Праваабарончы цэнтр «ВЯСНА»

Навіны на тэму: крымінальны перасьлед

28.04.2008 Сяргей Парсюкевіч абскардзіў прысуд

28‑га красавіка прадпрымальнік Сяргей Парсюкевіч накіраваў у суд скаргу на судовае рашэньне, паводле якога яго прызналі вінаватым ў зьбіцьці міліцыянта і асудзілі на 2,5 года няволі.

25.04.2008 Крымінальная справа супраць гомельскага маладафронтаўца спыненая

Кіраўнік Гомельскай філіі "Маладога Фронту" Андрусь Цянюта атрымаў паведамленьне за подпісам сьледчага гомельскага аддзела КДБ Сідлярова Д.В, што адноўленая восеньню крымінальная справа па арт. 193.1 КК РБ, канчаткова спыненая.

24.04.2008 "Ганьба" беларускаму рэжыму

Абвешчаны ў судзе Маскоўскага раёну сталіцы прысуд Сяргею Парсюкевічу быў сустрэты крыкамі "Ганьба!". Гэта сапраўды злачынны прысуд: на лаве падсудных павінен быў быць супрацоўнік міліцыі Дулуб, які перавысіў свае службовыя паўнамоцтвы і зьбіў арыштанта.

24.04.2008 Сяргей Парсюкевіч пакараны на 2 з паловай гады зьняволеньня

23 красавіка суд Маскоўскага раёну сталіцы вынес прысуд лідэру віцебскіх прадпрымальнікаў Сяргею Парсюкевічу. Судзьдзя Уладзімір Аўдзеенка прызнаў яго віноўным у зьдзяйсьненьні крымінальнага злачынства, прадугледзжанага арт. 364 КК («Гвалт альбо пагроза ўжываньня гвалту ў адносінах да супрацоўніка міліцыі») і вызначыў меру пакараньня - 2 з паловай гады калоніі агульнага рэжыму. Таксама Сяргей Парсюкевіч абавязаны выплаціць міліцыянту Дулубу 1 мільён 100 тыс. рублёў кампенсацыі за маральныя пакуты.

23.04.2008 Сёньня будзе абвешчаны прысуд па справе Парсюкевіча

Судовы разгляд крымінальнай справы лідэра віцебскіх прадпрымальнікаў Сяргея Парсюкевіча скончаны. Абвяшчэньне прысуду чакаецца паміж 19:30 і 20:30.

23.04.2008 Суд над Парсюкевічам: пракурор падтрымаў абвінавачаньне

У Маскоўскім судзе Менску працягваецца працэс над прадпрымальнікам зь Віцебску Сяргеем Парсюкевічам, якога вінавацяць у зьбіцьці міліцыянта.

23.04.2008 Асуджаныя па “справе 14-ці” будуць абскарджваць прысуды ў вышэйшай інстанцыі

22 красавіка суддзя Цэнтральнага раёна Мінска Алена Ільіна прыгаварыла маладзёвага актывіста Андрэя Кіма да пазбаўлення волі на паўтара года з адбываннем пакарання ў калоніі агульнага рэжыму. Уладзімір Сяргееў і Антон Койпіш прыгавораны да штрафа ў 100 базавых велічынь кожны; Аляксей Бондар, Арцём Дубскі, Міхаіл Пашкевіч, Таццяна Цішкевіч, Алесь Стральцоў, Міхаіл Крываў і Алесь Чарнышоў - да абмежавання волі без накіравання ў папраўчыя ўстановы адкрытага тыпу на два гады.

23.04.2008 Восем новых палітвязьняў

Вынесьлі прысуд удзельнікам "працэсу 14-ці": Андрэй Кім пойдзе ў турму на паўтара году, Уладзімер Сяргееў і Антон Койпіш заплацяць 3,5 млн рублёў штрафу, астатнія 7 чалавек атрымалі па 2 гады абмежаваньня волі без накіраваньня ў калёніі адкрытага тыпу. Андрэй Кім прысуджаны да 1,5 году калёніі агульнага рэжыму.

23.04.2008 Сёньня працягнецца суд над прадпрымальнікам Парсюкевічам

Разгляд крымінальнай справы віцебскага прадпрымальніка Сяргея Парсюкевіча пачаўся 22 красавіка ў Маскоўскім судзе беларускай сталіцы. Яго абвінавачваюць у тым, што падчас адбыцьця адміністратыўнага арышту на Акрэсьціна Парсюкевіч нібыта напаў і зьбіў міліцыянта. У першы дзень былі заслуханыя сьведчаньні пацярпелага і абвінавачанага, а таксама два сьведкі з боку пацярпелага. Прадпрымальніку пагражае да шасьці гадоў зьняволеньня.

22.04.2008 Андрэй Кім пакараны зьняволеньнем на паўтары гады

22 красавіка ў судзе Цэнтральнага раёну Менску агучаны прысуд 10 моладзевым актывістам за ўдзел у акцыі прадпрымальнікаў 10 студзеня.

21.04.2008 Прысуд па "справе 14-ці" будзе абвешчаны заўтра аб 11 гадзіне

Сёньня ў судзе Цэнтральнага раёну Мінска працягваўся разгляд крымінальнай справы супраць дэмакратычных моладзевых актывістаў, якіх абвінавачваюць у крымінальным злачынстве па ч.1 арт. 342 КК РБ – “Арганізацыя альбо актыўны ўдзел у групавых дзеяньнях, якія груба парушаюць грамадзкі парадак”. Заслуханыя апошнія словы падсудных. Абвяшчэньне прысуду прызначана на 22 красавіка аб 11 гадзіне.

21.04.2008 «Працэс 14-ці». Дзень чацьвёрты.

У судзе Цэнтральнага раёну Менску завяршаецца суд над удзельнікамі акцыі пратэсту прадпрымальнікаў 10 студзеня.

21.04.2008 Пракурор патрабуе для Кіма 2 гады турмы

Пракурор запрасіў пакараць Андрэя Кіма 2 гадамі пазбаўленьня волі агульнага рэжыму. Моладзевых актывістаў М. Пашкевіча, А. Дубскага і А. Бондара – па 2,5 гады абмежаваньня волі (хіміі), астатнім – па 2 гады папраўчых працаў без накіраваньня в папраўчыя ўстановы. Адвакат Тацяны Цішкевіч Аляксандр Галіеў хадайнічае, каб дзяўчыну вызвалілі ад адбыцьця пакараньня.

21.04.2008 Працэс па "справе 14-ці" завяршаецца

Сёньня ў судзе Цэнтральнага раёну сталіцы у 11 гадзінаў пачаўся працяг разгляду крымінальнай справы па абвінавачанньню 10 моладзевых актывістаў у актыўных дзеяньнях, якія груба парушаюць грамадзкі парадак. Абвешчана пра завяршэньне судовага сьледзтва. Судзьдзя Алена Ільіна адхіліла хадайніцтва пра допыт сьведкаў з боку абароны. Пашкевічу і Койпішу судзьдзя вынесесла судовую перасьцярогу. Пачаліся судовыя спрэчкі. Выступае пракурор.