Праваабарончы цэнтр «ВЯСНА»

Навіны на тэму: правы чалавека

08.01.2013 Гомельскія праваабаронцы просяць міліцыю прыцягнуць іх да адказнасці

Гомельскія праваабаронцы Леанід Судаленка і Анатоль Паплаўны просяць начальніка АУС Чыгуначнага раёна Гомеля Генадзя Хмарыка прыцягнуць іх да адміністрацыйнай адказнасці за размешчаную ў сетцы Інтэрнэт фатаграфію, на якой яны выказваюць салідарнасць і віншуюць з юбілеем свайго калегу, палітычнага зняволенага Алеся Бяляцкага.

04.01.2013 Уладзімір Целяпун: “Свабода гарантуецца, але адсутнічае”

Аб працы праваабаронцы ў рэгіёне, праблемах райцэнтра і яго жыхароў, абароне правоў грамадзян, спробах уплываць на мясцовыя ўлады, дапамозе людзям у самаарганізацыі для вырашэння сваіх праблемаў, выніках 2012 году гутарка з Уладзімірам Целяпуном з Мазыра.

01.01.2013 Праваабарончая праграма “Людзьмі звацца!” на Радыё Рацыя

“Падзея тыдня”: 12 палітзняволеных беларусаў і няспраўджаныя спадзяванні грамадства на змены ў іх лёсах “Асоба. Грамадства. Дзяржава”: госць рубрыкі намеснік старшыні Праваабарончага цэнтру “Вясна” Валянцін Стэфановіч – з праваабарончымі вынікамі адыходзячага года.

25.12.2012 Праваабарончая праграма “Людзьмі звацца!” на Радыё Рацыя

У працяг падвядзення вынікаў 2012 году госць рубрыкі “Асоба. Дзяржава. Грамадства” – старшыня грамадскага аб’яднання “Беларуская асацыяцыя журналістаў” Жанна Літвіна - распавядае, якім быў адыходзячы год для незалежнай журналістыкі Беларусі.

21.12.2012 Знакавае рашэнне ААН: зняволенне Алеся Бяляцкага прызнана адвольным, ААН патрабуе яго вызвалення і выплаты кампенсацыі

У ходзе 64 сесіі Рабочая група ААН па адвольных затрыманнях (WGAD) вынесла рашэнне, апублікаванае 23 лістапада, у якім сцвярджаецца, што заключэнне Алеся Бяляцкага, старшыні Праваабарончага цэнтра "Вясна" і віцэ-прэзідэнта Міжнароднай Федэрацыі за правы чалавека (FIDH), адвольнае і «супярэчыць артыкулу 20, параграфу 1, Усеагульнай дэкларацыі правоў чалавека [UDHR] і артыкулу 22 Міжнароднага пакта аб грамадзянскіх і палітычных правах (ICCPR)».

20.12.2012 Валянцін Стэфановіч: “У 2012-м мы не проста адбіваліся ад нападак - спрабавалі дзейнічаць эфектыўна”

Намеснік старшыні Праваабарончага цэнтру “Вясна” дзеліцца прафесійнымі ацэнкамі адыходзячага году. Адзначаючы праблемы грамадзянскай супольнасці, пагаршэнне стасункаў уладаў у галіне правоў чалавека з аўтарытэтнымі міжнароднымі арганізацыямі, Валянцін Стэфановіч падкрэслівае, што асноўная задача праваабаронцаў і на наступны год застаецца ранейшай – вызваленне палітвязняў.

20.12.2012 Усіх міліцыянтаў і судьдзяў «плошчы» назвалі пайменна

Іх прозьвішчы, а таксама падрабязнасьці адміністратыўных арыштаў і судовых працэсаў, якія адбыліся ў выніку падзеяў 19 сьнежня 2010 году сабраў у грунтоўных даследаваньнях Цэнтар прававой трансфармацыі.

19.12.2012 Два гады пасля Плошчы: палітвязні па-ранейшаму за кратамі, улады парушаюць правы чалавека

Праваабаронцы канстатуюць сітуацыю з правамі чалавека ў 2012 годзе “стабільна кепскую”, як зрэшты і ў 2011. Тэндэнцыя прыціскання грамадзянска-палітычных правоў, адміністратыўны і крымінальны пераслед у адносінах да апанентаў рэжыма працягваецца.

18.12.2012 Правы Чалавека «на пальцах» – 20 снежня пройдзе чарговы семінар

Правы Чалавека – што гэта і для каго? Чым насамрэч займаюцца праваабаронцы? Хочаце ведаць, як абараніць сябе ад несправядлівасці і чаму праваабаронцы – гэта не апазіцыя, прыходзьце, растлумачым на пальцах.

18.12.2012 Праваабаронцы распавядуць, як змяніць сітуацыю ў судах на трэнінгу "Назіральнік"

Праваабарончы цэнтр «Вясна» і Цэнтр прававой трансфармацыі «Lawtrend» запрашае ўсіх зацікаўленыхпрыняць удзел у практычным трэнінгу «Назіральнік», які адбудзецца 21 снежня.

18.12.2012 Праваабарончая праграма “Людзьмі звацца!” на Радыё Рацыя

“Падзея тыдня” прысвечаная самаму масаваму і працягламу пераследу гамадскіх актывістаў за ўшанаванне памяці братоў Каліноўскіх, якое штогод праходзіць у Свіслачы. У рубрыцы "Асоба. Дзяржава. Грамадства" – гутарка з намеснікам старшыні ПЦ "Вясна" Валянцінам Стэфановічам.

17.12.2012 "Плошча 2010 вачыма беларускіх праваабаронцаў”

Цэнтр прававой трансфармацыі ў супрацы з іншымі праваабарончымі арганізацыямі выдаў кнігу “Пасляслоўе … Плошча 2010 вачыма беларускіх праваабаронцаў” . У кнізе задакументаваны парушэнні правоў чалавека падчас мірнай акцыі пратэсту 19-га снежня 2010 года і наступствы тых падзей.

14.12.2012 Правы чалавека «на пальцах»: 20 снежня - чарговы семінар

Хочаце ведаць, як абараніць сябе ад несправядлівасці і чаму праваабаронцы - гэта не апазіцыя, а таксама змястоўна паразважаць на гэтыя і іншыя тэмы? Прыходзьце, растлумачым на пальцах!

14.12.2012 "Лепшае магчыма" - новы праваабарончы фільм (відэа)

Шаснаццаціхвілінная стужка апавядае пра чатыры паспяховыя гісторыі абароны сваіх правоў жыхарамі Салігорску. Асноўнымі героямі фільму сталі мясцовыя грамадскія дзеячы Аляксей Валабуеў, Леанід Мархотка, Іван Шыла і Мікалай Зімін. Стваральнікі фільму разлічваюць на практычны вынік сваёй працы.