Навіны на тэму: свабода слова
18.09.2014 У Бабруйску судзяць незалежную журналістку
Суд над бабруйскай журналісткай Марынай Малчанавай прызначаны на 18 верасня. Як пазначана ў позве, яе будуць судзіць па артыкуле 22.9 КаАП "Парушэнне заканадаўства аб сродках масавай інфармацыі". Разглядае справу суддзя Наталля Чарапуха.
18.09.2014 У Бялыніцкім раёне зноў прымушаюць падпісвацца на дзяржаўныя газеты і часопісы
Заданне па забеспячэнні падпіскі на ідэалагічна правільныя выданні даведзена літаральна да кожнай бюджэтнай установы, уўказанні атрымалі і іншыя арганізацыі і прадпрыемствы раёна.
18.09.2014 У Бабруйску сёння будуць судзіць незалежную журналістку
Справу супраць сябра ГА “Беларуская асацыяцыя журналістаў” Марыны Малчанавай перадалі ў суд. Журналістку вінавацяць у працы без акрэдытацыі на замежныя СМІ.
17.09.2014 Новая адміністрацыйная справа за працу без акрэдытацыі
Журналіст “Беларускага Радыё Рацыя” пра абвінавачанне супраць сябе даведаўся толькі постфактум.
16.09.2014 У журналіста Алеся Буракова канфіскавалі чатыры кампутары
Сёння, 16 верасня, сем міліцыянтаў пад кіраўніцтваў маёра міліцыі Уладзіміра Пугачова ўварваліся ў кватэру незалежнага журналіста Алеся Буракова (старэйшага). Міліцыянты схітравалі і падставілі пад дзверы нейкую жанчыну, якая прадставілася супрацоўніцай ЖЭК.
16.09.2014 Дуня Міятавіч заклікае ўлады Беларусі скасаваць акрэдытацыю для СМІ
Патрабаваньне аб абавязковай акрэдытацыі журналістаў у Беларусі павінна быць адмененае, бо яно рэальна абмяжоўвае магчымасьці СМІ.
16.09.2014 Праваабарончая праграма “Людзьмі звацца!” на Беларускім Радыё Рацыя
“Хроніка пераследу”: новыя факты ціску на палітвязня Мікалая Стакевіча; прэвентыўныя затрыманні і арышт актывістаў “Змены”; “Асоба. Дзяржава. Грамадства”: гутарка са старшынёй БКДП Аляксандрам Ярашуком з нагоды візіту ў Беларусь Генеральнага сакратара Міжнароднай канфедэрацыі прафсаюзаў Шаран Бароу.
16.09.2014 Ператрус у кватэры незалежнага журналіста
У Магілёве на кватэру да незалежнага журналіста Алеся Буракова прыйшлі міліцыянты. Паводле фрылансэра, яны вядуць агляд жытла і складаюць пратакол.
09.09.2014 Праваабарончая праграма “Людзьмі звацца!” на Беларускім Радыё Рацыя
“Асоба. Дзяржава. Грамадства”: гутарка са старшынёй Беларускага кангрэсу дэмакратычных прафсаюзаў Аляксандрам Ярашуком з нагоды хуткага візіту ў Беларусь Генсакратара Міжнароднай канфедэрацыі прафсаюзаў.
08.09.2014 Сёння – Міжнародны дзень салідарнасці журналістаў!
Міжнародны дзень салідарнасці журналістаў адзначаецца ў свеце з 1958 года. З таго часу мінула ўжо больш за паўстагоддзя. Але сэнс слова «салідарнасць» не змяніўся, як не знікла і патрэба ў журналісцкай салідарнасці, асабліва ў Беларусі. Вельмі важна, каб мы, беларускія журналісты, адчувалі сябе прафесійнай супольнасцю і ўнутры краіны.
04.09.2014 Бабруйск: Складанне пратакола скончылася канфліктам
Візіт незалежнай журналісткі Марыны Малчанавай у УУС для складання пратакола аб адміністрацыйным парушэнні скончыўся канфліктам з падпалкоўнікам міліцыі Сяргеем Рудзько. Нагадаем, журналістку абвінавачваюць у парушэнні заканадаўства аб СМІ.
04.09.2014 Вярхоўны суд Беларусі забараніў назву тэлеканала «Белсат»
Вярхоўны суд Беларусі сёння абавязаў Польскае тэлебачанне спыніць выкарыстанне гандлёвага знаку «Белсат» пры трансляцыі на тэрыторыю Беларусі, а таксама на старонцы сайта «Белсат» у інтэрнэце, даступным для карыстальнікаў на тэрыторыі Беларусі.
03.09.2014 Марына Коктыш выйграла справу супраць Беларусі ў КПЧ ААН
Камітэт па правах чалавека ААН прызнаў, што правы журналісткі “Народнай волі” парушаныя пры адмове ёй у акрэдытацыі ў Палаце прадстаўнікоў беларускага парламента, паведамляе прэс-служба БАЖ.
02.09.2014 У Мінску новы суд па справе аб гандлёвым знаку “Белсат”
Судовая калегія па інтэлектуальнай уласнасці паўторна разглядае зыск Андрэя Белякова да “Польскага тэлебачання”. Як мяркуюць журналісты, рашэнне па гэтай справе - не на карысць “Белсата” - афіцыйны Мінск ужо прыняў.
02.09.2014 Праваабарончая праграма “Людзьмі звацца!” на Беларускім Радыё Рацыя
“Асоба. Дзяржава. Грамадства”: праваабаронца Наста Лойка распавядае пра сваю працу ў валанцёрскай ініцыятыве “Станцыя “Харкаў” ва Украіне. “Хроніка пераследу”: практыка прэвентыўнага арышту грамадскіх актывістаў напоўніцу выкарыстоўваецца супрацоўнікамі міліцыі; новую хвалю ціску на незалежных журналістаў адзначаюць эксперты БАЖу.
