Навіны на тэму: перасьлед
24.07.2009 Упершыню беларускі салдат пакараны за беларускую мову
23 ліпеня 2009 году антыбеларуская істэрыя ў в/ч № 48694 у Мазыры дасягнула піку. Ф.Вячорку афіцыйна вынесена адно з найбольш жорсткіх дысцыплінарных спагнаньняў, прадугледжаных арт. 49 Дысцыплінарнага статуту Ўзброеных сілаў: скарачэньне адпачынку за ўвесь пэрыяд вайсковай службы да 5 сутак (наступнае і найбольш жорсткае пакараньне – гаўптвахта).
22.07.2009 Вайскойцы не спыняюцца ў пошуках прычынаў для крымінальнага пераследу Франака Вячоркі
За апошні час афіцэры вайсковай часткі як мінімум шэсць разоў паграджалі Франаку Вячорку ўзбуджэннем той ці іншай крымінальнай справы. Прычыны для гэтага называліся розныя – нібыта знойдзены ў ягоных рэчах мабільны тэлефон, непадпарадкаванне загаду, сімуляцыя абсалютна рэальнай хваробы, вядзенне інтэрнэт-дзённіка. Чарговай зачэпкай стала беларускамоўнасць шэрагоўца Вячоркі. Вінцук Вячорка заяўляе, што яго сына падвяргаюць свядомаму маральна-псіхалагічнаму тэрору, ствараючы невыносную атмасферу для чалавека, які ў прынцыпе нармальна нясе службу.
22.07.2009 Палажанка і Карноў патрабуюць ад пракуратуры працягу сьледзтва па справе іх выкраданьня
Маладафронтаўцы падалі заявы ў пракуратуру і РАЎС з патрабаваньне працягнуць сьледзтва па крымінальнай справе па факце выкраданьня 25 сакавіка.
16.07.2009 Ціск з дапамогай падаткавікоў
Прыхільніка Руху "За Свабоду" Мікіту Краснова пакаралі штрафам за няяўку у падатковую інспекцыю і пагражаюць сур'ёзным пакараннем за арганізацыю "навучальных гурткоў".
15.07.2009 Чым страшны “Бойкі Клецк”?
Пракурор Менскай вобласці Архіпаў падтрымаў афіцыйнае папярэджанне пракурора Клецкага раёна Карабко ад 09.06.2009 года аб тым, што сябра Партыі БНФ, заснавальнік і рэдактар бюлетэня “Бойкі Клецк” Сяргей Панамароў, не можа выдаваць бюлетэнь без рэгістрацыі. У выніку непадпарадкавання Панамароў будзе падвергнуты штрафу.
15.07.2009 Чарговыя папярэджанні за «незаконную журналісцкую дзейнасць»
Папярэджанні за «незаконную журналісцкую дзейнасць» вынесла 14 ліпеня пракуратура Мінскай вобласці двум грамадзянам Беларусі, сябрам БАЖ Аксане і Аляксандру Калінкіным. Нагода для папярэджання — іх супрацоўніцтва з расійскім «Телеканалом благих новостей» (ТБН).
14.07.2009 Сябра Моладзі БНФ Паўла Чудука выключылі з тэалягічнага факультэту БДУ
Актывіста Моладзі БНФ Паўла Чудука адлічылі з другога курсу тэалягічнага инстытуту БДУ. Хлопец паведаміў, што непрыемнасьці ў яго пачаліся пасьля таго як ён зьезьдзіў у Швэцыю ў якасьці назіральніка за выбарамі Эўрапарлямэнту.
10.07.2009 Генпракурор выйшаў да жанчын
На сустрэчы з прадстаўнікамі групы жанчын 9 ліпеня ў Мінску генеральны пракурор Рыгор Васілевіч заявіў, што справы прасіцелек і іх блізкіх будуць перагледжаны. Аб гэтым паведаміла БелаПАН праваабаронца Галіна Юбко.
08.07.2009 Магілёў: кошты за арэнду падняліся ў 10 разоў, але не для ўсіх
Магілёўскія ўлады адмянілі ільготны каэфіцыент для ставак арэндных плацяжоў офісаў праваабарончых арганізацый “Магілёўскі праваабарончы цэнтр”, рэгіянальнага аддзялення Беларускага Хельсінскага камітэта, а таксама гарадскога дабрачыннага грамадскага аб’яднання “Отклик”.
07.07.2009 Алесь Зарэмбюк - супраць супрацоўнікаў памежнай і мытнай службы
Законнасць дзеянняў супрацоўнікаў памежнай і мытнай службы ў дачыненні да рэгіянальнага каардынатара руха “За свабоду” па Гарадзенскай вобласці Алеся Зарэмбюка разгледзіць вайсковая пракуратура.
07.07.2009 Спецслужбы вялі “Правы альянс” з Мінска да Крупак
Спроба зарэгістраванай у Мінску грамадскай арганізацыі “Правы альянс” па-свойму адзначыць гадавіну вызвалення сталіцы ад нямецка-фашысцкіх захопнікаў ператварылася ў дэтэктыўную гісторыю.
30.06.2009 Антону Ясіновічу ў кампенсацыі маральнага ўрону адмоўлена
23 чэрвеня 2009 года пасля запыту ў Віцебскую абласную пракуратуру аб накіраванні ў суд матэрыялаў праверкі па справе наваполацкага актывіста Антона Ясіновіча адбылося паседжанне суда па справе. Нагадаем, што ён быз затрыманы ў Наваполацку 14 верасня 2007 года разам з іншымі ўдзельнікамі велапрабегу “Свабоду Казуліну!” У пастарунку яны адбылі больш 3 гадзін, потым начальнік ГАУС вынес афіцыйнае папярэджаньне аб недапушчальнасьці правядзеньня масавых мерапрыемстваў.
30.06.2009 Аляксандр Мілінкевіч звярнуўся ў Гомельскі абласны суд і пракуратуру
Лідэр Руху "За Свабоду" просіць неадкладна праверыць законнасць пакарання ўдзельнікаў гомельскай акцыі памяці Юрыя Захаранкі 7 траўня.
29.06.2009 Інфармацыйная кампанія супраць палітычнага перасьледу актывістаў
Рэзалюцыя Асамблеі няўрадавых дэмакратычных аб’яднаньняў
26.06.2009 Судовыя выканаўцы настойліва спрабуюць патрапіць у кватэру Фінькевіча
Як паведаміў моладзевы лідар Артур Фінькевіч, судовыя выканаўцы зараз настойліва спрабуюць патрапіць да яго ў кватэру, каб спагнаць штраф, вынесены ў якасці пакарання па адмінітратыўнай справе, заведзенай на актывіста напярэдадні Дня Волі.
