Навіны на тэму: крымінальны перасьлед
18.05.2011 Павел Сапелка: “Суд аказаўся прыдаткам дзяржавы”
Павел Сапелка, былы адвакат кандыдата ў прэзідэнты Андрэя Саннікава, пазбаўлены ліцэнзіі падчас следства, сочыць за развіццём справы свайго падабароннага, ходам судовага працэсу, вынясеннем прысуду. Зараз ён таксама спрабуе адаптавацца да новай рэчаіснасці, у якой ён апынуўся пасля пазбаўлення права займацца адвакацкай дзейнасцю.
18.05.2011 Суды за Плошчу: Статкевіч, Ус, Класкоўскі, Пазняк, Буланаў, Квяткевіч, Грыбкоў (дзень сёмы). Прысуды - 20 траўня
Пракурор Чубкавец патрабуе для МІколы Статкевіча 8 гадоў зняволення, для Аляксандра Класкоўскага - 8,5, для Дзмітрыя Уса - 7, для Арцёма Грыбкова, Дзмітрыя Буланава, Аляксандра Квяткевіча і Андрэя Пазняка - па 4 гады. Дзмітрыя Уса могуць узяць пад варту. Але суд яшчэ будзе 2 дні думаць.
18.05.2011 Суды за Плошчу: Някляеў, Рымашэўскі, Дзмітрыеў, Фядута, Палажанка, Вазняк (дзень дзесяты). Прысуды - 20 траўня
18 траўня Фрунзенскі суд Менску працягнуў працэс над экс-кандыдатамі ў прэзідэнты Уладзімірам Някляевым і Віталём Рымашэўскім, а таксама Аляксандрам Фядутам, Андрэем Дзмітрыевым, Сяргеем Вазняком, Настай Палажанкай. Выступілі адвакаты Насты Палажанкі і Ўладзімера Някляева. Падсудныя прамовілі апошнія словы. 20 траўня а 16-й чакаюцца прысуды.
18.05.2011 Аналітычны агляд судовага працэсу па крымінальнай справе Паўла Севярынца, Сяргея Марцалева і Ірыны Халіп
Праваабарончы цэнтр "Вясна" патрабуе зняцця ўсіх накладзеных судом абмежаванняў на П. Севярынца, С. Марцалева, І. Халіп і зняцця судзімасці, паколькі лічыць іх асуджэнне па ч. 1 арт. 342 Крымінальнага кодэкса Рэспублікі Беларусь незаконным і палітычна матываваным
18.05.2011 Крымінальная справа аб масавых беспарадках: 7 абвінавачаных, 13 падазраваных і 31 асуджаны
Дзесяці фігурантам справы было перапрад’яўлена абвінавачанне – па ч.1 арт.342 КК РБ (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Усе былі асуджаныя па дадзеным артыкуле і атрымалі розныя пакараньня: 1 - абмежаваньне волі (П.Севярынец), 2 - пазбаўленьне волі з адтэрміноўкай, 6 -пазбаўленьне волі ўмоўна, 1 - пазбаўленьне волі на 2 гады (З.Бандарэнка). Такім чынам, па інфармацыі ПЦ “Вясна”, па справе аб масавых беспарадках у статусе абвінавачаных знаходзяцца 7 чалавек, 5 зь іх – пад падпіскай аб нявыездзе, а 2 знаходзяцца па-за межамі краіны. У статусе падазраваных – 13 чалавек, з іх 3 знаходзяцца па-за межамі краіны. 28 фігурант крымінальнай справы асуджаны да пазбаўлення волі, 2 – да штрафаў і 1 – да абмежавання волі без накіравання ва ўстанову адкрытага тыпу.
18.05.2011 А.Бяляцкі: дзяржава паставіць умоўна асуджаных пад жорсткі кантроль
Такім чынам кіраўнік праваабарончага цэнтру “Вясна” Алесь Бяляцкі ў жывым эфіры Еўрарадыё пракаментаваў меркаваныя прысуды фігурантам справы Плошчы.
