Навіны на тэму: правы чалавека
26.11.2012 У Баранавічах плануецца пікет у Дзень правоў чалавека
Грамадскі актывіст Віктар Сырыца і праваабаронца Сяргей Гоўша 23 лістапада падалі заяву на імя старшыні Баранавіцкага гарвыканкама аб правядзенні пікета, прысвечанага Міжнароднаму дню правоў чалавека. Мэта пікету – прапаганда каштоўнасцяў, закладзеных ва Усеагульнай Дэкларацыі правоў чалавека.
22.11.2012 “Вясна” запрашае!
26 лістапада ў 10 гадзін раніцы будуць канфіскаваныя офіс і маёмасць Праваабарончага цэнтру “Вясна”. Мы запрашаем з 9 да 10 гадзін раніцы журналістаў, калег- праваабаронцаў і ўсіх тых, каму ў “Вясне” было сапраўды ўтульна і спагадна, разам правесці гэты час ды паўдзельнічаць у невялікім брыфінгу.
22.11.2012 Камітэт па правах чалавека ААН прызнаў парушэнні па справе Уладзіслава Кавалёва
Маці расстралянага Уладзіслава Кавалёва атрымала рашэнне КПЧ ААН. Зварот быў разгледжаны ў рэкордна кароткі тэрмін - меньш за год. Камітэт прызнаў, што следства праводзілася са шматлікімі памылкамі, да Кавалёва прымянялася фізічная сіла і прымус даваць паказанні супраць сябе, суд не быў бесстароннім і, галоўнае, было парушана права на жыццё.
22.11.2012 Андрэй Пачобут і Алесь Бяляцкі – кандыдаты ад БАЖ на ўзнагароду “За свабоду выказвання-2013”
Штогод міжнароднае аб’яднанне “Index on Censorship” (“Індэкс цэнзуры”) адзначае шэраг асоб і арганізацый з усяго свету, якія паказалі надзвычайную смеласць і крэатыўнасць у справе абароны свабоды слова.
22.11.2012 Андрэй Юраў ўзначаліў Рабочую групу па правах чалавека за мяжой у складзе Рады пры Прэзідэнце РФ
Створаная Пастаянная рабочая група па правах чалавека за мяжой у складзе Рады пры Прэзідэнце Расійскай Федэрацыі па развіцці грамадзянскай супольнасці і правах чалавека. Яе кіраўніком стаў праваабаронца Андрэй Юраў. Усяго сфарміраваны 19 рабочых груп рознай тэматыкі.
20.11.2012 У Гомелі будзе арганізавана нефармальная прававая школа для цыган
Такое рашэнне прынята па выніках праведзенага 19 лістапада круглага стала па праблемах цыган. Удзел у ім прынялі праваабаронцы, прадстаўнікі цыганскага народу, пастар царквы «Жывая вера», які займаецца дапамогай цыганскім дзецям.
20.11.2012 Праваабарончая праграма “Людзьмі звацца!” на Радыё Рацыя
"Асоба. Дзяржава. Грамадства": госць рубрыкі – прэзідэнт Беларускага дому правоў чалавека ў Вільні Таццяна Рэвяка - распавядзе пра змест першай сустрэчы беларускіх праваабаронцаў са спецдакладчыкам ААН па Беларусі Міклашам Харашці, якая праходзіла на мінулым тыдні ў Вільні.
13.11.2012 Праваабаронцы правялі першыя кансультацыі са спецдакладчыкам ААН па Беларусі
12 – 13 лістапада ў Беларускім доме правоў чалавека ў Вільні праходзіць сустрэча прадстаўнікоў праваабарончай супольнасці са спецыяльным дакладчыкам ААН па сітуацыі з правамі чалавека ў Беларусі Міклашам Харашці.
13.11.2012 Праваабарончая праграма “Людзьмі звацца!” на Радыё Рацыя
“Падзея тыдня”: навіны ад палітвязняў Мікалая Статкевіча і Зміцера Дашкевіча, якіх на мінулым тыдні наведалі адвакаты.
12.11.2012 Другі “плюшавы дэсант” выпраўляецца з Швецыі ў Беларусь (фота)
11 лістапада ў цэнтры Стакгольму актывісты праваабарончай арганізацыі Östgruppen зладзілі акцыю «Плюшавы дэсант-2», каб звярнуць увагу на сітуацыю з правамі чалавека ў Беларусі.
10.11.2012 Агляд-хроніка парушэнняў правоў чалавека ў Беларусі. Кастрычнік 2012 году
У кастрычніку сітуацыя з правамі чалавека ў Беларусі заставалася стабільна кепскай. У месцах пазбаўлення волі працягвалі ўтрымлівацца 12 палітычных зняволеных. Толькі зараз кіраўнік дзяржавы ўпершыню прызнаў, што ў Беларусі існуюць палітвязні.
07.11.2012 Шведская Östgruppen рыхтуе новы «плюшавы дэсант»
У суботу, 10 лістапада, шведская праваабарончая арганізацыя Östgruppen правядзе акцыю «Плюшавы дэсант-2». Мішкі з патрабаваннямі выканання правоў чалавека адправяцца ў Беларусь. Гэтыя мішкі «ўляцяць» у Беларусь цалкам легальна - у бандэролях. Адрасатамі-атрымальнікамі з'яўляюцца беларускія дзяржчыноўнікі і палітыкі з «чорнага спісу» ЕС.
06.11.2012 Праваабарончая праграма “Людзьмі звацца!” на Радыё Рацыя
“Падзея тыдня”: працягваюцца рэпрэсіі ў дачыненні да палітвязня Зміцера Дашкевіча. "Асоба. Дзяржава. Грамадства": кыргызскі эксперт Эркін Асаналіеў - пра ўзаемаадносіны народа, дяржавы і праваабаронцаў падчас мітынгаў пратэсту, калі кыргізы патрабавалі звяржэння прэзідэнта Бакіева.
05.11.2012 Брэст: праваабарончыя фільмы выклікалі ажыўленыя дыскусіі
Брэсцкія праваабаронцы арганізавалі прагляд дакументальных фільмаў пра палітвязняў - “Алесь Бяляцкі: мы ратуем гонар Беларусі” і “Храбрае сэрца Ірыны Халіп”, а таксама новага фільму пра смяротнае пакаранне “Убыл по приговору”.
03.11.2012 Восем краін Еўропы далучыліся да рашэння ЕС прадоўжыць санкцыі ў дачыненні да Беларусі
Гэта Албанія, Ісландыя, Ліхтэнштэйн, Македонія, Нарвегія, Сербія, Харватыя і Чарнагорыя.
