Навіны на тэму: перасьлед
22.02.2010 На "Гродна Азоце" пачаўся ціск на сяброў незалежнага прафсаюза
Адміністрацыя прадпрыемства "Гродна Азот" ажыццяўляе ціск на сяброў суполкі Беларускага незалежнага прафсаюза, якая легальна дзейнічае на заводзе і ажыццяўляе сваю дзейнасць згодна з Канстытуцыяй краіны.
19.02.2010 Андрэя Пачобута ня выпусьцілі з турмы забраць жонку з раддому
У Андрэя Пачобута, які знаходзіцца пад арыштам, нарадзіўся сын Яраслаў. Бацька актывіста Саюзу палякаў Станіслаў Пачобут наведаў Кастрычніцкі РАУС Горадні і напісаў заяву, каб Андрэя выпусьцілі са спэцпрыёмніка, і ён змог бы забраць жонку Аксану з сынам Яраславам з радзільнага дому. Аднак міліцыянты заяву не задаволілі.
19.02.2010 Маладафронтаўцу пагражаюць крымінальнай справаю за ўхіленьне ад войска
Актывісту баранавіцкай філіі арганізацыі "Малады фронт" і стыпендыяту праграмы Кастуся Каліноўскага Пятру Рузаву, пагражаюць крымінальнай справаю за ўхіленьне ад вайсковай службы.
17.02.2010 Літсаюз "Полоцкая ветвь" падаў скаргу ў пракуратуру
Кіраўніцтва Беларускага літаратурнага саюза "Полоцкая ветвь" паскардзілася ў Генпракуратуру ў сувязі з "неаднаразовымі фактамі шельмавання арганізацыі, шантажу і пагроз у адрас яе чальцоў па месцы іх асноўнай працы".
16.02.2010 Ярмошына прызнала манаполію ўладаў на электронныя СМІ
Прызнанне кіраўніка ЦВК прагучала на семінары «Роля СМІ пры правядзенні выбарчых кампаній».
15.02.2010 Барыса Хамайду вінавацяць у дробным хуліганстве
У апорным пункце правапарадку Чыгуначнага РАУС на яго склалі пратакол за вывешванне бел‑чырвона‑белага сцяга.
15.02.2010 Актывістаў Саюза палякаў на Беларусі затрымалі напярэдадні суда і рыхтуюць новыя абвінавачанні (абноўлена)
Затрыманы актывісты не прызнанага беларускімі ўладамі Саюза палякаў на Беларусі Ігар Банцар, Мечыслаў Яскевіч і Анджэй Пачобут. Іх збіраюцца судзіць за ўдзел у «несанкцыяваным мітынгу». Пазней стала вядома, што супрацоўнікі міліцыі затрымалі таксама старшыню неафіцыйнага СПБ Анжаліку Борыс.
15.02.2010 Тацяна Шапуцька атрымала траўму галавы
У 10-ым клінічным шпіталі Тацьцяне зрабілі здымак і паставілі дыягназ: закрытая лёгкая чэрапна-мазгавая траўма. Дзяўчыне прапанавалі шпіталізацыю на некалькі дзён, каб паназіраць ці ня будзе сур’ёзных наступстваў. Але дзяўчына ад шпіталізацыі адмовілася.
13.02.2010 Вікенцій Ральцэвіч: “Вітражы можна было выратаваць”
Вядомы віцебскі мастак Вікенцій Ральцэвіч пракаментаваў “Народным навінам Віцебска” інцыдэнт з разбітымі вітражамі на чыгуначным вакзале, дзе зараз ідзе рэканструкцыя. На яго думку, унікальны мастацкі комплекс – 8 вітражоў з выявамі “Пагоні” і гербаў абласных гарадоў Беларусі – можна было выратаваць.
11.02.2010 У Віцебску знішчаны ўнікальныя вітражы з "Пагоняй"
Падчас рэканструкцыі чыгуначнага вакзала ў Віцебску знішчылі ўнікальны комплекс вітражоў з выявамі гербаў абласных гарадоў. Цэнтрам кампазіцыі быў вітраж з гербам "Пагоня" і надпісам "Беларусь" на бел-чырвона-белым фоне.
11.02.2010 “Мінская спадчына” паскардзілася ў пракуратуру на “Звязду” і Астаповіча
Прадпрыемства “Мінская спадчына” падало заяву ў пракуратуру на газету “Звязда” і Таварыства аховы помнікаў гісторыі і культуры, якое ўзначальвае Антон Астаповіч. Нагодай стаў матэрыял у дзяржаўнай газеце пра знос старога будынку на вуліцы Рэвалюцыйнай, паведаміў Еўрарадыё галоўны інжынер “Мінскай спадчыны” Міхаіл Жых.
11.02.2010 Анжаліку Борыс з паплечнікамі выклікаюць на допыт
Сёньня міліцыянты наведалі ў Горадні фірму “Палёніка”, якой кіруе Анжаліка Борыс — кіраўніца не прызнаванага ўладамі Саюзу палякаў. Яны прынесьлі позвы на допыт спадарыні Борыс, а таксама Андрэю Пачобуту, Мечыславу Яскевічу і Ігару Банцару.
11.02.2010 Брэст: Пракуратура папярэдзіла Івана Стасюка за дзейнасць ад імя незарэгістраванай арганізацыі
У афіцыйным папярэджанні значыцца, што матэрыялы аб дзейнасці актывіста паступілі ў пракуратуру з УКДБ Брэсцкай вобласці. З прадстаўленай інфармацыі і з раздруковак матэрыялаў сайтаў “Малады Фронт” і “Радыё Рацыя” была зроблена выснова, што актывіст прыймае ўдзел у дзейнасці незарэгістраванай арганізацыі.
11.02.2010 Юлію Міхайлаву адлічылі з вучобы
Моладзевую актывістку Юлію Міхайлаву адлічылі з каледжу тэкстыльнай прамысловасьці. Дзяўчыне раней пагражалі адлічэньнем. Сёньня да яе не было ніякіх заўваг з боку адміністрацыі, але ўвечары 10 лютага дзяўчыну выклікала дырэктарка і паведаміла, што тая адлічана з вучобы.
10.02.2010 Івянецкія палякі рыхтуюць зварот у суд з нагоды захопу Дома польскага
У Гродне прайшла акцыя непрызнанага ўладамі Саюзу палякаў у Беларусі. Як паведаміў Еўрарадыё актывіст арганізацыі Андрэй Пачобут, у ёй прынялі ўдзел каля 300 чалавек.