17.05.2011 Заўтра суд над Аліневічам, Дзядком, Веткіным і Францкевічам
Прызначаная дата разгляду крымінальнай справы беларускіх анархістаў Ігара Аліневіча, Мікалая Дзядка, Аляксандра Францкевіча і Максіма Веткіна, якіх абвінавачваюць у здзяйсненні шэрагу нападаў і падпалаў на будынкі, а таксама ў іншых злачынствах. Акрамя таго, Аляксандру Францкевічу было прад’яўлена дадатковае абвінавачанне – ва ўзломе сайта Наваполацкага гарвыканкама, што кваліфікуецца па ч.2 арт. 351 КК РБ (“Кампутарны сабатаж”). Ім пагражае да 12 гадоў пазбаўлення волі.
16.05.2011 Затрымалі яшчэ аднаго падазраванага ў падпале Дома правасуддзя
Гэта актывіст кампаніі «Без’ядзерная Беларусь» Арсень Гурскі.
14.05.2011 ПРЫСУД АНДРЭЮ САННІКАВУ: 5 ГАДОЎ КАЛОНІІ УЗМОЦНЕНАГА РЭЖЫМУ
Алег Гнедчык асуджаны на 3,5 гады, а Ілля Васілевіч, Фёдар Мірзаянаў, Уладзімір Яроменка -- на 3 гады калоніі ўзмоцненага рэжыму. Маці Фёдара Мірзаянава на абвяшчэнне прысуду не пусцілі. Прысуд вынесла суддзя Ленінскага суда Мінска Наталля Чацвярткова. Пракурор Антон Загароўскі патрабаваў пакаранне для Саннікава ў 7 гадоў.
14.05.2011 Суды за Плошчу: Статкевіч, Ус, Класкоўскі, Пазняк, Грыбкоў, Квяткевіч, Буланаў (дзень чацвёрты)
Працэс у Ленінскім судзе Мінска над двума супернікамі дзеючага кіраўніка дзяржавы на выбарах і пяццю ўдзельнікамі Плошчы працягваецца. Сягоння, нарэшце, плануецца даць рады з праглядам відэаматэрялаў, які двойчы адкладаўся па тэхнічных прычынах.
13.05.2011 Суды за Плошчу: Саннікаў, Васілевіч, Гнедчык, Мірзаянаў, Яроменак
Прысуд абвесцяць заўтра, 14 траўня, а 16-й гадзіне.
13.05.2011 Суды за Плошчу: Статкевіч, Класкоўскі, Ус, Пазняк, Квяткевіч, Грыбкоў, Буланаў (дзень трэці)
На працэсе па справе Міколы Статкевіча, Дзмітрыя Уса, Аляксандра Класкоўскага, Андрэя Пазняка, Дзмітрыя Буланава, Аляксандра Квяткевіча і Арцёма Грыбкова зранку ішлі допыты пацярпелых міліцыянтаў. У многіх траўмы, пра якія яны кажуць, дакументальна нічым не пацьверджаны. Працэс ідзе ў Ленінскім судзе Мінска пад старшынствам суддзі Людмілы Грачовай.
13.05.2011 Суды за Плошчу: Севярынец, Халіп, Марцэлеў (дзень трэці)
Дзяржабвінаваўца запрасіў Паўлу Севярынцу 3 гады абмежавання волі, Ірыне Халіп і Сяргею Марцэлеву па 2 гады з адтэрміноўкай. Прысуд будзе абвешчаны 16 траўня.
13.05.2011 Андрэй Пачобут пачаў знаёміцца з матэрыяламі крымінальнай справы
Следства скончана, карэспандэнту польскай «Газеты выборчай» у прысутнасці абаронцы выстаўлена абвінавачанне па двух артыкулах Крымінальнага кодэкса — 368 (частка І) — «абраза» і 367 (частка І) — «паклёп» у адносінах да прэзідэнта.
13.05.2011 Саннікаў: Мяне катавалі ў турме КДБ
Экс-кандыдат у прэзідэнты Андрэй Саннікаў заявіў сёння ў судзе, што даваў паказанні ў СІЗА КДБ пад катаваннямі. Фактычна, ён паўтарыў тое, што казаў раней Алесь Міхалевіч. Маці Саннікава заплакала, калі слухала гэта.
