Навіны на тэму: суды
23.01.2021 У Мінску гродзенцу прысудзілі тры гады "хіміі" за пагрозу прымянення гвалту праз SMS
Аляксандра Сячко асудзілі па артыкуле 364 КК РБ (Гвалт альбо пагроза ўжывання гвалту ў дачыненні да супрацоўніка органаў унутраных спраў). Ён прызнаў, што напісаў SMS-паведамленне камандзіру аддзялення Менскага ЦІП (Акрэсціна) Яўгену Урублеўскаму.
23.01.2021 У Слоніме маці ў дэкрэце атрымала год "хатняй хіміі" за абразу міліцыянта
22 студзеня ў Слонімскім раённым судзе абвешчаны прысуд Кацярыне Салевіч, якую вінавацілі па артыкуле 369 Крымінальнага кодэксу, піша "Гарадзенская Вясна". Дзяржабвінавачанне прадстаўляла Юлія Ягоўдзік. Яна, з улікам характарыстык на Салевіч і таго, што яна мае малалетняе дзіця, прапаноўвала пакараць Салевіч на 1 год і 6 месяцаў абмежавання свабоды без накіравання ў выпраўленчую ўстанову адкрытага тыпу.
23.01.2021 За наезд на нагу супрацоўніка ДАІ мінчука будуць судзіць за замах на забойства
45-гадовага мінчука Аляксандра Троцкага абвінавачваюць у замаху на забойства супрацоўніка органаў ўнутраных справаў. Паводле абвінавачвання, ён наехаў 12 жніўня на сваёй машыне на нагу супрацоўніка ДАІ.
22.01.2021 Два гады “хіміі” за абразу службовай асобы. Вынесены прысуд палітвязню Кулакоўскаму
Дзмітрыя Кулакоўскага прызналі вінаватым у публічнай абразе службовай асобы ў сувязі з выкананнем ёй службовых абавязкаў (артыкул 369 КК РБ) і прызначылі абмежаванне свабоды з накіраваннем у пасяленне адкрытага тыпу тэрмінам на два гады. Меру стрымання змянілі на падпіску аб нявыяздзе — таму Кулакоўскага адпусцілі з пад-варты адразу пасля вынясення прысуду.
22.01.2021 Палітвязня Валерыя Каленчыца асудзілі да трох гадоў "хіміі"
22 студзеня суд Кастрычніцкага раёна горада Мінска вынес прысуд палітзняволенаму Валерыю Каленчыцу
22.01.2021 Два з паловай гады «хіміі» прысудзілі жыхару Светлагорска за эмацыйныя каментары на адрас інспектара ДПС
Мужчына прызнаў віну, з усім пагадзіўся і выбачыўся перад міліцыянтам. Але на жорсткасць прысуду гэта не паўплывала.
22.01.2021 Два і паўтары гады пазбаўлення волі: вынесеныя прысуды палітвязням Сафіі Малашэвіч і Ціхану Клюкачу
У судзе Кастрычніцкага раёна Мінска 22 студзеня вынесеныя прысуды палітвязням Сафіі Малашэвіч і Ціхану Клюкачу
22.01.2021 Суды над удзельнікамі мірных акцый пратэсту адбываюцца 22 студзеня
На вечаровых акцыях пратэсту 21 студзеня было затрымана не менш за 18 чалавек. Сёння пераважна ў судзе Фрунзенскага раёна Мінска адбываюцца разгляды адміністрацыйных спраў у дачыненні да затрыманых.
22.01.2021 Паштальёнку, якая перадала ў тэлеграм-чат дадзеныя дзесяткаў міліцыянтаў, асудзілі на 3 месяцы арышту
Суд Першамайскага раёна Мінска 22 студзеня вынес прысуд па крымінальнай справы супраць 56-гадовай паштальёнкі Ларысы Танкашкур, якая перадала адміністратару тэлеграм-чату “Лебяжий 97%” асабістыя звесткі супрацоўнікаў органаў унутраных справаў, якія яна ўзяла з картатэкі падпісчыкаў выдання МУС "На страже".
21.01.2021 60-гадовы мінчанін атрымаў два гады калоніі за два ўдары амапаўцу
У судзе Цэнтральнага раёна Мінска 21 студзеня абвясцілі прысуд 60-гадоваму Аляксандру Губейка, абвінавачанаму ў гвалце ў дачыненні да супрацоўніка Амапу па артыкуле 364 Крымінальнага кодэкса. Суддзя Вікторыя Шабуня прысудзіла Губейка два гады пазбаўлення волі з адбываннем у калоніі агульнага рэжыму.
21.01.2021 За разбітае ў аўтобусе шкло да трох гадоў пазбаўлення волі. У Бярозе судзяць Вадзіма Сычыка
У судзе Бярозаўскага раёна пачаўся разгляд крымінальнай справы ў дачыненні да 36-гадовага Вадзіма Сычыка, якога вінавацяць па ч. 1 арт. 339 Крымінальнага кодэкса.
21.01.2021 Подпісы панятых не супадаюць, а хадайніцтвы абароны адхіляюцца. Другі дзень судовага працэсу над палітвязнем Кулакоўскім
21 студзеня прадоўжыўся разгляд крымінальнай справы паводле артыкула 369 КК РБ (Абраза прадстаўніка ўлады) у дачыненні да былога начальніка крымінальнага вышуку, а зараз — палітычнага зняволенага Дзмітрыя Кулакоўскага.
21.01.2021 Суд па нападзе на супрацоўніка АМАПа. Відэа не пацвярджае высновы следства
У судзе Ленінскага раёна Мінска 20 студзеня працягнуўся працэс па справе аб нападзе на супрацоўніка АМАПа. Абвінавачаны Віктар Барушка віну не прызнаў.
21.01.2021 Па два гады "хіміі". У Наваполацку вынеслі прысуды за жнівеньскія пратэсты
Суд горада Наваполацка 21 студзеня вынес прысуд па крымінальнай справы супраць Віктара Шаўра і Віталя Шыцікава па арт. 342 Крымінальнага кодэкса (арганізацыя або актыўны удзел у групавых дзеяннях, якія груба парушылі грамадскі парадак) за падзеі 10 жніўня ў Наваполацку. Суддзя Віталь Лапко асудзіў іх на два гады "хіміі" кожнага.
21.01.2021 У Мастах судзяць мужчыну за акцыі з пудзіламі ў міліцэйскай форме, трунамі, БЧБ-сцягамі на дрэвах
У судзе Мастоўскага раёна Гродзенскай вобласці 21 студзеня пачаўся разгляд крымінальнай справы ў дачыненні да Віктара Царыкевіча па абвінавачванні па ч. 1 і 2 арт. 339 (Хуліганства і злоснае хуліганства) і 369 (публічная абраза прадстаўніка ўлады) Крымінальнага кодэкса.
