31.01.2008 Шэф-рэдактар «Новага часу»: «Не абскарджваць – значыць пагадзіцца…»

Разгляд касацыйнай скаргі выдаўцоў газеты «Новы час» на рашэнне суда першай інстанцыі па зыску Мікалая Чаргінца прызначаны на 11 лютага.

30.01.2008 Суд над пінскім прадпрымальнікам А.Васільевым перанесены на 31 студзеня

У Пінску працягваецца суд над Аляксандрам Васільевым, якога затрымалі перад акцыяй пінскіх прадпрымальнікаў 21 студзеня. У той дзень міліцыянты абвінавацілі яго ў публічнай лаянцы і непадпарадкаванні супрацоўнікам міліцыі. Аднак, прадпрымальнік запатрабаваў адваката і ў той дзень судовае пасяджэнне перанеслі на 30 студзеня. Аляксандр Васільеў бароніць сябе сам.

30.01.2008 Мінюсту растлумачылі, што ёсьць хрысьціянскія каштоўнасьці

29 студзеня ў Вярхоўным Судзе адбыўся разгляд скаргі на рашэньне Міністэрства юстыцыі аб адмове ў рэгістрацыі сацыяльна-грамадзкага аб’яднаньня БХД. Прычыны для адмовы былі ўмоўнымі: некалькі нязначных памылак у пісьмовым афармленьні дакумантаў, безумоўна, самай цікавай падставай для адмовы стала сьцьвярджэньне Мінюсту, што ў дакумантах не пазначана, што ж такое хрысьціянскі каштоўнасьці, на якіх грунтуецца “Беларуская хрысьціянская дэмакратыя”.

29.01.2008 Ларыса Насановіч арыштавана на 15 сутак

Сёньня судзьдзя Салігорскага райсуду Аляксандар Бураўцоў арыштаваў грамадзкую актывістку Ларысу Насановіч на 15 сутак.

25.01.2008 Што рабіць невінаватаму асуджанаму?

Ня ўсе прысуды бываюць справядлівыя. Што рабіць невінаватаму, чыя віна прызнаная судом? Якімі шляхамі шукаць вызваленьня?

24.01.2008 Суд прызнаў Аляксандра Крутога віноўным і накіраваў яго на лячэньне

У Нясьвіжскім судзе абвешчаны прысуд па крымінальнай справе Аляксандра Крутога. Ён прызнаны віноўным у зьдзяйсьненьні крымінальнага злачынства па арт. 368 КК РБ - публічная абраза прэзідэнта краіны. У сувязі з тым, што дзеяньні асуджанага не нясуць вялікай пагрозы для грамадзтва, Аляксандр Круты вызвалены ад пакараньня, а крымінальная справа спыненая. Паколькі падчас сьледства ў дачыненьні да абвінавачанага праводзілася судова-медыцынская экспертыза, якая ўстанавіла, што Аляксандр Круты хворы на паранаідальную шызафрэнію, матэрыялы накіраваныя ў медустанову з мэтай правядзеньня стацыянарнага лячэньня ва ўмовах звычайнага рэжыму.

23.01.2008 Суд над Аляксандрам Крутым: “Псіхіятрыя ў якасьці зброі супраць палітычных апанентаў”

Сёньня ў Нясьвіжы ў 16-00 будзе абвешчаны прысуд па крымінальнай справе Аляксандра Крутога. Ён абвінавачваецца ў публічнай абразе прэзідэнта яшчэ ў траўні 2003 года (артыкул 368 Крымінальнага Кодэксу РБ). Адвакатам на судзе выступае Марыяна Сямешка. Гэты працэс атрымаў шырокі грамадскі рэзананс, паколькі пад час сьледства ў дачыненьні да Крутога праводзілася судова-медыцынская экспертыза, якая ўстанавіла, што А. Круты хворы на паранаідальную шызафрэнію. Вось як ацэньвае ганебную практыку выкарыстаньня карнай псіхіятрыі віцэ-прэзідэнт Міжнароднай федэрацыі правоў чалавека Алесь Бяляцкі: “Мы, праваабаронцы, глыбока занепакоены тым фактам, што псіхіятрыя ў Беларусі ўсё часьцей і часьцей выкарыстоўваецца ў якасьці зброі супраць палітычных апанентаў улады. Гэтая форма ўціску на дэсідэнтаў была шырока распаўсюджаная ў Савецкім Саюзе. За 2007 год мы адзначылі некалькі выпадкаў ужываньня псіхіятрыі як сродка пакараньня ці ўціску на грамадзкіх і палітычных актывістаў.

