Праваабарончы цэнтр «ВЯСНА»

Навіны на тэму: крымінальны перасьлед

18.10.2010 Адвакат: У справе Башуры няма складу злачынства

Даведка, якую нібыта падрабіў Міхась Башура, не паўплывала на атрыманне ім крэдыту. Пра гэта сёння ў судзе распавяла супрацоўніца "Беларусбанку" Ірына Шыцік. Яна сцвярджае, што заробку іншых даручальнікаў хапала для атрымання крэдыту.

18.10.2010 Аднаўляецца суд над актывістам "Гавары праўду!" Міхасём Башурам

18 кастрычніка ў Савецкім судзе Мінску адновіцца працэс у справе Міхася Башуры. Як нагадвае Радыё "Свабода", актывіста кампаніі "Гавары праўду!" судзяць за нібыта паўторную падробку дакумэнтаў.

15.10.2010 Башуру рыхтуюць новае абвінавачаньне

Прадстаўніца абвінавачаньня Галіна Конева папрасіла час, каб высунуць новае абвінавачваньне. Судзьдзя Кірыл Палулех абвясьціў перапынак да 10.00 18 кастрычніка.

12.10.2010 У судзе над Башурам абвешчаны перапынак да 15 кастрычніка

У Савецкім судзе Менску працягваўся працэс над актывістам «Гавары праўду» Міхасём Башурам, якога абвінавачваюць у паўторнай падробцы дакумэнтаў. З раніцы суд працягваў вывучаць дакумэнты справы.

12.10.2010 Другі дзень суда над Міхасём Башурам

Працягваецца суд над Міхасём Башурам. У першы дзень паседжання суддзя Кірыл Полулех не задаволіў хадайніцтва аб змене ўтрымання Башуры, грамадскі актывіст працягвае ўтрымлівацца пад вартай з 6-га жніўня.

11.10.2010 Распачаўся судовы працэс над Міхасём Башурам

У судзе Савецкага раёна Мінска распачаўся судовы працэс над Міхасём Башурам, паэтам, адным з кіраўнікоў выдавецтва "Галіяфы" і кіраўніком мінскай суполкі кампаніі "Гавары праўду".

11.10.2010 Адвакат: "Міхась Башура кажа пра памылку, і гэта так"

Сёньня ў судзе Савецкага раёну Менску пачынаецца суд над актывістам кампаніі "Гавары праўду" Міхасём Башурам, якога падазраюць у падробцы дакумэнтаў. Яму пагражае да 5 гадоў абмежаваньня волі.

11.10.2010 ААН прызнала Марыніча ахвярай палітычнай расправы

Камітэт ААН па правах чалавека прызнаў былога міністра і кандыдата ў прэзідэнты Міхаіла Марыніча ахвярай палітычнай расправы.

05.10.2010 Расследаванне справы Юрыя Захаранкі зноў працягнулі

Пракуратура Мінска чарговым разам на тры месяцы, да 24 снежня, працягнула расследаванне справы аб выкраданні невядомымі экс-міністра ўнутраных спраў Юрыя Захаранкі, якая вядзецца з мая 1999 года.

05.10.2010 Мікалая Дзядка абвінавачваюць ва ўдзеле ў акцыі, што адбылася год таму

Мікалаю Дзядку 1 кастрычніка прад’явілі абвінавачваньне ва ўдзеле ў акцыі каля генштаба Міністэрства Абароны супраць беларуска-расейскіх вайсковых вучэнняў «Захад–2009» па частцы 2 артыкуле 339 (Хуліганства, здзейсьненае групай асоб). Спачатку яго трымалі ў Цэнтры ізаляцыі правапарушальнікаў на Акрэсціна, а 24 верасьня перавялі ў СІЗА на ВаладарскагаЮ дзе ён чакае суда па гэтай справе.

29.09.2010 Працягваюцца затрыманні па справе нападу на амбасаду РФ

У Мінску працягваюцца затрыманні ў сувязі з нападам на расійскую амбасаду, якое здарылася 30 жніўня. Па мінімальных падліках у турэмным ізалятары за гэты час пабывала ля 30 чалавек – актывістаў анарха-руху, прадстаўнікоў моладзевых ініцыятываў і партый.

29.09.2010 Суд над Міхасём Башурам прызначаны на 11 кастрычніка

Ён пройдзе ў судзе Савецкага раёна сталіцы. Актывіста кампаніі "Гавары праўду!" вінавацяць у падробцы дакументаў. Як нагадвае "Беларускі партызан", Башуру пагражае да трох гадоў пазбаўлення волі.

28.09.2010 Затрыманы ў справе «пра падпалы» абвясьціў галадоўку

Стала вядома прозьвішча яшчэ аднаго затрыманага ў справе пра напады на амбасаду Расеі ды іншыя будынкі ў Менску — гэта Ігар Трухановіч. Паводле адваката актывіста, у ізалятары ён абвясьціў галадоўку.

27.09.2010 Працягваюцца затрыманьні актывістаў па падазрэньні ў падпале расійскай амбасады ў Мінску

25 верасьня стала вядома пра яшчэ аднаго затрыманага актывіста: Ігара Трухановіча. Паводле словаў ягоных бацькоў, Ігара напярэдадні затрыманьня выклікалі на «размову», дахаты ён гэтак і ня вернуўся. У тэлефоннай размове з дзяжурным ІЧУ на вуліцы Акрэсьціна бацькам паведамілі, што Ігар сапраўды знаходзіцца ў іх, ён затрыманы да 27 верасьня па арт. КК РБ 339 (хуліганства). Болей інфармацыі супрацоўнік ІЧУ даць адмовіўся.