Праваабарончы цэнтр «ВЯСНА»

Навіны на тэму: свабода слова

19.06.2013 Барысаў: незалежная газета вярнулася ў падпісны каталог

У чэрвені гэтага года адбылася падзея, якога незалежная газета «Барысаўскія навіны» дамагалася восем гадоў. Засталася справа за «малым» - дамагчыся вяртання газеты ў кіёскі Белсаюздруку.

19.06.2013 У Бруселі гаварылі пра беларускія незалежныя СМІ

На паседжанні еўрапейскай камісіі па культуры па запрашэнні еўрадэпутата з Польшчы Марка Мігальскага прысутнічалі прадстаўнікі Беларускага Радыё Рацыя (Яўген Вапа, старшыня ўправы) інтэрнэт-парталу “Хартыя ‘97” (Наталля Радзіна, галоўны рэдактар) і тэлеканала Белсат (Аляксей Дзікавіцкі, дырэктар інфармацыйных праграм).

18.06.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: На мінулым тыдні ў Мадрыдзе праходзіў 5-ы Сусветны Кангрэс супраць смяротнага пакарання. Нашу краіну на гэтым глабальным форуме прадстаўлялі актывісты кампаніі “Праваабаронцы супраць смяротнага пакарання ў Беларусі”. Госць рубрыкі "Асоба. Дзяржава. Грамадства" - – трэнер адмысловай адукацыйнай праграмы “Правы чалавека на пальцах” Наста Лойка.

17.06.2013 Суд Крычаўскага раёна абавязаў газету “Вольны горад” апублікаваць абвяржэнне

Суд прызнаў распаўсюджаныя ў газеце “Вольны горад” (№ 4 ад 3 лютага 2013 года) у артыкуле “Прыгонныя” звесткі адносна КУП “Чэрыкаўскае ПМК-280” не адпавядаючымі рэчаіснасці і абавязаў газету “Вольны горад” апублікаваць абвяржэнне.

17.06.2013 Салігорск: Дзяржаўныя СМІ ігнаруюць тэму правоў чалавека

Салігорскія праваабаронцы прааналізавалі змест мясцовых сродкаў масавай інфармацыі на наяўнасць матэрыялаў праваабарончага характару. Падчас маніторынгу выявілася выразная мяжа паміж незалежнымі СМІ і медыямі дзяржаўнымі ці канатралюемымі дзяржавай.

17.06.2013 Карэспандэнта «Белсату» Алеся Сіліча вызвалілі з пастарунку

Затрыманьне адбылося 16 чэрвеня каля 15-й гадзіны. Незалежны тэлежурналіст у нядзелю вёў здымкі ў Стаўбцоўскім раёне, дзе, паводле некаторых зьвестак, нядаўна заўважылі падазроны мор сьвіньняў, паведамляе БАЖ.

16.06.2013 Рашэнне па справе газеты “Вольны горад” будзе абвешчана 17 чэрвеня

У судзе Крычаўскага раёна 14 чэрвеня працягнуўся разгляд справы ў грамадзянскім працэсе па пазову “аб абароне дзелавой рэпутацыі” з боку УКП “Чэрыкаўскае ПМК № 280” супраць незалежнай газеты “Вольны горад”.

15.06.2013 Гародня: актывіст БХД абскарджвае адміністрацыйны штраф у парадку нагляду

Суддзя Наталля Козел прызнала Сяргея вінаватым у вырабе друкаванай прадукцыі без выходных дадзеных і аштрафавала на 20 базавых велічынь. А папярэднічала гэтаму затрыманне міліцыяй Верамеенкі яшчэ 12 сакавіка з торбай улётак каля партыйнага офісу па вуліцы Будзёнага.

12.06.2013 Фільм “Хроніка суднага часу". Прэзентацыя на сайце ГА “БАЖ”

Цыкл міні-фільмаў "Хроніка суднага часу" (журналісцкая версія) уключае восем фільмаў, якія прысвечаныя сябрам ГА “БАЖ”, што пацярпелі за свабоду слова.

11.06.2013 Карэспандэнта “Еўрарадыё” не дапусцілі на прэс-канферэнцыю ў Палату прадстаўнікоў

Журналісту “Еўрапейскага радыё для Беларусі” Змітру Лукашуку адмовілі ў акрэдытацыі на сённяшнюю прэс-канферэнцыю ў Палаце прадстаўнікоў Нацыянальнага сходу.

11.06.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: вынікі працы беларускіх праваабаронцаў на бягучай сесіі Рады па правах чалавека ААН, дзе была прадстаўлена на абмеркаванне справаздача спецдакладчыка ААН па Беларусі Міклаша Харашці. Госць рубрыкі "Асоба. Дзяржава. Грамадства" - журналіст Алег Груздзіловіч, які на мінулым тыдні прэзентаваў кнігу "Хто ўзарваў мінскае метро?".

10.06.2013 Булгакаў: «Arche» атрымаў шанец на аднаўленьне, але гарантыі няма

Рэдакцыя часопіса «Arche» атрымала ад Міністэрства інфармацыі дакумэнты аб перарэгістрацыі. Раней часопісу чатыры разы адмаўлялі ў перарэгістрацыі. Галоўны рэдактар «Arche» Валер Булгакаў месяц таму вярнуўся ў Беларусь.

09.06.2013 У Магілёўскай вобласці аднавіўся выхад чатырох маланакладных выданняў

Падчас нарады прагучала прапанова бялыніцкага журналіста Барыса Вырвіча аб тым, каб на старонках рэгіянальных выданняў Магілёўскай вобласці рэгулярна з’яўляліся матэрыялы праваабарончага характару. Прапанова была падтрыманая іншымі журналістамі з Магілёўшчыны.

07.06.2013 У Брэсце незалежным журналістам перашкаджалі выконваць прафесійныя абавязкі

Інцыдэнт здарыўся 6 чэрвеня на тэрыторыі брэсцкага рынку “Аўтазапчасткі” у той час, калі яго наведвалі ініцыятары кампаніі “Народны рэферэндум”, каб паразмаўляць з прадпрымальнікамі і іншымі жыхарамі горада.