Навіны на тэму: крымінальны перасьлед
17.06.2009 Апазыцыянэры патрабуюць зьняць абвінавачаньне з праваабаронцы Сьвеціка
У Віцебску працягваецца суд над Леанідам Сьвецікам, якога КДБ вінаваціць у распальваньні міжнацыянальнай варожасьці. Трое пацярпелых заявілі хадайніцтва, каб з праваабаронцы неадкладна зьнялі абвінавачаньне ў датычнасьці да напісаньня й распаўсюду лістоў ад імя “Русского національного едінства”.
16.06.2009 “Справу 14-ці” хочуць прыкрыць?
Удзельнікам “справы 14-ці” могуць замяніць рэжым адбыцьця пакараньня. Справу распачалі адразу пасьля правядзеньня вулічных дэманстрацый пратэсту прадпрымальнікаў у студзені 2008 году.
15.06.2009 Алесь Бяляцкі: "Палітзняволеныя ў Беларусі застаюцца па–ранейшаму"
Каментуючы прысуд па крымінальнай справе, які быў абвешчаны 15 чэрвеня аднаму з фігурантаў “Справы14-ці” Максіму Дашуку (год і тры месяцы абмежаваньня волі без змяшчэньня ва ўстановы адкрытага тыпу) кіраўнік ліквідаванага ўладамі праваабарончага цэнтру “Вясна” Алесь Бяляцкі паведаміў наступнае:
15.06.2009 Максім Дашук асуджаны да году і трох месяцаў абмежаваньня волі без накіраваньня ў папраўчую ўстанову
У судзе Маскоўскага раёну Менску суддзя Кузняцова абвясціла прысуд Максіму Дашуку: адзін год і тры месяцы забмежаваньня волі без накіраваньня ва ўстановы адкрытага тыпу, гэтак званая "хатняя хімія".
15.06.2009 Двум фігурантам “справы 14-ці” зьмякчылі рэжым
Суд Цэнтральнага раёну Менску разгледзеў прапановы супрацоўнікаў міліцыі аб зьмякчэньні ўмоваў адбыцьця пакараньня Алесю Стральцову і Алесю Чарнышову.
14.06.2009 Суд над Максімам Дашуком прызначаны на 15 чэрвеня
Суд над фігурантам “справы 14-ці” Максімам Дашуком пачнецца 15 чэрвеня ў 10.15 раніцы ў судзе Маскоўскага раёну Менску.
12.06.2009 За выкраданьне Палажанкі і Карнова заведзеная справа
Пачатая крымінальная справа па факце выкраданьня актывістаў Маладога Фронту Насты Палажанкі і Дзяніса Карнова напярэдадні акцыі 25 сакавіка.
12.06.2009 Амніставаны фігурант “справы 14-ці” Міхал Пашкевіч
11 чэрвеня лідэр «Маладых дэмакратаў» Міхал Пашкевіч быў азнаёмлены з пастановай пракурора Бярозаўскага раёну пра тое, што ў адносінах да яго прымяняецца амністыя.
11.06.2009 Пацярпелыя па справе Леаніда Сьвеціка патрабуюць спыніць судовае паседжаньне
У Віцебскім абласным судзе абвешчаны чарговы перапынак. Суддзя Галіна Урбановіч ўзяла тайм-аўт пасьля заявы абвінавачванага Леаніда Сьвеціка. Праваабаронца заявіў хадайніцтва аб спыненьні крымінальнай справы і ўвогуле судовага пераследу, паколькі ён лічыць сябе цалкам невінаватым і не зможа зразумець прад’яўленых абвінавачванняў.
11.06.2009 Барыс Хамайда: “Не веру ў вінаватасць праваабаронцы Леаніда Свеціка!”
Сёньня ў Віцебскім абласным судзе працягваецца разгляд крымінальнай справы па абвінавачванні праваабаронцы Леаніда Свеціка ў распальваньні расавай, нацыянальнай ці рэлігійнай варожасці.
11.06.2009 Валянцін Стэфановіч: “Гэты суд — спроба дыскрэдытаваць праваабарончы рух”
Першы дзень судовага працэсу над праваабаронцам Леанідам Сьвецікам пачаўся з таго, што з залі суду мусілі выйсьці незалежныя журналісты, якія пісалі пра зьяўленьне ў Віцебску ў 2006-07 гг. лістоў з пагрозамі ад імя “віцебскай філіі “Русского Национального Единства”, у датычнасьці да напісаньня й распаўсюду якіх вінавацяць Сьвеціка.
10.06.2009 Суд над праваабаронцам Леанідам Сьвецікам: новыя сюрпрызы
У Віцебскім абласным судзе сёньня слухаецца крымінальная справа па абвінавачваньні праваабаронцы Леаніда Сьвеціка.
09.06.2009 Адвакат Сапелка паскардзіўся ў пракуратуру на дзеяньні сьледчых у справе Аўтуховіча
Адвакат Мікалая Аўтуховіча Павал Сапелка падаў скаргу ў пракуратару Беларусі на дзеяньні сьледзтва ў справе ягонага падабароннага.
09.06.2009 10 чэрвеня – суд над праваабаронцам Леанідам Свецікам
Разгляд крымінальнай справы віцебскага праваабаронцы Леаніда Свеціка ў Віцебскім абласным судзе прызначаны на 10 чэрвеня. Суддзёй у гэтай справе прызначана Галіна Урбановіч. Леаніда Свеціка вінавацяць у распальваньні расавай, нацыянальнай ці рэлігійнай варожасьці па ч.1 арт. 130 Крымінальнага Кодэксу Рэспублікі Беларусь.
04.06.2009 Шведы далучаюцца да кампаніі за адмену артыкула 193-1
Сябры швэдзкай праваабарончай ініцыятывы Östgruppen заявілі, што падтрымліваюць распачатую ў Беларусі кампанію за адмену артыкула Крымінальнага кодэксу 193-1, які прадугледжвае крымінальную адказнасьць за ўдзел у незарэгістраванай арганізацыі. Гэтую акцыю ініцыявала беларуская Асамблея няўрадавых арганізацый.
