Навіны на тэму: правы чалавека
11.03.2009 Алесь Бяляцкі – на Радыё Свабода
Сёння ўдзельнікі онлайн-канфэрэнцыі Радыё Свабода мелі магчымасць задаць свае пытанні Алесю Бяляцкаму, праваабаронцу, віцэ-прэзідэнту Міжнароднай Федэрацыі правоў чалавека (FIDH), лаурэату прэміі Homo Homini за праваабарончую дзейнасць (2006 г.). Гэтая віртуальная размова паказала, што грамадзянаў цікавіць як агульная сітуацыя з правамі чалавека ў Беларусі, так і асобныя лёсы праваабаронцаў.
11.03.2009 Брусель і Мінск пачынаюць дыялог аб правах чалавека
Еўрасаюз не толькі не забывае пра сітуацыю з правамі чалавека ў Беларусі, але распачне асобны дыялог для іх абароны. Мінск ужо даў сваю згоду на ўзаемадзеянне па праваабарончай тэматыцы. Гэтае рашэнне беларускіх уладаў можа быць успрынятае як чарговы крок насустрач Бруселю, але пытанне аб эфектыўнасці асобнага праваабарончага дыялогу пакуль застаецца адкрытым. Абарона правоў і свабодаў і вяршэнства закона прапісана ва ўсіх асноватворных дакументах Еўрасаюза як прылада падтрымання міру, бяспекі і росквіту. Менавіта таму правы чалавека — неад'емная частка агульнай знешняй палітыкі краін аб'яднанай Еўропы.
11.03.2009 Беларусь - сярод самых несвабодных дзяржаваў свету
Да такой высновы прыйшлі эксперты амерыканскай праваабарончай даследчай арганізацыі “Freedom House”. Гэта адзначана і ў штогадовай справаздачы арганізацыі пра правы чалавека ў свеце.
10.03.2009 “Праваабаронцы супраць смяротнага пакарання ў Беларусі”: першыя вынікі кампаніі
Ужо месяц як распачалася кампанія “Праваабаронцы супраць смяротнага пакарання ў Беларусі”. За гэты час петыцыю, звернутую да беларускіх уладаў, падпісалі 11 вядомых асобаў Беларусі – Старшыня Вярхоўнага Савета Рэспублікі Беларусь 12-га склікання Мечаслаў Грыб, Старшыня Беларускай асацыяцыі журналістаў Жанна Літвіна, пісьменнікі Уладзімір Арлоў, Святлана Алексіевіч і Адам Глобус, музыкі Уладзімір Пугач, Кася Камоцкая, Зміцер Вайцюшкевіч, тэле- і радыёвядучыя Зінаіда Бандарэнка, Тамара Лісіцкая і Кацярына Пытлева. Кожны з гэтых людзей, паставіўшы свой подпіс пад зваротам, выказаў сваё стаўленне да гэтай праблемы і распавёў, што прывяло асабіста яго да высновы пра неабходнасць адмены выключнай меры пакарання ў нашай краіне.
04.03.2009 У Брусэлі абмяркуюць Беларусь
У Брусэлі па ініцыятыве Эўрапейкай народнай партыі і Партыі эўрапейскіх сацыялістаў пройдзе дыскусія “Праз шэсьць месяцаў: якія посьпехі і праблемы чакаюць Беларусь і ЭЗ”.
02.03.2009 Агляд-хроніка парушэньня правоў чалавека ў Беларусі, люты 2009 году
У лютым у Менску былі гвалтоўна разагнаныя традыцыйныя мірныя дэмакратычныя акцыі: 14 лютага – Дзень Любові і 16 лютага – Дзень салідарнасьці. У выніку некаторым іх удзельнікам прыйшлося зьвярнуцца ў медустановы для аказаньня медыцынскай дапамогі, аднак затрыманьняў у абодвух выпадках не было.
28.02.2009 Правы чалавека — no problem?
Новая перадача сэрыі “Экспэртыза Свабоды”, эфір 27-га лютага. Удзельнікі: дактарант Эўрапейскага гуманітарнага ўнівэрсытэту Сяргей Богдан і рэдактар аналітычнага бюлетэня “Беларускі тыдзень” Аляксандар Класкоўскі.
