Навіны на тэму: крымінальны перасьлед
04.03.2011 Карл Шварцэнберг абураны папярэджаннем Генпракуратуры Алесю Бяляцкаму
“Заўсёды з вялікім спачуваннем стаўлюся да спраў Вашага Праваабарончага цэнтру, які нястомна выступае за ідэалы правоў чалавека і дэмакратыі, не зважаючы на пагрозы беларускіх уладаў”, - адзначае намеснік прэм’ер-міністра і міністр замежных спраў Чэшскай Рэспублікі Карл Шварцэнберг у лісце да кіраўніка Праваабарончага цэнтру “Вясна”.
04.03.2011 Выключэнне Паўла Сапелкі з калегіі адвакатаў: меркаванні правабаронцаў
"Гэта беспрэцэдэнтны выпадак ціску на адвакатаў. І выпадак з Паўлам Сапелкам – недвухсэнсоўны сігнал усім іншым адвакатам, якія ўдзельнічаюць у справе па падзеях 19 снежня і іншых палітычна матываваных справах. Гэта папярэджанне ўвогуле ўсім адвакатам краіны. Усе суды па падзеях 19 снежня з гэтага моманту становяцца поўнай фікцыяй. Яны ператвараюцца ў трагічнае шоў, якое ўлада арганізавала для расправы са сваімі апанентамі".
04.03.2011 Павел Сапелка больш не адвакат - трое палітвязняў засталіся без абароны
Рашэннем прэзідыума Мінскай гарадской калегіі адвакатаў Павел Сапелка быў выключаны з яе шэрагаў. Больш займацца адвакацкай дзейнасцю ён не зможа. У межах крымінальных справаў па падзеях 19 снежня Павел Сапелка абараняў Андрэя Саннікава, Паўла Севярынца і Змітра Дашкевіча.
03.03.2011 Аналіз судовага працэсу па абвінавачванні Аляксандра Атрошчанкава, Аляксандра Малчанава, Дзмітрыя Новіка
Праваабарончы цэнтр “Вясна” лічыць, што доказаў віны ў здзяйсненні злачынства, прадугледжанага ч. 2 арт. 293 КК Рэспублікі Беларусь, у судзе не прадстаўлена.
03.03.2011 Дашкевіча і Лобава перавялі ў СІЗА №1
Старшыню "Маладога Фронту" Змітра Дашкевіча і мінскага каардынатара МФ Эдуарда Лобава перавялі ў СІЗА №1 ўвечары 2 сакавіка. Гэтую інфармацыю пацвердзілі ў турме №8, што месціцца ў Жодзіна.
03.03.2011 Выступы абвінаваўцы і адвакатаў у судзе па справе Атрошчанкава, Малчанава, Новіка (тэксты)
Па выніках праваабарончага маніторынгу судовага працэсу па крымінальнай справе Аляксандра Атрошчанкава, Аляксандра Малчанава і Дзмітрыя Новіка маніторынгавая група Цэнтра прававой трансфармацыі падрыхтавала стэнаграмы выступаў дзяржаўнага абвінаваўцы і адвакатаў.
02.03.2011 Вынесены прысуды Атрошчанкаву, Малчанаву, Новіку
У судзе Фрунзенскага раёну Менска суддзя Таццяна Чэркас агучыла прысуд: Аляксандру Атрошчанкаву - чатыры гады пазбаўлення волі ў калоніі ўзмоцненага рэжыму, Зьмітру Новіку – тры з паловай гады калоніі ўзмоцненага рэжыму і Аляксандру Малчанаву - тры гады калоніі ўзмоцненага рэжыму.
02.03.2011 Маці Кіркевіча дабіваецца змены меры стрымання для сына
Ларыса Кіркевіч, маці гродзенскага лідара Маладога фронту Алеся Кіркевіча пераконвае КДБ, што ў турме ў сына пачало балець сэрца, і гэта можа стаць прычынаю змяненьня меры ўтрымання пад вартаю.
02.03.2011 Някляеву выклікалі хуткую
Сёння павінен быў адбыцца допыт Уладзіміра Някляева. Трэці за той час, што экс-кандыдат у прэзідэнты знаходзіцца пад хатнім арыштам. Але допыт, мяркуючы па ўсім, не адбудзецца.
02.03.2011 Аналітычны агляд першага паседжаньня па крымінальнай справе Аляксандра Атрошчанкава, Дзьмітрыя Новіка і Аляксандра Малчанава
1 сакавіка 2011 г. у судзе Фрунзенскага р-ну Менску распачаўся судовы працэс над удзельнікамі мірнай акцыі ў Менску 19 сьнежня 2010 г. Аляксандрам Малчанавым, Дзьмітрыем Новікам і Аляксандрам Атрошчанкавым. Заля была разьлічаная на 56 месцаў (міліцыянты агучылі лічбу ў 34). Падчас працэсу відэа- і фотаздымкі былі забароненыя, прэса пакінула залю. Судовы працэс вядзе судзьдзя Чэркас Тацяна пры ўдзеле старшагапракурора г.Менску Маладцовай і адвакатаў Былінай, Санковіча і Мушынскага.
01.03.2011 Кароткі аналітычны агляд судовага паседжання па крымінальнай справе Дзмітрыя Мядзведзя. Дзень першы
1 сакавіка 2011г. у судзе Маскоўскага раёна г. Мінска, пад старшынствам судзі Алены Рудніцкай з удзелам дзяржаўнага абвінаваўцы намесніка пракурора Пракуратуры Маскоўскага раёна г. Мінска К. Мазоўка, з удзелам адваката Сяргея Лепеша, а таксама з удзелам дзяржаўнага ісца – прадстаўніка ГГУ Адміністрацыі Прэзідэнта Рэспублікі Беларусь Дзмітрыя Лепеша пачалося судовае слуханне па крымінальнай справе ў дачыненні да Мядзведзя Дзмітрыя Леанідавіча, які абвінавачваецца ў злачынстве, прадугледжаным ч.2 арт.293 КК Рэспублікі Беларусь (масавыя беспарадкі).
01.03.2011 Аналітычны агляд судовага працэсу па крымінальнай справе Арцёма Брэуса і Івана Гапонава. Дзень другі
Пракуратурай было прад’яўленае абвінавачванне, якое істотна не адрозніваецца ад папярэдняга. Папярэднія судовыя слуханні яскрава сведчылі аб адсутнасці ў следства якіх-небудзь доказаў віны А.Брэуса і І.Гапонава ў інкрымінаваных ім дзеяннях. Пры дадзеных абставінах Праваабарончы цэнтр “Вясна” настойвае на вызваленні А.Брэса і І.Гапонава і поўным іх апраўданні.
01.03.2011 Натальлю Радзіну папярэдзілі пасьля інтэрвію Свабодзе
Сёньня міліцыянты прыйшлі да дому ў Кобрыне, дзе рэдактарка сайту “Хартыя 97” Натальля Радзіна жыве пад падпіскай аб нявыезьдзе пасьля вызваленьня з СІЗА КДБ. Натальля пасьпела пазваніць маці і сказаць, што яе павезьлі ў міліцыю "для размовы".
01.03.2011 Радзіну затрымалі людзі ў міліцэйскай форме
Яна паспела паведаміць пра гэта калегам, пасля чаго сувязь перарвалася. Аб гэтым напісаў сайт charter97.org.
01.03.2011 Суд Фрунзенскага раёна: Атрошчанкаў, Малчанаў, Новік (абнаўляецца)
17.25 У судзе абвешчаны перапынак да 10.00 2 сакавіка.
