15.11.2011 Праваабарончая праграма “Людзьмі звацца!” на Радыё Рацыя

- Як праваахоўныя органы сустрэлі на радзіме лідэра “Правага альянсу” Юрася Карэтнікава, які пэўны час правёў у вымушанай эміграцыі.

- Заключэнне пра неадпаведнасць крымінальнага артыкула 193.1 міжнародным стандартам правоў чалавека падрыхтавана Венецыянскай камісіяй.

09.11.2011 Міхалевіч атрымаў канадскую праваабарончую прэмію

Алесь Міхалевіч, дэмакратычны кандыдат на мінулагодніх прэзідэнцкіх выбарах, як першы еўрапеец стаў лаўрэатам прэміі імя Джона Хамфрэя, аўтара першага праекта Усеагульнай дэкларацыі правоў чалавека.

08.11.2011 Праваабарончая праграма “Людзьмі звацца!” на Радыё Рацыя

У “Падзеі тыдня” – суд над старшынём Праваабарончага цэнтру «Вясна» і Віцэ-прэзідэнтам Міжнароднай федэрацыі за правы чалавека Алесем Бяляцкім, ацэнкі гэтай падзеі беларускімі праваабаронцамі. Госць рубрыкі "Чалавек. Асоба. Грамадства" - кіраўнік расейскага праваабарончага цэнтра “Мемарыял” Алег Арлоў.

01.11.2011 Праваабарончая праграма“Людзьмі звацца!” на Радыё Рацыя

Госьць праграмы - Юрый Чавусаў, эксперт і юрыст Асамблеі няўрадавых дэмакратычных арганізацыі.

У “Падзеі тыдня” - пра жорсткі перасьлед і узбуджэнне крымінальнай справы ў дачыненні да былога палітвязня Аляксандра Малчанава.

31.10.2011 Рок за правы чалавека: “Канцэрт для Бангладэш”

Выпуск пра першы дабрачынны канцэрту ў гісторыі рок-музыкі - “Канцэрт для Бангладэш”, арганізаваны ў 1971-ым годзе сола-гітарыстам The Beatles Джорджам Харысанам і яго сябрам, вядомейшым індыйскім музыкам Раві Шанкарам. Яны збіралі сродкі на дапамогу пацярпелым ад разбуральнага цыклону “Бхола” і Вайны за незалежнасць Бангладэш.

31.10.2011 “Рок за правы чалавека”: праваабаронцы – пра музыкаў

Праграма пра вядомых рок-актывістаў, якія верылі і вераць ў human rights, скіроўваючы сваё грамадзянскае эга на абарону людзей, якія маюць у гэтым вялікую патрэбу. Праграма пра тое, як з дапамогай музыкаў і іх творчасці вырашаюцца набалелыя праблемы грамадства.

25.10.2011 Праваабарончая праграма“Людзьмі звацца!” на Радыё Рацыя

- Госць праграмы - намесніца старшыні праваабарончага праекту “ГейБеларусь” Наталля Манькоўская.

- Міжнародны дзень Арганізацыі Аб’яднаных Нацыяў у “Праваабарончым календары”.

20.10.2011 Незалежныя экспэрты: Эмбарга на пастаўку лічбавых тэхналёгіяў можа стаць сыгналам салідарнасьці й мець маральнае значэньне

Праблема выкарыстаньня электронных і тэлекамунікацыйных тэхналёгіяў у краінах з аўтарытарным рэжымам дзеля парушэньня правоў грамадзянаў мае цяпер глябальнае значэньне. Ці павінны дэмакратычныя краіны ўвесьці поўнае эмбарга альбо неяк абмяжоўваць экспарт тэхналёгіяў і абсталяваньня, калі яны могуць быць выкарыстаныя як сродкі ўціску й парушаць правы чалавека?

18.10.2011 Праваабарончая праграма“Людзьмі звацца!” на Радыё Рацыя

- Рэакцыя праваабарончай супольнасці на рэпрэсіўныя законапраекты, таемна прынятыя беларускім парламентам.

- Ян Мельнікаў - пра свае першыя пяць сутак на Акрэсціна.

