11.02.2008 Праваабарончы цэнтр “Вясна” рэкамендаваў кандыдатуру студэнта Зьміцера Жалезнічэнкі для вылучэньня на сусьветную Студэнцкую прэмію за мір.

Праваабарончы цэнтр “Вясна” выступіў ініцыятарам вылучэньня студэнта з Беларусі Зьміцера Жалезьнічэнкі на Студэнцкую прэмію за мір (Student Peace Prize).

Зьміцер Жалезьнічэнка, які для беларускай моладзі зьяўляецца прыкладам адстойваньня права на адукацыю, зараз пазапраўна ўтрымліваецца ў вайсковай частцы ў Жлобіне, дзе яго насуперак пастановы суду змушаюць да прыняцьця прысягі.

08.02.2008 Адкрыты ліст Старшыні Камітэту дзяржаўнага кантролю ад ГА “Беларускае добраахвотнае таварыства аховы помнікаў гісторыі і культуры”

Старшыня рэспубліканскай Рады ГА “Беларускае добраахвотнае таварыства аховы помнікаў гісторыі і культуры” Антон Астаповіч зьвяртаецца да старшыні камітэту дзяржкантролю Зянона Ломаця ў сувязі з парушэньнямі нарматыўна-прававой базы ў галіне аховы гісторыка-культурнай спадчыны. Ён спадзяецца на дыялог – альтэрнатыўны праект узнаўленьня Гістарычнага цэнтру Менска, распрацаваны У.Папругам і прапанаваны для разгляду выканаўчай уладзе Таварыствам.

08.02.2008 9 лютага ў Зьмітра Жалезьнічэнкі вайсковая прысяга

Нягледзячы на тое, што суд Савецкага раёну Гомелю вынес прыватнае вызначэньне аб прыпыненьні прызыву на вайсковую службу Зьмітра Жалезьнічэнкі, ён да гэтага часу знаходзіцца ў Жлобіне ў вайсковай частцы, бо Гомельскі абласны і гарадзкі ваенкаматы адмаўляюцца выконваць вызначэньне суду. Заўтра ў 10-00 гадзінаў Зьміцер мусіць прыняць прысягу, пасьля чаго і пачынаецца служба ва Узброеных Сілах.

07.02.2008 Палітычнае бюро EPP асуджае арышты ў Беларусі

Сёньня на палітычным бюро EPP (Эўрапейская народная партыя) адзінагалосна прыняла надзвычайную рэзалюцыю, якая тычыцца арыштаў дэмакратычных актывістаў у Беларусі.

05.02.2008 З Мазырскага дзяржаўнага пэдагагічнага ўніверсітэту па палітычных матывах адлічаны Хведар Чаранкоў

Працягваюцца адлічэньні з вучобы студэнтаў, якія адбывалі ў часе зімовай сэсіі арышты за сваю апазыцыйную дзейнасьць. Так, сёньня адлічылі непаўналетняга студэнта Хведара Чаранкова з Мазырскага дзяржаўнага пэдагагічнага ўнівэрсытэту. Хведара затрымлівала міліцыя летась 16 лістапада і сёлета 8 студзеня. Заўтра ён разам з бацькам пойдзе ў выканкам на паседжаньне адміністрацыйнай камісіі, якая будзе разглядаць ягоную справу за распаўсюджваньне ўлётак.

01.02.2008 “Вызваленьне палітвязьняў кампэнсуюць іншымі рэпрэсіямі”

Сытуацыя з правамі чалавека ў Беларусі пагаршаецца, заяўляюць прадстаўнікі апазыцыйных палітычных партыяў.

01.02.2008 Судовы працэс над актывістам “БХД” Канстанцінам Жукоўскім перанесены на сярэдзіну лютага

З-за хваробы суд быў перанесены на панядзелак, але Жукоўскі запатрабаваў весьці судовае паседжаньне на беларускай мове. Судзьдзя Марына Дамненка паведаміла, што задавальняе хадайніцтва абвінавачанага й судовы працэс будзе весьціся па-беларуску. Новае пасяджэньне было прызначана на сераду. Аднак у гэта дзень суддзя прыняла рашэньне перанесьці разгляд справы на сярэдзіну лютага.

01.02.2008 Абаронім «Паўлінку»!

Пакутная гісторыя нашай Айчыны ведае мноства прыкладаў нахабнага глумлення над беларушчынай. На вялікі жаль, колькасць гэтых прыкрых падзей павялічваецца з кожным днём.

31.01.2008 На офісе БСДП быў “дзень адчыненых дзьвярэй”

Кіраўніцтва Беларускай сацыял-дэмакратычнай партыі (Грамада) хвалюецца, што ўлады хочуць спачатку закрыць партыйны офіс у Менску, а затым і партыю.

31.01.2008 Баршчэўскі адказаў на аглабельшчыну мінабаронаўскай газэты

Старшыня Партыі БНФ Лявон Баршчэўскі накіраваў у адрас «Белорусской военной газеты» ліст у адказ на публікацыю «Дима Железниченко как зеркало несостоявшейся «васильковой революции».

30.01.2008 Чарговая адпіска «Белпошты»

РУП «Белпошта» ў чарговы раз заявіла, што не абавязаная ўключаць недзяржаўныя друкаваныя выданні ў свае падпісныя каталогі, а ў выбары дзелавых партнёраў кіруецца «эканамічнай мэтазгоднасцю». Пра гэта гаворыцца ў лісце генеральнага дырэктара «Белпошты» Аляксандры Чарняк дырэктару ТАА «Выдавецкі дом «Інтэкс-прэс» Уладзіміру Янукевічу.

30.01.2008 Царква “Новае жыцьцё” пачынае акцыю пратэсту

Япіскап Аб’яднаньня хрысьціянаў поўнага Эвангельля Вячаслаў Ганчарэнка просіць улады зрабіць захады адміністрацыйнага ўзьдзеяньня ў адносінах да ўпаўнаважанага ў справах рэлігіяў і нацыянальнасьцяў Леаніда Гулякі.

28.01.2008 Са Зьмітром Жалезьнічэнкам афіцэры ў войску размаўляюць па-беларуску

Намесьнік старшыні Партыі БНФ Аляксей Янукевіч і сакратар Управы Партыі БНФ Уладзімер Лабковіч наведалі вайсковую частку ў Жлобіне, куды накіраваны для праходжаньня вайсковай службы моладзевы актывіст Партыі БНФ, адлічаны студэнт-выдатнік Гомельскага дзяржаўнага ўнівэрсытэту Зьміцер Жалезьнічэнка. Прадстаўнікі кіраўніцтва Партыі перадалі Зьмітру словы падтрымкі, а таксама даведаліся зь першых вуснаў акалічнасьці ганебнага затрыманьня Зьмітра 24 студзеня, напярэдадні яго адпраўкі ў войска.

28.01.2008 «Нясвіжскі час» збірае подпісы

Рэдакцыя недзяржаўнай рэгіянальнай газеты «Нясвіжскі час» збірае подпісы чытачоў пад зваротам да кіраўніцы Нясвіжскага аддзялення «Мінскаблсаюздруку» Таццяны Навошы з просьбай працягнуць дамову на продаж газеты ў кіёсках прадпрыемства.

28.01.2008 Журналістам «Борисовских новостей» адмаўляюць у доступе да інфармацыі

Загадчыка аддзела інфармацыі недзяржаўнай грамадска-палітычнай газеты «Борисовские новости», сябра Рады ГА «БАЖ» Анатоля Мазгова 24 студзеня не пусцілі на сумеснае пашыранае пасяджэнне Барысаўскага райвыканкама і раённага Савета дэпутатаў.