Навіны на тэму: перасьлед
12.01.2008 Чарговая адмова ў доступе да інфармацыі журналістам «Ганцавіцкага часу»
Карэспандэнта недзяржаўнай газеты «Ганцавіцкі час» Ірыну Дамарцкую не пусцілі на цырымонію ўзнагароджання лепшых вучняў і настаўнікаў раёну, якая прайшла 9 студзеня ў гарадскім доме культуры Ганцавічаў.
12.01.2008 Незалежныя прафсаюзы не паддаюцца
Беларускі Кангрэс дэмакратычных прафсаюзаў прыняў заяву ў сувязі з тым, што ўлады працягваюць праводзіць ціск, запужваньне й правакацыі ў дачыненьні да незалежных прафсаюзаў.
10.01.2008 Актывістаў прадпрымальніцкага руху затрымалі на трасе па дарозе ў Мінск
Раніцай 10 студзеня членаў кампаніі "За свабоднае развіццё прадпрымальніцтва" актывістаў прадпрымальніцкага руху Аляксандра Цацуру і Віктара Крываля спынілі на трасе па дарозе ў Мінск. Пра гэта БелаПАН паведаміў актывіст прадпрымальніцкага руху Мікалай Пахабаў.
09.01.2008 Палітычныя рэпрэсіі ў Беларусі ў 2007 годзе
Напрацягу ўсяго мінулага году праваабаронцы рупліва зьбіралі інфармацыю пра розныя формы рэпрэсіяў, якія ўлады выкарыстоўваюць для палітычнага перасьледу грамадзянскіх актывістаў. Сёньня прэзентуем адну з важных частак гэтай працы - сьпіс адміністрацыйна рэпрэсаваных грамадзянаў у 2007 годзе. На чарзе – інфармацыя пра крымінальныя справы ў дачыненьні да палітычных апанентаў ды іншыя формы перасьледу.
09.01.2008 Ціск на сталічных прадпрымальнікаў узмацняецца
Сёньня ўсіх прадпрымальнікаў, якія працуюць на гандлёвай выставе “Мір кніг” азнаёмілі з тэкстам чарговай абвесткі адміністрацыі. Цытуем: “10 снежня 2008 года з 11-00 да 15-00 адбудзецца праверка рэжыму працоўнага дня камісіяй у складзе прадстаўнікоў Менгарвыканкама, падатковай інспекцыі і Міністэрства ўнутраных спраў. У выпадку закрыцьця працоўнага месца без паважнай прычыны і адсутнасьці гандляра рознічная ліцэнзія будзе анулявана”.
09.01.2008 “Ва ўзбуджэньні крымінальнай справы па факце атрыманьня Вамі цялесных пашкоджаньняў адмоўлена…”
Актывісту “Маладога Фронту” Зьмітру Хведаруку, жорстка зьбітаму АМАПам на акцыі “За незалежную Беларусь!”, якая праходзіла падчас прыезда Пуціна, даслалі адказ на скаргу, пададзеную ў пракуратуру. “Ва ўзбуджэньні крымінальнай справы па факце атрыманьня Вамі цялесных пашкоджаньняў адмоўлена…” - паведамляецца ў адказе, падпісаным кіраўніком упраўленьня МУС Цэнтральнага раёну В.А. Сіняковым. І даёцца парада зьвярнуцца ў Цэнтральны РАЎС.
08.01.2008 Праваахоўныя органы Беларусі шукаюць арганізатараў хакерскай атакі
Пошук зламыснікаў, якія правялі хакерскую атаку на інтэрнэт-рэсурсы беларускіх прадпрыемстваў, распачало Міністэрства ўнутраных спраў. Нагадаем, здарэнне адбылося 5 студзеня. У выніку хакерскай атакі пацярпелі дзесяткі тысяч беларусаў і 3,5 тысячы прадпрыемстваў.