11.10.2011 Праваабарончая праграма“Людзьмі звацца!” на Радыё Рацыя

- Пасля 8 кастрычніка праваабаронцы канстатуюць, што ўлады маюць панічны страх перад народнымі пратэстамі.

- Каардынатар “Праваабаронцаў супраць смяротнага пакарання ў Беларусі” Андрэй Палуда - пра апошнія здзяйсненні і далейшыя планы ў межах кампаніі.

04.10.2011 Праваабарончая праграма“Людзьмі звацца!” на Радыё Рацыя

“Падзея тыдня” прысвечаная вылучэнню старшыні Праваабарончага цэнтру “Вясна” Алеся Бяляцкага на Нобелеўскую прэмію міру за заслугі ў справе абароны правоў чалавека 2012 года. У апошняй дэкадзе верасня ў польскім горадзе Уроцлаў праходзіў Кангрэс Еўрапейскай Федэрацыі адвакатуры, на някім нашу краіну прадстаўляў Павел Сапелка - вопытны юрыст, якога ўлада сёлета пазбавіла права займацца адвакацкай дзейнасцю. Ён чарговы госць рубрыкі “Чалавек. Асоба. Грамадства”.

28.09.2011 Сустрэча АБСЕ па чалавечым вымярэнні пачалася з рэзкай крытыкі Беларусі

На адкрыцці сустрэчы АБСЕ па чалавечым вымярэнні ў якасці ганаровага госця выступіла Генеральны сакратар Міжнароднай Федэрацыі за правы чалавека (FIDH) Хадзіжа Шэрыф. Яна асобна спынілася на сітуацыі з віцэ-прэзідэнтам Федэрацыі Алесем Бяляцкім і заклікала да яго неадкладнага вызвалення. У гэты момант у залі ўсталі некалькі дзесяткаў праваабаронцаў з розных краінаў постсавецкай прасторы ў майках з выявай Алеся Бяляцкага. Маўклівая акцыя салідарнасці з беларускім праваабаронцам выклікала вялікі рэзананс.

27.09.2011 Праваабарончая праграма“Людзьмі звацца!” на Радыё Рацыя

Старшыня праваабарончага цэнтру “Вясна” Алесь Бяляцкі прыступіў да вывучэння матэрыялаў крымінальнай справы, а між тым ва ўсім свеце шырыцца кампанія па ягонай абароне, да якой далучыліся Савет па правах чалавека ААН, ды іншыя ўплывовыя арганізацыі. Свой дзень народзінаў праваабаронца сустрэў за кратамі. Пра гэта – рубрыка “Падзея тыдня”. Зміцер Буланаў палітыкай не займаўся, але… Тым не меней…ён быў затрыманы і збіты падчас разгону мірнай акцыі 19 снежня. 26 траўня асуджаны да 3 гадоў калоніі ўзмоцненага рэжыму. Агулам за кратамі Буланаў правёў 7 месяцаў, альбо 246 дзён.

26.09.2011 Савет ААН па правах чалавека разгледзеў даклад аб сітуацыі ў Беларусі

Савет ААН па правах чалавека на сваёй мінулай сесіі ў чэрвені прыняў адмысловую рэзалюцыю аб сітуацыі з правамі чалавека і фундаментальнымі свабодамі ў Беларусі, у якой закраналіся пытанні, звязаныя з парушэннямі правоў чалавека ў краіне пасля прэзідэнцкіх выбараў 19 снежня 2010 г.

20.09.2011 Праваабарончая праграма“Людзьмі звацца!” на Радыё Рацыя

У Доме правасудзьдзя ў Менску 15 верасьня распачаўся працэс над Дзьмітрыем Канавалавым і Уладзіславам Кавалёвым, якіх вінавацяць ў выбуху на станцы метро “Кастрычніцкая” 11 красавіка 2011 году. У гэтай справе шмат таямніц і закрытых старонак. Пра ход судовага працэсу слухайце ў “Хроніцы пераследу”.

На мінулым тыдні былі памілаваныя яшчэ адзінаццаць палітвязняў, якія адбывалі пакараньне за ўдзел у акцыі пратэсту ў Менску 19 снежня 2010 года. Падрабязнасці пра іх доўгачаканае вызваленьне - у рубрыцы “Падзея тыдня”.