Навіны на тэму: суды
23.08.2007 Суд над Іванам Шылам адбудзецца 4 верасьня
4-га верасьня а 10-й гадзіне ў судзе Салігорску распачнецца разгляд крымінальнай справы сябра Маладога фронту Івана Шылы. Пра гэта карэспандэнту belpa паведаміў сам моладзевы актывіст. Шаснаццацігадовага Івана Шылу абвінавачваюць у дзейнасьці ад імя незарэгістраванай арганізацыі (арт. 193.1 Крымінальнага кодэксу РБ).
23.08.2007 Скарга Крысціны Шацікавай не задаволена
Калегія Магілёўскага абласнога суда на чале з намесьнікам старшыні абласнога суду Ігарам Трошкам не задаволіла індывідуальную скаргу актывісткі Крысьціны Шацікавай на рашэньне Ленінскага суду Магілёва, якое адмяніла пастанову мясцовай пракуратуры.
23.08.2007 Берасьцейскія суддзі бяруць “тайм-аут”
Адміністратыўных судоў над затрыманымі ў Берасьці 19 жніўня ўдзельнікамі прэзентацыі кнігі Паўла Севярынца “Лісты з лесу” на гэтым тыдні, хутчэй за ўсё, ня будзе.
23.08.2007 Суд Віцебскай вобласці разгледзіць скаргу Таццяны Севярынец
Віцебскі абласны суд разгледзіць сёння скаргу актывісткі Руху “За Свабоду” Таццяны Севярынец на рашэнне Першамайскага райсуда, які 18 чэрвеня адмовіў ёй у аднаўленні на працы.
23.08.2007 Сёньня стане вядома, калі будуць судзіць наступнага маладафронтаўца
Сёньня суд Салігорскага раёну Менскай вобласьці мусіць вызначыць, калі адбудзецца судовае паседжаньне па разглядзе крымінальнае справы актывіста незарэгістраванага “Маладога Фронту” Івана Шылы.
22.08.2007 Севярынцу далі 15 сутак
Сёньня ў Маскоўскім судзе Берасьця вынесьлі прысуд Паўлу Севярынцу. Вырак - 15 сутак (судзьдзя - Вольга Сьмірнова).
22.08.2007 Суд над актывісткай незарэгістраванага “Маладога фронту” Настай Азаркай прызначаны на 4 верасня.
Як стала вядома ПЦ “Вясна”, у судзе Нясвіжскага раёна 4 верасня будзе разглядацца крымінальная справа Насты Азаркі, узбуджаная па артыкулу 193.1 КК РБ (дзейнасьць ад імя незарэгістраванай арганізацыі).
22.08.2007 Суд над Павалам Севярынцам павінен завяршыцца сёньня
Сёньня, 22 жніўня, ў судзе Маскоўскага раёну Бераcьця працягваецца судовы працэс над вядомым палітыкам Павалам Севярынцам, які быў затрыманы на сядзібе берасьцейскай філіі Партыі БНФ у часе прэзэнтацыі кнігі “Лісты зь лесу”. Палітыка абвінавачваюць у паўторным цягам году парушэньні парадку правядзеньня масавых мерапрыемстваў (ч. 3 арт. 23.34 КаАП РБ). Зараз судзьдзя Вольга Сьмірнова вядзе допыт сьведкаў з боку абвінавачаньня.
21.08.2007 Запатрабаваў дэклярацыю па-беларуску -- чакай суда
30 жніўня ў Гомелі адбудзецца суд над грамадзкім актывістам Сяргеем Сямёнавым. Падставай для судовага разбіральніцтва зьяўляецца быццам бы адмова спадара Сямёнава ў запаўненьні мытнай дэклярацыі на расейскай мове.
21.08.2007 Аляксею Шэіну адмоўлена ў задавальненьні скаргі
Менскі гарадскі суд адмовіў сустаршыні аргкамітэта па стварэньні партыі "Беларуская хрысьціянская дэмакратыя" Аляксею Шэіну ў задавальненьні скаргі на рашэньне суду Фрунзэнскага раёна сталіцы. 24 ліпеня суд Фрунзэнскага раёна прысудзіў А.Шэіна да 15 сутак адміністрацыйнага арышту па артыкуле 23.34 Кодэкса аб адміністрацыйных правапарушэньнях (парушэньне парадку арганізацыі або правядзеньня масавага мерапрыемства або пікетаваньня).
20.08.2007 Севярынца судзяць сёньня
Моладзевага лідэра Паўла Севярынца вязуць у суд Маскоўскага раёну Берасьця. Яго і яшчэ 30 чалавек затрымалі ўчора ў гэтым абласным цэнтры на сходцы актывістаў Беларускай хрысьціянскай дэмакратыі. На пятнаццаці чалавек былі складзеныя пратаколы і суды над імі пройдуць 22 жніўня.
17.08.2007 Чарговы суд за абразу чыноўніка
Сёньня ў Пінскім гарадзкім судзе пачнецца разгляд адміністрацыйнай справы старшыні мясцовай філіі незарэгістраванага аб’яднаньня прадпрымальнікаў “Пэрспэктыва” Аляксандра Васільева. Ён абвінавачваецца ў зьнявазе старшыні Пінскага гарвыканкаму Аляксандра Гордзіча.
17.08.2007 «Малады фронт» не рэгіструюць, бо «прапагандуе вайну»
Сёньня ў гарадзкім судзе Менску пачаўся судовы працэс па позьве актывістаў незарэгістраванай арганізацыі «Малады фронт» да ўпраўленьня юстыцыі Менгарвыканкаму. Сталічныя ўлады ўжо некалькі разоў адмаўляліся рэгістраваць менскую гарадзкую арганізацыя «Маладога фронту». Апошняя адмова была падпісаная 5 ліпеня.
17.08.2007 Закончылася судовае сьледзтва на працэсе "Маладога фронту" супраць Менгрвыканкаму
Закончылася судовае сьледзтва на працэсе ў Менскім гарадзкім судзе, дзе сёньня разглядаецца пазоў актывістаў незарэгістраванай арганізацыі "Малады фронт" да ўпраўленьня юстыцыі Менгарвыканкаму ў зьвязку зь яго адмовай зарэгістраваць арганізацыю.
17.08.2007 Мікіту Сасіма будуць судзіць
Сёння раніцай прэс-цэнтру Хартыі’97 стала вядома месцазнаходжанне моладзевага лідэра Мікіты Сасіма. У Цэнтральным РУУС Менска, нарэшце, прызналіся, што актывіст знаходзіцца ў іх. Па словах супрацоўнікаў міліцыі, сёння Сасіма будуць судзіць, аднак, па якім артыкуле, гаварыць адмаўляюцца.
