Навіны на тэму: крымінальны перасьлед
19.04.2011 Чарговая справа наконт падзеяў 19 снежня перададзена ў суд
Пракуратура Мінска перадала ў Мінгарсуд для вызначэння тэрытарыяльнай падсуднасці чарговую крымінальную справу па масавых беспарадках 19 снежня, пра гэта паведаміў старшы памочнік пракурора горада Мінска Сяргей Балашоў.
18.04.2011 «Словы Міхалевіча пра катаваньні — праўда»
Вязень Аляксандр Класкоўскі падчас спатканьня з жонкай Натальляй пацьвердзіў тое, што казаў пра «амэрыканку» Алесь Міхалевіч. Размова вязьня з жонкай адбылася падчас іх спатканьняў у СІЗА КДБ.
18.04.2011 Віталь Стажараў - чарговы падазваваны па крымінальнай справе аб масавых беспарадках
Новы падазраваны па крымінальнай справе аб масавых беспарадках - Віталь Стажараў. Адразу пасьля прэзідэнцкіх выбараў ён вымушаны быў з’ехаць з Беларусі.
18.04.2011 Халіп, Севярынца і Марцалева будуць судзіць ў Заводзкім судзе
У Заводзкі раённы суд Менску з гарадзкога суду перададзеныя справы жонкі Андрэя Саньнікава Ірыны Халіп, сузаснавальніка БХД Паўла Севярынца і кіраўніка штабу Міколы Статкевіча Сяргея Марцалева. «Калі пачнецца працэс і прозьвішча судзьдзі паведамяць не раней за панядзелак 18 красавіка», — сказалі сваякі Ірыны Халіп.
14.04.2011 Справа Дзмітрыя Бандарэнкі накіравана ў Мінскі гарадскі суд
Акрамя іншага, Дзмітрыя Бандарэнку, разам з Ірынай Халіп, Сяргеем Марцалевым і Паўлам Севярынцам, вінавацяць у стварэнні штучных падставаў для ўвядзення санкцый.
14.04.2011 Судзіць будуць адразу семярых удзельнікаў Плошчы
Крымінальная справа абванавачваных у масавых беспарадках кандыдатаў у прэзідэнты Дзмітрыя Уса, Мікалая Статкевіча, удзельнікаў акцыі пратэсту Андрэя Пазняка, Аляксандра Класкоўскага, Аляксандра Квяткевіча, Арцёма Грыбко і Зміцера Буланава будзе у самы бліжэйшы час разгледжаная ў судзе Ленінскага раёна Менска.
13.04.2011 Беларускія анархісты рэагуюць на адну з вэрсіяў КДБ
Старшыня КДБ Беларусі Вадзім Зайцаў 12 красавіка агучыў тры вэрсіі тэракту ў менскім мэтро. Адна зь іх – дачыненьне да выбуху маладых экстрэмістаў.
13.04.2011 За вызваленьне Андрэя Пачобута
У Мінску, Гродна і Варшаве працягваецца збор подпісаў пад пад хадайніцтвам аб змене меры стрымання Анджэю Пачобуту. Сам карэспандэнт «Газэты Выборчэй» рыхтуецца сустракаць свой 38-мы Дзень народзінаў ў СІЗА.
13.04.2011 Крымінальныя справы ячшэ чатырох абвінавачаных па падзеях 19 снежня накіраваныя ў суд
Пракуратура Мінска перадала ў Мінскі гарадскі суд для вызначэння тэрытарыяльнай падсуднасці крымінальную справу ў дачыненні да Сяргея Марцалева, Паўла Севярынца і Ірыны Халіп. Пра гэта БелаПАН паведамілі ў пракуратуры горада.
11.04.2011 “Іван ківае на Пятра, а Пётр - на Івана”
Відаць, ніхто не збіраецца вяртаць маёмасць, якую масава пазабіралі ў грамадскіх актывістаў і простых грамадзянаў падчас ператрусаў у межах крымінальнай справы аб масавых беспарадках. Грамадзяне пішуць скаргі ў пракуратуру, пракуратура перанакіроўвае іх у КДБ, а КДБ – ізноў у пракуратуру. Атрымліваецца, як у вядомай прыказцы: ніхто не хоча браць на сябе адказнасць і праваахоўныя органы перакладаюць яе адзін на аднога.
11.04.2011 “Вясна” пратэстуе супраць крымінальнага пераследу Андрэя Пачобута
Заява Праваабарончага цэнтру “Вясна” Праваабарончы цэнтр “Вясна” патрабуе ад уладаў Беларусі: - неадкладна спыніць крымінальны пераслед Андрэя Пачобута; - скасаваць дыфамацыйныя артыкулы Крымінальнага кодэксу ў адпаведнасці з міжнароднымі стандартамі ў галіне свабоды прэсы і свабоды выказванняў; - зарэгістраваць непрызнаны беларускімі ўладамі незалежны Саюз палякаў Беларусі.
09.04.2011 На Свабодзе адбылася онлайн-канферэнцыя з Анатолем Лябедзькам
Лідэр Аб’яднанай грамадзянскай партыі Анатоль Лябедзька 9 красавіка выступіў у Менску на першым форуме лібэральнай моладзі краін палітыкі Эўразьвязу «Ўсходняе партнэрства». Палітык заклікаў удзельнікаў форуму ніколі не гандляваць сваім гонарам і ўласнай годнасьцю.
09.04.2011 Фядута пра СІЗА: ніякіх асаблівых умоваў не стваралі, але і катаванняў не было
Адзін з лідэраў кампаніі «Гавары праўду!», давераная асоба Уладзімера Някляева на прэзідэнцкіх выбарах-2010 палітолаг Аляксандр Фядута быў вызвалены ўвечары 8 красавіка.
08.04.2011 Справу Статкевіча і Уса разгледзіць Ленінскі раённы суд
Справу супроць былых кандыдатаў на прэзыдэнта Мікалая Статкевіча і Дзьмітрыя Вуса накіравалі для разгляду у Ленінскі раённы суд Менску.
07.04.2011 Крымінальная справа аб масавых беспарадках: 25 абвінавачаных, 13 падазраваных і 13 асуджаных
Па інфармацыі МУС ад 5 красавіка, папярэдняе расследванне па крымінальнай справе аб масавых беспарадках завершана. Дзесяці фігурантам справы перапрад’яўлена абвінавачанне – па ч.1 арт.342 КК РБ (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Мера стрымання для іх застаецца ранейшай. Адзін чалавек асуджаны па дадзеным артыкуле. Такім чынам, па інфармацыі ПЦ “Вясна”, па справе аб масавых беспарадках у статусе абвінавачаных знаходзяцца 25 чалавек, з іх 17 утрымліваюцца пад вартай, 8 – пад падпіскай аб нявыездзе, з якіх 2 знаходзяцца па-за межамі краіны. У статусе падазраваных – 13 чалавек, з іх 3 знаходзяцца па-за межамі краіны, пераважная большасць – пад падпіскай аб нявыездзе. 10 фігурантаў крымінальнай справы асуджаныя да пазбаўлення волі, 2 – да штрафаў і 1 – да абмежавання волі без накіравання ва ўстанову адкрытага тыпу.