26.02.2009 У 2008 годзе ў Беларусі надалей сур'ёзна парушаліся правы чалавека
Дзяржаўны дэпартамэнт ЗША выдаў штогадовую справаздачу аб правах чалавека ў сьвеце. У справаздачы за 2008 год аглядаецца па краінах сытуацыя зь міжнародна прызнанымі індывідуальнымі, грамадзянскімі, палітычнымі і працоўнымі правамі чалавека, абвешчанымі Усеагульнай Дэклярацыяй правоў чалавека ААН.
23.02.2009 Дэлегацыя Эўрапарлямэнту: “У Беларусі надалей парушаюцца правы чалавека”
Дэлегацыя самай буйной фракцыі Эўрапарлямэнту - "Эўрапейская Партыя Народаў - Эўрапейскія дэмакраты" - наведала 20 лютага Менск, каб ацаніць апошнія палітычныя падзеі ў Беларусі ў кантэксьце дыялёгу Беларусь-ЭЗ. Асаблівая ўвага надавалася сытуацыі з правамі чалавека і свабодай прэсы.
06.02.2009 Валянцін Стэфановіч: “Праблемы катавання і грамадскага кантролю над органамі ўнутраных спраў, спецслужбамі не губляюць актуальнасці для Беларусі”
Абмеркаванне сітуацыі недаверу грамадскасці да судоў і пракуратуры, суровых рэаліяў пенітэцыярнай сістэмы апошнім часам набыло новы размах у нашым грамадстве. Паколькі адпаведная інфармацыя з’яўляецца дастаткова закрытай, а часам і засакрэчанай, складана ацаніць маштабнасць гэтых праблемаў. Але, нягледзячы на тое, яны з’яўляюцца рэаліямі нашых дзён.
04.02.2009 Агляд-хроніка парушэньня правоў чалавека ў Беларусі: студзень 2009 году
Сусветны фінансавы крызіс не абмінуў і Беларусь. Нацбанк устанавіў новы валютны курс, беларускі рубель у адзін момант дэвальваваўся на 20%. У выніку страты панеслі і простыя грамадзяне, і імпарцёры, што закупаюць тавары за валюту. Актывісты прадпрымальніцкага руху, незадаволеныя новымі ўмовамі працы, зьбіраюцца ладзіць новыя акцыі пратэсту. 9 студзеня лідэр грамадзкай кампаніі “За свабоднае разьвіцьцё прадпрымальніцтва” Віктар Гарбачоў заявіў, што прадпрымальнікі Беларусі зьвяртаюцца з заклікам правесьці 25 сакавіка “Марш пакрыўджаных і непачутых”.
26.01.2009 Улады ствараюць грамадска-кансультацыйны савет па правах чалавека
Грамадска-кансультацыйны савет па правах чалавека ствараецца пры адміністрацыі прэзідэнта Беларусі. Да супрацоўніцтва ўлады запрасілі Беларускі Хельсінскі камітэт, паведамляе Радыё Свабода.
23.01.2009 Ленарчыч ня будзе танчыць з урадам
Дырэктар Бюро АБСЭ ў дэмакратычных інстытутах і правах чалавека Янез Ленарчыч падзяліўся некаторымі падрабязнасьцямі сустрэчаў зь кіраўніком адміністрацыі прэзыдэнта Ўладзімерам Макеем і міністрам замежных справаў Сяргеем Мартынавым.
23.01.2009 Праз сына апазіцыянера ў маці забралі прыёмных дзетак
У маці асіповіцкага маладафронтаўца Арцёма Дубскага забралі прыёмных дзетак, паведамляе mfront.net. Два гады назад Алена Дубская ўзяла на выхаванне з дзіцячага дому двух дзетак —трохгадовых хлопчыка і дзяўчынку. Штогод жанчына мусіць падаўжаць кантракт на іх выхаванне.
15.01.2009 Human Rights Watch крытыкуе Буша і Беларусь
Міжнародная праваабарончая арганізацыя Human Rights Watch апублікавала штогадовую справаздачу аб стане выкананьня правоў чалавека ў розных краінах сьвету.
