Навіны на тэму: крымінальны перасьлед
11.01.2011 Прад'яўлена абвінавачанне Уладзіміру Лобану
Праваабарончаму цэнтру "Вясна" стала вядома, што прад'яўлена абвінавачанне ў арганізацыі і ўдзеле ў масавых беспарадках Уладзіміру Лобану. Ён 29 снежня адбыў 10-сутачны адміністрацыйны арышт на Акрэсціна, пасля чаго яго прызналі падазраваным па крымінальнай справе аб беспарадках, а зараз -- абвінавачаным.
11.01.2011 Вядомыя прозвішчы 27 абвінавачаных па крымінальнай справе аб масавых беспарадках
На сайце ГУУС Менгарвыканкама з’явілася інфармацыя пра асоб, якім прад’яўленае абвінавачваньне ў арганізацыі масавых беспарадкаў у Менску 19 сьнежня. Прычым, як сцвярджаецца ў інфармацыі, датычнасьць іх да нападу на будынак Дома ураду ўстаноўленая шматлікімі відэаматэрыяламі тых падзей.
11.01.2011 Абвінавачанне ў масавых беспарадках прад'яўлена 31 удзельніку акцыі апазіцыі
У рамках расследавання крымінальнай справы, якая была распачата па частках 1 і 2 артыкула 293 Крымінальнага кодэкса (масавыя беспарадкі), следчым упраўленнем папярэдняга расследавання ГУУС Мінгарвыканкама ўстаноўлена больш за 120 чалавек, якія актыўна ўдзельнічалі ў масавых беспарадках 19 снежня на плошчы Незалежнасці ў Мінску.
10.01.2011 Праваабаронца: Нават следчы КДБ не ведае, колькі ператрусаў было ў краіне!
Еўрарадыё паспрабавала падлічыць, колькі камп'ютараў канфіскавалі за апошнія дні і колькі ператрусаў прайшло ў краіне ў сувязі з падзеямі 19 снежня.
10.01.2011 Падазраваны па крымінальнай справе Васіль Парфянкоў -- у СІЗА на Валадарскага
Васіль Парфянкоў -- чарговы падазраваны па крымінальнай справе аб масавых беспарадках. Ён паказаны ў фільме "Плошча. Жалезам па шкле" як адзін з тых, хто біў шкло ў Доме ўраду. Утрымліваецца ў СІЗА на Валадарскага.
10.01.2011 Сёння павінны прад’явіць абвінавачванні шэрагу актывістаў
Следчыя КДБ цягам панядзелка маюць прад’явіць абвінавачанні шэрагу актывістаў альбо прыняць рашэнне аб іх вызваленні. Праваабаронцы чакаюць, што многіх з затрыманых на мінулым тыдні супрацоўнікам сілавых органаў прыйдзецца вызваліць з-за відавочнай адсутнасці ў іхных дзеяннях складу злачынства.
09.01.2011 Ілля Васілевіч – яшчэ адзін падазраваны па крымінальнай справе аб масавых беспарадках
19-гадовы Ілля Васілевіч адбыў 10-сутачны арышт і быў адпушчаны дадому. Яму паведамілі, што адміністрацыя Мінскага політэхнічнага каледжу адлічае яго з навучальнай установы. 5 студзеня малады чалавек быў запрошаны да адміністрацыі каледжу дзеля падпісання адпаведных папер, але там яго чакалі супрацоўнікі КДБ.
08.01.2011 А.Корбан: Думаю з кандыдатаў выпусцяць толькі Міхалевіча
Вызвалены 7 студзеня са следчага ізалятару КДБ актывіст Аб’яднанай грамадзянскай партыі кіраўнік выбарчага штабу Яраслава Раманчука Алег Корбан распавёў Радыё Рацыя аб абставінах свайго вызвалення.
08.01.2011 Віталь Рымашэўскі: несці адказнасць і разумець, што адбываецца
Экс-кандыдат у прэзідэнты Віталь Рымашэўскі ў ноч на 1 студзеня быў выпушчаны са следчага ізалятара КДБ пад падпіску аб нявыездзе, пасля таго, як ён напісаў тлумачальную запіску на імя Лукашэнкі. 4 студзеня палітык планаваў даць прэс-канферэнцыю, але ў КДБ папярэдзілі, што калі яна адбудзецца, то Рымашэўскага зноў адправяць у СІЗА. Але сустрэцца з журналісткай Вольгай Хвоін для кароткага інтэрв’ю Віталь пагадзіўся. Тым не менш і пасля інтэрв’ю пытанні засталіся.
07.01.2011 Яшчэ двое падазраваных па справе аб беспарадках – Павел Вінаградаў і Леанід Навіцкі
Праваабарончаму цэнтру “Вясна” стала вядома, што падазраванымі па крымінальнай справе аб масавых беспарадках з’яўляюцца актывіст кампаніі “Гавары праўду” Павел Вінаградаў і даверная асоба Саннікава – Леанід Навіцкі.
06.01.2011 Суд адмовіў Някляеву ў змене меры стрымання
Суд Цэнтральнага раёна Мінска адхіліў скаргу адваката Ўладзіміра Букштынава аб змене меры стрымання яго падабароннаму, былому кандыдату ў прэзідэнты Уладзіміру Някляеву.
06.01.2011 Міхалевіча перавялі на Валадарку
Арыштаваны кандыдат у прэзідэнты Алесь Міхалевіч пераведзены са следчага ізалятара КДБ у ізалятар Міністэрства ўнутраных спраў на вуліцы Валадарскага ў Мінску.
06.01.2011 Дашкевічу і Лобаву прад'яўлена абвінавачанне
Сёння ў Жодзінскай турме № 8 было прад'яўлена абвінавачанне па ч.3 арт 339 КК РБ старшыні "Маладога фронту" Змітру Дашкевічу і кіраўніку Менскай суполкі арганізацыі Эдуарду Лобаву.
05.01.2011 Двум расейцам прад'явілі абвінавачаньні
Двум расейцам, затрыманым у сувязі з падазрэньнем у датычнасьці да масавых беспарадкаў у Менску, прад'яўленае абвінавачаньне.
05.01.2011 Заўтра суд разгледзіць скаргу адвакатаў Някляева
Хадайніцтва аб змяненні меры стрымання Уладзіміру Някляеву будзе разгледжана заўтра ў судзе Цэнтральнага раёна Мінска.
