Навіны на тэму: суды
30.10.2007 Ігара Лялькова аштрафавалі за правядзенне ўстаноўчага сходу “Руху За Свабоду”
Суд Мінскага раёна аштрафаваў актывіста Руху “За Свабоду” Ігара Лялькова на 930 тысяч беларускіх рублёў за правядзенне несанкцыянаванага мерапрыемства “апазіцыйнага характару – схода руху “За свабоду Беларусі”, на якім прысутнічала больш за 250 чалавек” у жніўні гэтага года.
30.10.2007 Уладзімеру Сяргееву прысудзілі 20 базавых велічыняў
Актывіст Маладога Фронту Уладзімер Сяргееў атрымаў пастанову аб адміністрацыйнай адказнасьці ў сувязі з баранавіцкімі падзеямі 10 верасьня. Нагадаем, што ў гэты дзень пачаўся судовы працэс па крымінальнай справе над мясцовым лідарам МФ Яраславам Грышчэней.
30.10.2007 Ленінскі суд Менску не задаволіў скаргу праваабаронца Алега Воўчака да пракуратуры.
29 кастрычніка пачаўся разгляд скаргі праваабаронцы Алега Волчака на дзеяньні пракуратуры, якая адмовілася расьсьледаваць ягонае зьбіцьцё падчас мінулай прэзыдэнцкай кампаніі. Сёньня судзьдзя Ігар Германовіч абвесьціў рашэньне - ён стаў на бок пракуратуры Ленінскага раёну.
27.10.2007 Выступленьне прадстаўніка Валянціна Стэфановіча ў Вярхоўным судзе Беларусі 25 кастрычніка пад час разгляду скаргі праваабаронцаў на рашэньне Мінюсту аб адмове ў рэгістрацыі ГПА "Вясна"
Адной з падставаў для адмовы ў рэгістрацыі грамадскага праваабарончага аб’яднаньня “Вясна” з’явіўся той момант, што паводле ч. 3 арт. 9 Закона Рэспублікі Беларусь “Аб грамадскіх аб’яднаньнях” статут аб’яднаньня павінен утрымліваць, у тым ліку, мэты, задачы, прадмет і метады дзейнасьці. На думку Міністэрства юстыцыі у п. 2.1 Статута Грамадскага праваабарончага аб’яднаньня “Вясна” указана толькі асноўная мэта дзейнасьці аб’яднаньня, што прадугледжвае магчымасць дадзенага аб’яднаньня мець іншыя, не ўказаныя ў статуце мэты аб’яднаньня, асабліва ў сьвеце здяйсненьня адміністратыўных правапарушэньняў, якія здзяйсняюцца ягонымі заснавальнікамі.
26.10.2007 Суд вызваліў "Гомельскую праўду" ад неабходнасці прасіць прабачэнне
Суд Чыгуначнага раёна Гомеля 25 кастрычніка адхіліў зыск аб абароне гонару і годнасці сябра БАЖ, грамадскага актывіста Леаніда Судаленкі да дзяржаўнай абласной газеты “Гомельская праўда”. “Адмовіць з-за неабгрунтаванасці”, – паведамляецца ў пастанове суддзі Мікалая Крупадзёрава.
26.10.2007 Выступленьне прадстаўніка Уладзімера Лабковіча ў Вярхоўным судзе Беларусі 25 кастрычніка пад час разгляду скаргі праваабаронцаў на рашэньне Мінюсту аб адмове ў рэгістрацыі ГПА "Вясна"
Высокі суд, я спынюся на некаторых момантах претэнзіяў Міністэрства юстыцыі Рэспублікі Беларусь, якія на думку Міністэрства зьявіліся падставамі для адмовы ў рэгістрацыі Грамадзкага правабарончага аб’яднання “Вясна”. На іншых момантах спыняцца мае калегі.
26.10.2007 У Брэсце суд не задаволіў касацыйнай скаргі сябра БАЖ
25 кастрычніка Брэсцкі абласны суд адхіліў касацыйную скаргу сябра БАЖ, пазаштатнага карэспандэнта газеты “Брестский курьер” Настассі Мялешкі.
