31.03.2008 Хрысціянскія дэмакраты падвяргаюцца рэпрэсіям

Цягам апошніх дзён дзесяткі сябраў аргкамітэта БХД падвергнуліся рэпрэсіям. На рахунку незаконных дзеяньняў з боку дзяржавы звальненьне з працы рэгіянальнага каардынатара аргкамітэта БХД па Гомельскай вобласьці Паўла Наздры, зьняволеньні больш дзесяці сябраў аргкамітэта БХД, пакараньні ў выглядзе штрафаў, крымінальная справа, заведзеная на Кацярыну Салаўёву.

31.03.2008 “Там, у БНФ добра вас падкавалі…” або Як “цкуюць” актыўную моладзь

За тыдзень да Дня Волі ў інтэрнаце Мінскага дзяржаўнага тэхналагічнага каледжу тэрмінова сабраліся намесьнік дырэктара па выхаваўчай працы Наталя Шапавалава, сацыяльны псіхолаг гэтай навучальнай установы і невядомы сціплы чыноўнік-ідэолаг з адміністрацыі Савецкага раёна Менска. Нагода адна: у адным з пакояў інтэрнату знайшлі некалькі бел-чырвона белых сьцягаў, якія былі выраблены навучэнцамі. Пачалося пасьпешлівае расьледаваньне здарэньня…

31.03.2008 У Навапалацку актывізаваліся “скіны”

Увечары 30 сакавіка групы “скінхэдаў” ажыццявілі некалькі нападаў на моладзь і грамадзян Наваполацка. Прычым, як паведамляюць мясцовыя праваабаронцы, найбольш пацярпелі ад іх дзеяньняў нефармальная моладзь, якая па вечарах зьбіраецца ў цэнтры горада, хаця былі зьбітыя і звычайныя прахожыя.

29.03.2008 Загаварылі новыя ахвяры «жывых шчытоў»

Удзельнікам падзей 2 сакавіка, можна сказаць, пашанцавала, калі параўноўваць з ахвярамі «жывога шчыта», зладжанага работнікамі ДАІ 7 кастрычніка 2007 году.

29.03.2008 «Нідзе ў заканадаўстве такіх захадаў у дачыненні да неакрэдытаваных СМІ не прадугледжана…»

У мінскай пракуратуры знаходзіцца аўдыё- і відэаапаратура і больш за два дзесяткі камп’ютараў, якія забралі прадстаўнікі спецслужб падчас ператрусаў 27 сакавіка. Следчыя заяўляюць, што тэхніку будуць правяраць на наяўнасць прыкмет стварэння і распаўсюду палітычных мультфільмаў «Трэцяга шляху». Тая ж сітуацыя ў рэгіёнах, дзе прайшлі ператрусы.

29.03.2008 Абсталяваньне журналістаў застанецца ў пракуратуры

У менскай пракуратуры знаходзяцца апаратура для аўдыё- і відэазапісу і больш за два дзясяткі кампутараў, якія належаць журналістам.

28.03.2008 Улады Пухаўшчыны перасьледуюць грамадзкіх актывістаў

Удзельніка мітынгу ў пасёлку Дружны Сяргея Абразоўскага будуць судзіць 10 красавіка ў судзе Пухавіцкага раёну. Яго вінавацяць у арганізацыі акцыі пратэсту супраць будаўніцтва хімічнага заводу, якая адбылася 22 сакавіка.

28.03.2008 Актрыс звольнілі пасля гастроляў “Свабоднага тэатра” ў Лондане

Ганну Саламянскую звольнілі з Рускага тэатра, а Марыю Юрэвіч – з тэатра Беларускай Арміі. Да таго ж, Марыя працавала па размеркаванні, і ёй трэба вярнуць грошы за навучанне. Аляксей Дудараў, кіраўнік тэатра Арміі, кажа, што ў лонданскіх акцёраў няма чаму вучыцца. Спектакляў “Свабоднага тэатра” Дудараў не бачыў, але кажа, што яны доўга не пражывуць

28.03.2008 Руйнаваньне пад выглядам рэстаўрацыі

Старажытны замак можа быць выключаны са сьпісаў помнікаў гісторыі й культуры ЮНЭСКА. У Нясьвіскім замку працягваецца руйнаваньне. Навіны пра рэстаўрацыю выглядаюць, як паведамленьні ваеннага часу. Няма больш сьцяны, якая налічвае трыста гадоў.