04.01.2008 Магілёў: актывіста адлічылі з унівэрсытэту
Актывіста не зарэгістраванага руху “Рушэньне” студэнта трэцяга курса гістарычнага факультэту Яўгена Бойку адлічылі з магілёўскага дзяржаўнага ўнівэрсытэту імя Куляшова. Афіцыйнай падставай для адлічэньня сталіся нібыта шматлікія пропускі заняткаў.
04.01.2008 У Пінску збіты грамадскі актывіст Канстанцін Чувак
Грамадскага актывіста Канстанціна Чувака, прыхільніка аргкамітэта па стварэнні руху “За Свабоду”, збілі ў Пінску. Напад на яго 2 студзеня здзейсніў мясцовы жыхар, які сцвярджаў, што быў абражаны Чуваком.
04.01.2008 У Нясвіжы ў шапіках "Саюздруку" спынены продаж недзяржаўнай газеты
Нясвіжскае аддзяленне “Мінскаблсаюздруку” з Новага году адмовілася браць на рэалізацыю недзяржаўную газету “Нясвіжскі час”.
24.12.2007 Сьвятар Рэчыцкага касьцёлу змушаны быў пакінуць Беларусь
23 сьнежня грамадзянін Польшчы ксёндз Гжэгаж Худэк быў вымушаны пакінуць Беларусь. На пачатку лістапада мясцовыя ўлады без тлумачэньня прычынаў адмовілі ксяндзу Худэку ў далейшай рэгістрацыі. Паводле неафіцыйнай вэрсіі, прычынай былі выказваньні сьвятара наконт сацыяльных праблемаў у Рэчыцы, апублікаваныя ў газэце "Tygodnik wsсhodni".
21.12.2007 Чаму Зьміцера Кіселя адлучылі ад алімпіяды па гісторыі?
30 лістапада 2007 года Зьміцер Кісель, сябра Рады Моладзі БНФ (Старшыня гістарычнага кірунку), заняў другое месца на алімпіядзе па гісторыі ў г.Пінску. Па правілах Зьміцер павінен з 3 па 6 студзеня 2008 года браць удзел у абласной алімпіядзе па гісторыі. Яго ўнесьлі ў сьпіс удзельнікаў Абласной алімпіады, а настаўніку па гісторыі Яромічу Віктару загадалі прадстаўляць маладых гісторыкаў Пінска ў Берасьці.
21.12.2007 Яшчэ адзін суд над незалежнай газэтай
Сёньня ў Крычаве будзе абвешчаны прысуд па судовай справе паміж незалежнай газэтай "Вольны Горад" і галоўнай рэдактаркай крычаўскай раёнкі “Ленінскі кліч” Тацянай Іўкінай. Афіцыйная раёнка падала ў суд на намесьніка галоўнага рэдактара газэты “Вольны Горад”, кіраўніка крычаўскай суполкі Партыі БНФ Уладзіміра Кудраўцова.
19.12.2007 У беларускіх бібліятэках забараняюць сустрэчы з пісьменнікамі
Гарадокскі райвыканкам адмовіў ў правядзенні 20 снежня творчай сустрэчы з пісьменнікам Уладзімерам Арловым і прэзентацыі ягонай кнігі “Імёны свабоды”. А ў Слуцку 18 снежня сябры Саюза беларускіх пісьменнікаў былі вымушаны перанесці з бібліятэкі ў прыватную кватэру вечар памяці, прысвечаны стагоддзю з дня нараджэння Рыгора Крушыны, беларускага паэта-эмігранта.
19.12.2007 Анатоль Трафімчык: ““За паездку ў Вільню я атрымаў вымову, і гэта сталася пачаткам майго звальненьня”
Некалькі тыдняў таму з Баранавіцкага дзяржаўнага ўнівэрсытэту звольнены выкладчык кафедры гісторыі й філязофіі, кандыдат гістарычных навук Анатоль Трафімчык. Неафіцыйная прычына звальненьня – удзел гісторыка ў замежных навуковых канфэрэнцыях, а таксама ягоныя публікацыі ў недзяржаўных выданьнях.
