Праваабарончы цэнтр «ВЯСНА»

16.06.2009 Праведзены ператрус у гомельскага маладафронтаўца

У выніку несанкцыянаванага ператруса ў гомельскага актывіста «Маладога Фронту» Андруся Цянюты канфіскавалі кампутар і літаратуру.

16.06.2009 “Справу 14-ці” хочуць прыкрыць?

Удзельнікам “справы 14-ці” могуць замяніць рэжым адбыцьця пакараньня. Справу распачалі адразу пасьля правядзеньня вулічных дэманстрацый пратэсту прадпрымальнікаў у студзені 2008 году.

15.06.2009 Клецкім міліцыянтам, якія затрымалі журналістак, прадпісана ўдасканаліць веданне заканадаўства

Міліцыянтам, якія ў красавіку затрымлівалі незалежных журналістак, сябраў БАЖ Настассю Краўчук і Кацярыну Ткачэнка, строга ўказана на сур’ёзны недагляд у працы. Пра гэта паведамляецца ў адказе начальніка аддзела ўнутраных спраў Клецкага райвыканкама Міхаіла Грушы на скаргу БАЖ з нагоды інцыдэнту.

14.06.2009 Суд над Максімам Дашуком прызначаны на 15 чэрвеня

Суд над фігурантам “справы 14-ці” Максімам Дашуком пачнецца 15 чэрвеня ў 10.15 раніцы ў судзе Маскоўскага раёну Менску.

12.06.2009 Грамадскі актывіст з Клецка абскардзіць папярэджанне пракурора за выданне бюлетэня

Грамадскі актывіст з Клецка Сяргей Панамароў абскардзіць у вышэйстаячай ўстанове папярэджанне пракурора Клецкага раёна Карабко. Сяргей Панамароў папярэджаны пракурорам за выданне бюлетэня “Бойкі Клецк” накладам 299 асобнікаў.

11.06.2009 Барыс Хамайда: “Не веру ў вінаватасць праваабаронцы Леаніда Свеціка!”

Сёньня ў Віцебскім абласным судзе працягваецца разгляд крымінальнай справы па абвінавачванні праваабаронцы Леаніда Свеціка ў распальваньні расавай, нацыянальнай ці рэлігійнай варожасці.

11.06.2009 Нязгодныя жанчыны ідуць да генпракурора

Група жанчын, нязгодных з прысудамі па грамадзянскіх ды крымінальных справах, маюць намер сёння накіравацца на прыём да генеральнага пракурора Беларусі Рыгора Васілевіча – у выпадку адмовы прымаць жанчынаў, грамадзянкі абяцаюць сабрацца на сталічнай Плошчы Свабоды ды падпісаць зварот у міжнародныя структуры.

09.06.2009 Віншуем Івана Шылу з паспяховай здачай іспыту!

Іван, віншуем цябе з гэтай перамогай! Няхай і надалей жыццё цябе песціць прыемнымі момантамі, бо, без сумневаў, ты гэта заслужыў! Спадзяемся, што наведвальнікі spring96.org з задавальненнем далучаюцца да віншаванняў!

09.06.2009 “Не!” – бесчалавечнаму абыходжаньню з бяздомнымі жывёламі

Група валанцёраў распачала кампанію супраць жорсткага абыходжаньня з бяздомнымі жывёламі на Мінскім прадпрыемстве “Фаўна горада”. Трывожная сітуацыя на гэтым прадпрыемстве асветлена ў публікацыях на інфармацыйных сайтах. У сувязі з негуманным стаўленьнем да жывёл з боку кіраўніцтва “Фаўны горада” на адрас пракурора Маскоўскага раёна Мінска накіраваны зварот з просьбай правесці адпаведную праверку. Ініцыятары кампаніі запрашаюць ахвочых таксама адправіць аналагічныя звароты ў пракуратуру і падаюць адпаведны ўзор звароту.

09.06.2009 Адвакат Сапелка паскардзіўся ў пракуратуру на дзеяньні сьледчых у справе Аўтуховіча

Адвакат Мікалая Аўтуховіча Павал Сапелка падаў скаргу ў пракуратару Беларусі на дзеяньні сьледзтва ў справе ягонага падабароннага.

09.06.2009 Андрэя Пачобута папярэдзіў пракурор

Сябра апальнага Саюза палякаў у Беларусі, журналіста Андрэя Пачобута выклікалі ў пракуратуру Гарадзенскай вобласці. Яму зачыталі афіцыйнае папярэджанне аб недапушчэнні парушэння заканадаўства Беларусі. Пачобута папярэдзілі аб тым, што ён не мае права прадстаўляцца старшынёй Галоўнай Рады «Саюза палякаў у Беларусі», а таксама афіцыйна забаранілі карыстацца сімволікай СПБ.

03.06.2009 Ваўкавыск: удзельнікаў ланцугу неабыякавых людзей выклікаюць у суд

Восем сябраў АГП з Горадні і Ваўкавыску былі затрыманыя 16 траўня за тое, што арганізавалі насупраць цэнтральнага рынку ў Ваўкавыску ланцуг неабыякавых людзей і трымалі ў руках партрэты Мікалая Аўтуховіча. Суд прызначаны на 8 чэрвеня.