22.02.2008 Узбуджана новая крымінальная справа

Працягваецца крымінальны перасьлед удзельнікаў дэмакратычнай акцыі "Еўрапейскі марш", прайшоўшай 14 кастрычніка 2007 году.

Як стала вядома ПЦ "Вясна" 28 сьнежня 2007 году сьледчы аддзел Першамайскага РУУС сталіцы вынес пастанову аб узбуджэньні крымінальнай справы па ч. 2 арт.339 КК РБ - "Хуліганства, зьдзейсьненае групай асобаў" па факце пашкоджаньня чужой маёмасьці, а менавіта двух міліцэйскіх аўтамабіляў.

19.02.2008 Аляксандр Круты сёньня можа пакінуць сьцены Жодзінскага СІЗА

Судовая калегія па крымінальных справах Мінскага абласнога суда адмяніла пастанову суда Нясвіжскага раёна па абвінавачваньню Аляксандра Крутога ў публічнай абразе прэзідэнта Беларусі і адмяніла вытворчасьць па ягонай справе.

18.02.2008 Крымінальная справа Аляксея Сарнова за графіці перададзеная ў суд

Супрацоўнікі гродзенскай міліцыі перадалі ў суд справу Аляксея Сарнова – жыхара горада, які ноччу 17 снежня нанёс на сценах 2 дамоў графіці з заклікам да ўладаў вярнуць ільготы.

18.02.2008 У Беларусі прэзентаваны новы фільм «Вязьні сумленьня»

15 лютага ў Беларускім ПЭН-Цэнтры адбыўся прэм’ерны паказ дакументальнага фільма рэжысёра і прадусара Вольгі Мікалайчык "Вязні сумлення", прысвечанага вядомым дэмакратычным дзеячам, зняволеным па палітычных матывах.

15.02.2008 Умовы ўтрыманьня Аляксандра Крутога ў Жодзінскім СІЗА зьяўляюцца катаваньнямі

Тры тыдні ў Жодзінскім СІЗА пазапраўна знаходзіцца вызвалены судом ад крымінальнай адказнасьыці Аляксандр Круты. Як стала вядома ПЦ “Вясна”, умовы, створаныя для Аляксандра Крутога ў Жодзіна, зьяўляюцца катаваньнямі над асобай. Увесь гэты час ён утрымліваецца ў камеры-адзіночцы для асобаў, асуджаных пажыцьцёва. Вязьню забараняюць чытаць газеты, карыстацца літаратурай, нават падручнік ангельскай мовы, які прывезьлі сваякі, не дазволілі перадаць у камеру. Скарочаная на поўгадзіны працягласьць штодзённых прагулак. Усе тры тыдні пад час штодзённых аглядаў, да яго не заходзіць ні начальнік СІЗА, ні іншыя адказныя асобы.

14.02.2008 Разгляд касацыйнай скаргі журналіста Аляксандра Зьдзьвіжкова ў Вярхоўным судзе адбудзецца 22-га лютага

Разгляд скаргі пачнецца а 9.30 раніцы. Пра гэта Радыё Свабодзе паведамілі ў канцылярыі Менскага гарадзкога суду.

04.02.2008 Беларускі ПЭН-цэнтр патрабуе перагляду справы і вызваленьня Аляксандра Зьдзьвіжкова

Беларускі ПЭН-цэнтр выступіў з заявай супраць зьняволеньня рэдактара беларускай недзяржаўнай газэты «Згода» Аляксандра Зьдзьвіжкова

31.01.2008 Андрэй Кім застаецца за кратамі

Сёньня пасьля адбыцьця тэрміну адміністратыўнага арышту моладзевы актывіст Андрэй Кім быў дастаўлены ў пракуратуру Цэнтральнага раёну сталіцы ў сувязі з узбуджанай супраць яго крымінальнай справай. Сьледчы Лугін адмовіўся прадставіць якую-небудзь інфармацыю маці актывіста. Вядома толькі, што пракуратурай яму вынесена мера стрыманьня пад арыштам.

31.01.2008 Вызвалены ад пакараньня Аляксандр Круты безпадстаўна знаходзіцца ў Жлобінскім СІЗА

24 студзеня суд Нясвіжскага раёна прызнаў Аляксандра Крутога віноўным у зьдзяйсьненьні крымінальнага злачынства па арт. 368 КК РБ - публічная абраза прэзідэнта краіны. Аднак у сувязі з тым, што дзеяньні асуджанага не нясуць вялікай пагрозы для грамадзтва, Аляксандр Круты вызвалены ад пакараньня, а крымінальная справа спыненая. Паколькі падчас сьледства ў дачыненьні да абвінавачанага праводзілася судова-медыцынская экспертыза, якая ўстанавіла, што Аляксандр Круты хворы на паранаідальную шызафрэнію, суд пастанавіў прымяніць прымусовыя меры бяспекі і лячэньня ў псіхіятрычнай бальніцы са звычайным назіраньнем.