26.10.2007 Вярхоўны суд Беларусі не задаволіў скаргу праваабаронцаў на рашэньне Мінюсту аб адмове ў рэгістрацыі ГПА "Вясна"
26 кастрычніка судзьдзя Вярхоўнага суду Беларусі Сьвятлана Яхнавец у 12-00 гадзінаў абвесьціла рашэньне на скаргу Стэфановіча В.К., Лабковіча У.М. і Бяляцкага А.В., якія прасілі адмяніць пастанову Мінюста аб адмове ў дзяржаўнай рэгістрацыі Грамадзкага праваабарончага аб'яднаньня "Вясна" і абавязаць міністэрства зарэгістраваць арганізацыю.
25.10.2007 2 лістапада ў Цэнтральным судзе Гомеля працягнецца разгляд пазову студэнта-выдатніка Зьміцера Жалезьнічэнкі
Судовае паседжаньне пачалося 25 кастрычніка. Беспадстаўна адлічаны з універсітэту імя Ф.Скарыны студэнт Зьміцер Жалезьнічэнка спрабуе праз суд аднавіцца ў навучальнай установе.
25.10.2007 Магілёўскі абласны суд не задаволіў касацыйнай скаргі намесьніка старшыні гарадзкой суполкі Партыі БНФ Зьмітра Салаўёва.
Напярэдадні Эўрапейскага маршу Зьмітра арыштавалі паводле абвінавачаньня ў непрыстойных паводзінах. Зьміцер Салаўёў у абласным судзе спрабаваў давесьці, што судзьдзя Ірына Сарока пакарала яго на падставе сфабрыкаванага пратаколу ды непраўдзівых тлумачэньняў сьведак. Сваё затрыманьне Зьміцер Салаўёў назваў палітычна матываваным.
23.10.2007 Вярхоўны суд абвесьціў перапынак у судовым паседжаньні па скарзе ГПА "Вясна" на рашэньне Мінюсту да 25 кастрычніка
23 кастрычніка ў Вярхоўным судзе Беларусі пачаўся разгляд скаргі Грамадзкага праваабарончага аб'яднаньня "Вясна" на рашэньне Мінюсту, які адмовіў праваабарончай арганізацыі ў дзяржаўнай рэгістрацыі. На думку правабаронцаў, адмова грунтуецца на цалкам надуманых падставах, а рашэньне мае менавіта палітычны падтэкст. Сёньня ж аднак на пачатку судовага паседжаньня старшыня і юрысты "Вясны" заявілі хадайніцтва аб тым, каб дасланыя ім афіцыйныя паперы Міністэрства юстыцыі былі прадстаўленыя на беларускай мове, якая зьяўляецца дзяржаўнай мовай ?эспублікі Беларусь.
23.10.2007 Суд адхіліў касацыйную скаргу Юрыя Алейніка
Мінскі гарадскі суд пакінуў у сіле рашэнне суда першай інстанцыі, які прызнаў законным адлічэнне былога студэнта Акадэміі кіравання пры прэзідэнце Юрася Алейніка з гэтай навучальнай установы.
23.10.2007 Крысьціна Шацікава збіраецца судзіцца з БТ
Вядомая апазіцыйная актывістка Крысціна Шацікава збіраецца судзіцца з БТ. Апроч таго, бліжайшым часам яна мае намер скардзіцца на дырэктара школы, у якой навучаюцца яе дзеці, і кіраўніцтва псіхіятрычнай клінікі, у якой яе ўтрымлівалі падчас затрымання ўвесну гэтага года.
23.10.2007 Справу “Вясны” ў Вярхоўным судзе патрабуюць разглядаць па-беларуску
Сёньня Вярхоўны суд Беларусі пачаў разгляд скаргі на дзеяньні Міністэрства юстыцыі, якое адмовілася зарэгістраваць Грамадзкае праваабарончае аб’яднаньне “Вясна”.
22.10.2007 Сёньня Менскі гарадзкі суд будзе разглядаць справу Юрася Алейніка
Сёньня, 22-га кастрычніка, у Менскім гарадзкім судзе адбудзецца разгляд справы студэнта Акадэміі кіраваньня пры прэзыдэнце Беларусі, сябра Беларускай асацыяцыі журналістаў Юрася Алейніка. Маладзён быў адлічаны з гэтай навучальнай установы за парушэньне ўнутранага распарадку і дысцыпліны й прагулы (гэта афіцыйнае тлумачэньне), але, як лічаць праваабаронцы, адбылося гэта па палітычных матывах.