28.03.2008 Белсат: У нас ёсьць запасны варыянт

Дзеяньні спэцслужбаў не перашкодзяць незалежным беларускім журналістам перадаваць інфармацыю пра падзеі ў краіне – лічыць кіраўнік адзьдзелу навінаў тэлеканалу “Белсат” Аляксей Дзікавіцкі. Спадарожнікавы канал будзе ўсімі магчымымі спосабамі дапамагаць сваім супрацоўнікам, на якіх беларускія праваахоўныя ворганы наладзілі сапраўднае паляваньне.

27.03.2008 БАЖ накіраваў афіцыйны зварот у Пракуратуру РБ

Сёння грамадскае аб’яднанне «Беларуская асацыяцыя журналістаў» звярнулася да генеральнага пракурора Рэспублікі Беларусь Рыгора Васілевіча з просьбай «зрабіць усе прадугледжаныя законам захады», каб спыніць масавыя ператрусы ў кватэрах журналістаў і офісах недзяржаўных СМІ, а таксама пераслед журналістаў супрацоўнікамі праваахоўных органаў.

27.03.2008 Пасьля правядзеньня ператрусу затрыманы бабруйскі журналіст Андрэй Шобін (Дадаліся фота)

У кватэры бабруйскага журналіста Андрэя Шобіна супрацоўнікі КДБ правялі ператрус у сувязі з узбуджанай менскай пракуратурай крымінальнай справай па арт. 367 КК РБ - "Паклёп ў дачыненьні да Прэзідэнта Рэспублікі Беларусь". У выніку канфіскаваная ўся кампутарная тэхніка і ўсе носьбіты інфармацыі, уключаючы дыскеты і відэакасеты, складзены пратакол выняцьця. Па зьвестках бабруйскіх праваабаронцаў, самога журналіста затрымалі і дастаўляюць на допыт у якасьці сьведкі.

25.03.2008 СЬПІС ЗАТРЫМАНЫХ І АСУДЖАНЫХ НА ДЗЕНЬ ВОЛІ (інфармацыя можа ўдакладняцца і выпраўляцца)

Па інфармацыі ПЦ “Вясна” сярод затрыманых у мірным сьвяткаваньні 90-х угодкаў Беларускай Народнай Рэспублікі ў Менску больш за 100 чалавек. Удзельнікі Дня Волі пакараныя буйнымі штрафамі і арыштамі, адміністратыўныя пратаколы, складзеныя на затрыманых непаўнагадовых, накіраваныя на адміністратыўныя камісі выканкамаў.

25.03.2008 Пачаўся масавы хапун удзельнікаў Дня Волі

Як і абяцаў міністар унутраных справаў, супраць удзельнікаў мірнай акцыі кінутыя ўзбороеныя сілы сьпецпадразьдзяленьняў. Супрацоўнікі міліцыі сілай выціскаюць дэманстрантаў, якія зьбраліся на плошчы Якуба Коласа ад рэстарана Лідо ў бок Акадэміі навук. Сярод першых затрыманых Алесь Лапіцкі-малодшы.

Каля плошчы Перамогі пачалася жорсткая бойка: удзельнікаў сьвяточнага шэсьця на перакрыжаваньні пр-ту Незалежнасьці і вуліцы Казлова каля Палацу мастацтваў узброеныя амонаўцы запіхваюць без разбору ў аўтазакі.

25.03.2008 Самы непалітызаваны суд у сьвеце

Беларускія суды змаглі пазьбегнуць палітызацыі і камэрцыялізацыі ў сваёй рабоце і пры разглядзе спраў грунтуюцца выключна на прынцыпах законнасьці і справядлівасьці, заявіў Аляксандар Лукашэнка, выступаючы сёньня на нарадзе судзьдзяў судоў.