23.01.2008 Апошні прысуд затрыманаму пад час акцыі 21 студзеня – 15 сутак арышту

Прадпрымальнік з Гомеля Няпомняшчы Уладзімір быў затрыманы пад час акцыі прадпрымальнікаў 21 студзеня, ноч правеў у спецпрыёмніку-размеркавальніку на Акрэсьціна. Аднак учора ягоны лёс так і ня быў высветлены. Як стала вядома ПЦ “Вясна”, ён быў асуджаны судом Маскоўскага раёну Менска на 15 сутак адміністрацыйнага арышту. Такім чынам агульная колькасьць пакараных рашэньнямі судоў удзельнікаў мітынгу прадпрымальнікаў склала 22 чалавекі.

23.01.2008 Аляксандра Васільева будуць судзіць 30 студзеня

Суд над актывістам прадпрымальніцкага руху Пінска перанесены на 30 студзеня.

22.01.2008 Вынікі судоў над затрыманымі пад час акцыі прадпрымальнікаў 21 студзеня

У судах Цэнтральнага і Маскоўскага раёна Менска праходзяць суды над затрыманымі актывістамі і грамадзянамі пад час мітынгу прадпрымальнікаў 21 студзеня. Гэты матэрыял увесь час аднаўляецца. Па сведчаньнях многіх затрыманых, іх збівалі супрацоўнікі міліцыі ў Цэнтральным РУУСе вечарам і сёньня пры дастаўцы ў суд. Раней міліцыянты Цэнтральнага РУУс такога сабе не дазвалялі На разгляд адміністрацыйных спраў у Маскоўскім судзе не дапускалі грамадскасьць і праваабаронцаў, фактычна суды праходзілі ў зачыненым рэжыме.

21.01.2008 Алега Корбана арыштавалі на 10 сутак

Судзьдзя Вольга Гусакова пастанавіла арыштаваць на 10 сутак актывіста “Маладога фронту” і Аб’яднанай грамадзянскай партыі Алега Корбана.

Алег Корбан быў затрыманы ў суботу 19 студзеня каля турым на Акрэсьціна, дзе разам з сябрамі хацеў перадаць перадачы арыштаваным.

Яго зьвінавацілі ў тым, што ён нібыта нецэнзурна лаяўся.

21.01.2008 Пенсіянерка Сьвятлана Данілава аштрафаваная на 5 базавых велічыняў за распаўсюд незалежных выданьняў

Такую пастанову вынесла сёньня судзьдзя Савецкага райсуду Людміла Савасьцян. Пенсіянерка з Барысава была затрыманая 20 студзеня ў пераходзе каля Камароўскага рынку за распаўсюд "Народнай волі". Такую пастанову вынесла сёньня судзьдзя Савецкага райсуду Людміла Савасьцян.

19.01.2008 У студзені арыштаваныя 45 актывістаў, было затрымана больш за 50

1. Анатоль Лябедзька – 15 сутак арышту 2. Алесь Баразенка -- 15 сутак арышту 3. Павал Вінаградаў -- 15 сутак арышту 4. Арсен Пахомаў – 15 сутак арышту

18.01.2008 Віталь Стажараў арыштаваны на 20 сутак

Моладзевы актывіст быў затрыманы сёньня за распаўсюду ўлётак з інфармацыяй пра запланаваны на 21 студзеня мітынг прадпрымальнікаў. Супрацоўнікі міліцыі даставілі Віталя Стажарава ў пастарунак Цэнтральнага раёну, дзе склалі адміністратыўныя пратаколы.

18.01.2008 Алесь Бяляцкі: “ Прысуд Аляксандру Зьдзвіжкову – прамое парушэньне Канстытуцыі”

Як паведамлялася раней, Менгарсуд вынес прысуд па справе былога намесьніка галоўнага рэдактара газэты «Згода» Аляксандра Зьдзьвіжкова. Ён прызнаны вінаватым у парушэньні артыкулу 130 ч 2. КК «Распальваньне рэлігійнай варожасьці» за перадрук карыкатур на прарока Мухамэда і асуджаны да трох гадоў зьняволеньня з адбываньнем пакараньня ў калёніі узмоцненага рэжыму.