14.04.2008 У Страсбургу прачытаюць даклад пра злоўжыванні ў Беларусі

Веснавая сесія Парламенцкай Асамблеі Рады Еўропы пачынаецца сёння ў Страсбургу. На ёй 15 красавіка будзе прадстаўлены даклад пра злоўжыванні ў сістэме крымінальнага правасуддзя ў Беларусі.

28.03.2008 Савет Еўропы мае правесці экспертызу парушэнняў правоў чалавека ў турмах

Нідэрландская партыя лібералаў (VVD) заклікае Савет Еўропы правесці экспертызу парушэнняў правоў чалавека ў беларускіх турмах.

28.03.2008 Праваабаронца патрабуе прыцягнуць да адказнасці чыноўнікаў за парушэньне канстытуцыйных правоў грамадзян

Мазырскі праваабаронца Уладзімер Целяпун накіраваў у пракуратуру Мазырскага раёна скаргу на дзеяньні службовых асоб, якія парушылі канстытуцыйныя правы грамадзян.

27.03.2008 Д.Крэймэр: Крыніца праблемы - беларускія ўлады, якія не вызваляюць палітычных зьняволеных

Увечары 26 сакавіка на пытаньні Радыё Свабода адказаў Дэйвід Крэймэр, прызначаны два дні таму на пасаду памочніка Дзяржаўнага сакратара ЗША ў пытаньнях дэмакратыі, правоў чалавека і працоўных адносінаў.

25.03.2008 Алесь Бяляцкі: “Такімі дзеяньнямі Аляксандр Лукашэнка ўсё больш заганяе Беларусь у міжнародную ізаляцыю.”

27 сакавіка 2008 году ў Полацкім гарадзкім судзе ў 15-00 пачнецца судовы працэс над моладзевай актывісткай Кацярынай Салаўёвай.

12.03.2008 На Алеся Макаева складзены пратакол

12 сакавіка аднаго з лідэраў прадпрымальніцкага руху, прыхільніка Руху “За Свабоду” Аляксандра Макаева выклікалі ў РАУС Маскоўскага раёна Мінска, дзе склалі пратакол аб ўдзеле у мітынгу прадпрымальнікаў 11 лютага ў Баранавічах

10.03.2008 Урад Беларусі дэманструе ігнараваньне ААНаўскай сістэмы па абароне правоў

Праваабаронца Алесь Бяляцкі атрымаў з офісу Камісарыяту па правам чалавека ААН каментар кампетэнтных органаў РБ ў адносінах да меркаваньняў Камітэту па правам чалавека (далей – Камітэт) па паведамленьню А. Бяляцкага. Прадстаўлены дакумент дасланы Прадстаўніцтвам РБ пры аддзяленьні ААН і іншых міжнародных арганізацыяў у Жэневе і тычыцца Рашэньня Камітэту па правам чалавека ААН, якое было прынятае ў ліпені 2007 год па звароту старшыні рады ПЦ “Вясна” Алеся Бяляцкага і 10 сябраў арганізацыі ў сувязі з ліквідацыяй грамадзкага аб’яднаньня “Вясна” ў кастрычніку 2003 году.

06.02.2008 Беларусь – апошняя “чорная дзіра” у Еўропе, дзе практыкуецца сьмяротнае пакараньне

Як стала вядома ўчора са сродкаў масавай інфармацыі, быў прыведзены ў выкананьне смяротны прысуд у дачыненьні да трох лідэраў гомельскай злачыннай групоўкі — Сяргея Марозава, Валерыя Гарбатага і Ігара Данчанкі. Як паведаміў БелаПАН адзін з гомельскіх адвакатаў, якія бралі ўдзел у судовым працэсе па справе «марозаўскай банды», дакументы аб прызнаньні С.Марозава памерлым прыйшлі на мінулым тыдні ў ЗАГС Чыгуначнага раёну Гомеля.

01.02.2008 “Вызваленьне палітвязьняў кампэнсуюць іншымі рэпрэсіямі”

Сытуацыя з правамі чалавека ў Беларусі пагаршаецца, заяўляюць прадстаўнікі апазыцыйных палітычных партыяў.

30.01.2008 Сьмяротнае пакараньне

2007 год стаў гістарычнай вехай у накірунку змаганьня за адмену сьмяротнага пакараньня ва ўсім сьвеце: 15 лістапада Трэці камітэт ААН (сацыяльныя, гуманітарныя пытаньні і пытаньні культуры) прыняў Рэзалюцыю, якая заклікала нацыі ўвесьці мараторый на сьмяротнае пакараньне. Ніколі раней абмеркаваньне дадзенага пытаньня ў межах Трэцяга камітэту, дзе права голасу маюць усе краіны-ўдзельніцы ААН, не прыводзіла да прыняцьцья Рэзалюцыі з-за рознасьці поглядаў дзяржаваў і розных прававых сістэмаў.

23.01.2008 A. Казулін - кандыдат на сёлетнюю прэмію Андрэя Сахарава

Дэпутаты Эўрпарлямэнту намерваюцца вылучыць Аляксандра Казуліна на сёлетнюю прэмію Андрэя Сахарава ў галіне правоў чалавека. Пра гэта паведаміў Польскаму радыё былы адвакат Казуліна Ігар Рынкевіч.

18.01.2008 Правы чалавека і дэмакратыя ў Беларусі – прыкры пачатак новага году

Старшыня Хельсінскай Камісіі Злучаных Штатаў Кангрэсмэн Элсі Хастынгс выступіў у Кангрэсе па пытаньні Беларусі далей -- тэкст ягонай прамовы

04.01.2008 Маніторынг правоў чалавека ў 2007 у Беларусі

За апошняе дзесяцігодзьдзе маніторынгі правоў чалавека сталі адным з інструмэнтаў міжнароднай палітыкі. Міжнародныя ўрадавыя й неўрадавыя арганізацыі, такія як АБСЭ альбо Freedom House ці Transperency International, рэгулярна праводзяцца дасьледваньні парушэньняў правоў чалавека ў розных рэгіёнах сьвету. Падобная праца выконваецца й у Беларусі: прадстаўнікамі неўрадавых арганізацыяў і праваабаронцамі. Ужо зьявіліся першыя агляды сытуацыі з правамі чалавека ў 2007 годзе ў Беларусі.

19.12.2007 Генеральная асамблея ААН асудзіла парушэнне правоў чалавека ў Беларусі

У Генеральнай асамблеі ААН прайшло галасаванне па рэзалюцыі, якая асуджае парушэнне правоў чалавека ў Беларусі. 72 краіны падтрымалі рэзалюцыю, 33 – галасавалі супраць і 78 – устрымаліся. У выніку, большасцю галасоў дакумент быў прыняты.

Супраць дакумента галасавалі Расея, Куба, Паўночная Карэя, Іран, Сірыя, Судан, Зімбабве і іншыя. У адказ прадстаўнік ЗША ў ААН назваў Беларусь "апошняй дыктатурай у Еўропе", паведаміў "Тэлеграф".

13.12.2007 У Страсбургу абвешчаная Хартыя асноўных правоў і свабодаў ЕЗ

Напярэдадні саміту Еўразвязу, на якім будзе падпісаная новая канстытуцыйная дамова ЕЗ, 12 снежня ў Страсбургу была абвешчаная Хартыя асноўных правоў і свабодаў ЕЗ. Яе падпісалі старшыня Еўрапарламента Ханс-Герт Потэрынг, кіраўнік Еўракамісіі Жазэ Мануэл Барозу і Жазэ Сакратэш, прэм'ер-міністр Партугаліі, якая старшынствуе ў ЕЗ.