30.01.2008 Аляксандар Зьдзьвіжкоў абскардзіў прысуд

Былы намесьнік рэдактара газэты “Згода” Аляксандар Зьдзьвіжкоў абскардзіў прысуд, паводле якога яго за публікацыю карыкатур на прарока Мухамэда пакаралі трыма гадамі зьняволеньня.

30.01.2008 За ўдзел у акцыі прадпрымальнікаў можа быць прыцягнутыя да адказнасці да 50 чалавек

За ўдзел у несанкцыянаванай вулічнай акцыі, якая прайшла ў Мінску 10 студзеня, можа быць прыцягнутыя да адказнасці да 50 чалавек, паведаміў журналістам у Мінску міністр унутраных спраў Уладзімір Навумаў.

25.01.2008 Супраць Андрэя Кіма ўзбуджана крымінальная справа

На Андрэя Кіма, затрыманага 21 студзеня пасьля мітынгу прадпрымальнікаў, заведзена крымінальная справа паводле арт. 364 КК РБ («гвалт, альбо пагроза гвалту ў адносінах да работніка міліцыі»). Пра гэта паведаміла «НН» маці хлопца Тацяна Кім.

24.01.2008 Суд прызнаў Аляксандра Крутога віноўным і накіраваў яго на лячэньне

У Нясьвіжскім судзе абвешчаны прысуд па крымінальнай справе Аляксандра Крутога. Ён прызнаны віноўным у зьдзяйсьненьні крымінальнага злачынства па арт. 368 КК РБ - публічная абраза прэзідэнта краіны. У сувязі з тым, што дзеяньні асуджанага не нясуць вялікай пагрозы для грамадзтва, Аляксандр Круты вызвалены ад пакараньня, а крымінальная справа спыненая. Паколькі падчас сьледства ў дачыненьні да абвінавачанага праводзілася судова-медыцынская экспертыза, якая ўстанавіла, што Аляксандр Круты хворы на паранаідальную шызафрэнію, матэрыялы накіраваныя ў медустанову з мэтай правядзеньня стацыянарнага лячэньня ва ўмовах звычайнага рэжыму.

23.01.2008 Суд над Аляксандрам Крутым: “Псіхіятрыя ў якасьці зброі супраць палітычных апанентаў”

Сёньня ў Нясьвіжы ў 16-00 будзе абвешчаны прысуд па крымінальнай справе Аляксандра Крутога. Ён абвінавачваецца ў публічнай абразе прэзідэнта яшчэ ў траўні 2003 года (артыкул 368 Крымінальнага Кодэксу РБ). Адвакатам на судзе выступае Марыяна Сямешка. Гэты працэс атрымаў шырокі грамадскі рэзананс, паколькі пад час сьледства ў дачыненьні да Крутога праводзілася судова-медыцынская экспертыза, якая ўстанавіла, што А. Круты хворы на паранаідальную шызафрэнію. Вось як ацэньвае ганебную практыку выкарыстаньня карнай псіхіятрыі віцэ-прэзідэнт Міжнароднай федэрацыі правоў чалавека Алесь Бяляцкі: “Мы, праваабаронцы, глыбока занепакоены тым фактам, што псіхіятрыя ў Беларусі ўсё часьцей і часьцей выкарыстоўваецца ў якасьці зброі супраць палітычных апанентаў улады. Гэтая форма ўціску на дэсідэнтаў была шырока распаўсюджаная ў Савецкім Саюзе. За 2007 год мы адзначылі некалькі выпадкаў ужываньня псіхіятрыі як сродка пакараньня ці ўціску на грамадзкіх і палітычных актывістаў.

21.01.2008 Міжнародныя арганізацыі абураныя прысудам А. Здвіжкову

«Пераслед журналістаў за імкненне інфармаваць грамадскасць па важных пытаннях з’яўляецца злоўжываннем законам аб распальванні нянавісці», — так пракаментаваў вынікі суда па «карыкатурнай справе» прадстаўнік АБСЕ па пытаннях свабоды СМІ Міклаш Харашці ў інтэрвью рускай службе «Бі-Бі-Сі».