыі «Народная Грамада» Мікалаем Статкевічам у СІЗА МУС №1 у Менску, куды ён пераведзены з ізалятара часовага ўтрымання, сустрэўся ягоны абаронца - адвакат Уладзімір Сазанчук.
30.06.2020 Валянцін Стэфановіч: Крымінальны пераслед па артыкуле 342 стаў новай формай адвольных затрыманняў
Намеснік старшыні “Вясны” Валянцін Стэфановіч заяўляе, што крымінальны пераслед і змяшчэнне пад варту па артыкуле 342 Крымінальнага кодэксу ў Беларусі стаў новай формай адвольных затрыманняў. Асноўная мэта гэтага — ізаляцыя на перыяд выбарчай прэзідэнцкай кампаніі.
30.06.2020 Палітык Мікалай Статкевіч прызнаны палітычным зняволеным
Палітык Мікалай Статкевіч затрыманы па падазрэнні ў ажыццяўленні злачынства па ч. 1 арт. 342 Крымінальнага кодэксу Беларусі («Арганізацыя ці ўдзел у групавых дзеяннях, якія груба парушаюць грамадскі парадак»).
30.06.2020 Блогер Зміцер Казлоў (Шэры кот) — новы фігурант справы па арт. 342 КК РБ
Youtube-блогер з Барані Зміцер Казлоў, вядомы як "Шэры кот", таксама стаў фігурантам крымінальнай справы па арт. 342 КК РБ (Арганізацыя ці актыўны ўдзел у групавых дзеяннях, якія груба парушаюць грамадскі парадак). Пра гэта ён паведаміў праваабаронцу Паўлу Левінаву ў сваім лісце.
30.06.2020 Праваабаронцы прызналі Ігара Лосіка палітвязнем
Праваабаронцы патрабуюць ягонага неадкладнага вызвалення і спынення распачатага ў дачыненні да яго крымінальнага пераследу.
29.06.2020 Amnesty International: Ціханоўскі, Бабарыка, іх паплечнікі і блогеры — вязні сумлення
Amnesty International заяўляе, што лічыць Сяргея Ціханоўскага і восем чалавек, арыштаваных разам з ім, вязнямі сумлення, паколькі яны трапілі за краты выключна ў сувязі з мірным ажыццяўленнем сваіх правоў.
29.06.2020 Блогеры Сяргей Пятрухін, Аляксандр Кабанаў і Ігар Лосік – на Валадарцы
Як паведамляе "Брэсцкая Вясна", блогераў падазраюць у арганізацыі і падрыхтоўцы дзеянняў група парушаючых парадак або актыўным удзеле ў іх (ч. 1 арт. 342 Крымінальнага кодэкса). Справа тычыцца падзей у Гродна 29 траўня, калі быў затрыманы Сяргей Ціханоўскі і яго паплечнікі.
29.06.2020 Amnesty International патрабуе вызваліць беларускіх блогераў і актывістаў
Арганізацыя Amnesty International (Міжнародная амністыя) патрабуе вызваліць арыштаваных беларускіх блогераў і актывістаў. Пра гэта заявіла старэйшая кіраўніца кампаній Amnesty International па Беларусі Аіша Джанг.
26.06.2020 Аляксандр Грэчышнікаў: Умовы ў ЦІП, суд праз Skype і аднаўленне "крыміналкі"
Актывіст і журналіст Аляксандр Грэчышнікаў 22 чэрвеня вызваліўся з ЦІП і даведаўся пра Зноў распачатую на яго крымінальную справу. Ён распавёў «Вясне» аб тым, што яму давялося перажыць у ЦІП, а таксама пра тое, як гэта — калі судовае пасяджэнне праходзіць праз які стаў у апошні час папулярным фармат Skype-канферэнцыі.
26.06.2020 Алесь Бяляцкі: Чаму толькі як перахварэлага на COVID-19 Аляксандра Кабанава цягаюць па этапах?
26 чэрвеня праваабаронцам "Вясны" стала вядома, што блогер Аляксандр Кабанаў знаходзіцца ў мінскім ЦІП на вуліцы Акрэсціна.
26.06.2020 Валянцін Стэфановіч: Крымінальны пераслед блогераў носіць палітычны характар
У чацвер, 25 чэрвеня, стала вядома пра ўзбуджэнне чатырох новых крымінальных справах у дачыненні да блогераў. Так, крымінальныя справы заведзеныя на адміністратара тэлеграм-канала “Беларусь головного мозга” Ігара Лосіка, слуцкага блогера Уладзіміра Няронскага, блогера ютуб-канал MozgON Уладзіміра Цыгановіча і брэсцкага блогера Сяргея Пятрухіна.
26.06.2020 BY_Help заклікае падтрымаць рэпрэсаваных падчас выбарчай кампаніі
Ініцыятыва па зборы сродкаў BY_Help запусціла Краўдфандынг у падтрымку тых, хто быў затрыманы і прыцягнуты да крымінальнай ці адміністрацыйнай адказнасці ў перыяд выбарчай кампаніі 2020 года.
26.06.2020 Крымінальныя справы заведзены на youtube-блогераў Сяргея Пятрухіна і MozgON
Па інфармацыі, якую праваабаронцу "Вясны" Уладзіміру Вялічкіну паведаміў следчы, 25 чэрвеня брэсцкі блогер Сяргей Пятрухін дастаўлены ў ізалятар часовага ўтрымання Мінска. Ён, як і Сяргей Ціханоўскі і яшчэ як мінімум 10 чалавек, затрыманы ў межах крымінальнай справы па арт. 342 КК РБ, звязанай з падзеямі ў Гродна 29 траўня.
