Навіны на тэму: суды
03.05.2008 Баранавіцкіх маладафронтаўцаў суд пакараў штрафамі
2 траўня ў Баранавічах адбыліся адміністрацыйныя суды над лідэрам мясцовай філіі Маладога Фронту Яраславам Грышчэнем, актывістамі Арцёмам Ластавецкім і Алесем Першакам, затрыманымі напярэдадні Дня Эўропы.
02.05.2008 Палітык Мікалай Статкевіч арыштаваны на 10 сутак
Такое рашэньне прыняў судзьдзя Першамайскага суду сталіцы Юры Гарбатоўскі. На судзе лідэр аргкамітэту па стварэньні сацыял-дэмакратычнай партыі “Народная грамада” Мікола Статкевіч адмовіўся даваць паказаньні.
30.04.2008 З Вiталя Алейнiка дзяржава патрабуе 12 мiльёнаў рублёў
На пачатку мая ў судзе Маладзечанскага раёна павiнны пачацца слуханнi па справе аб кампенсацыi з аспiранта Вiталя Алейнiка сродкаў за навучанне. Iсцец па гэтай справе — пракурор Мiнскай вобласцi ў iнтарэсах дзяржавы. Трэцяй асобай з'яўляецца Мiнiстэрства замежных спраў Беларусi.
30.04.2008 Небясьпечны прэцэдэнт
Менскі гаспадарчы суд прыняў рашэньне прызнаць сайт www.ucpb.org уласнасьцю Аб’яднанай грамадзянскай партыі.
30.04.2008 Суд вярнуў адміністратыўную справу актывіста на дапрацоўку
Сёння ў Брэсцкім раённым судзе разгледжана адміністрацыйная справа Дзяніса Турчаняка, затрыманага ў Дзень Волі і абвінавачанага міліцыянтамі ў дробным хуліганстве.
28.04.2008 Сяргей Трыфанаў пакараны арыштам на 10 сутак
Суд Навабеліцкага раёну Гомелю пакараў апошняга з удзельнікаў гістарычнай экскурсіі, на каго былі складзеныя адміністратыўныя пратколы па арт. 23.34 КаАП, на 10 сутак арышту.
28.04.2008 Актывіста Любенчука вызвалілі ў залі суду
Сёньня ў Берасьці разглядалі судовую справу актывіста дэмакратычнага руху 22‑гадовага Андрэя Любенчука. Яго затрымалі напярэдадні Чарнобыльскага шляху.
28.04.2008 Менскі гарадзкі суд не задаволіў скаргу Натальлі Ясевіч
25 красавіка ў Менскім гарадзкім судзе адбыўся разгляд скаргі, пададзенай маці маладафронтаўца Зьмітра Ясевіча спадарыняй Натальляй, абвінавачанай ва ўдзеле ў сьвяточным шэсьці 25 сакавіка. Судзьдзя Назаранка Н. прызнаў яе віноўнай у парушэньні парадку арганізацыі і правядзеньня масавых мерапрыемстваў і пакінуў прысуд бязь зьменаў.
25.04.2008 Уладзімір Кішкурна аштрафаваны за чарнобыльскія ўлёткі
25 красавіка суд Мінскага раёну прызнаў актывіста Партыі БНФ Уладзіміра Кішкурну віноўным у правапарушэньні, прадугледжаным арт. 23.34 КаАП РБ, і пакраў штрафам у памеры 15 базавых велічыняў.
25.04.2008 Працягваюцца суды за "Еўрапейскі марш"
Савецкі суд Менску вырашыў спагнаць з заяўнікаў Эўрапейскага маршу агулам больш за тры з паловай мільёны рублёў. Менавіта такую суму запатрабавалі ў якасьці кампэнсацыі ўрону гарадзкія прадпрыемствы “Мінскзеленбуд” і “Рэмаўтадар” Савецкага і Першамайскага раёнаў.
25.04.2008 Пратэстанцкі пастар Ганчарэнка зноў аштрафаваны
25 красавіка судзьдзя Маскоўскага раёну Менску Уладзімір Аўдзеенка прызнаў пастара Царквы “Новае жыцьцё” Вячаслава Ганчарэнку віноўным у парушэньні арт. 9.10 КаАП РБ (Парушэньне заканадаўства аб выбарах, рэферэндуме, аб адкліканьні дэпутата і аб рэалізацыі права заканадаўчай ініцыятывы грамадзянаў) і пакараў яго адміністратыўным штрафам у памеры 40 базавых велічыняў (1 млн. 400 тыс. рублёў).
24.04.2008 Сяргей Парсюкевіч пакараны на 2 з паловай гады зьняволеньня
23 красавіка суд Маскоўскага раёну сталіцы вынес прысуд лідэру віцебскіх прадпрымальнікаў Сяргею Парсюкевічу. Судзьдзя Уладзімір Аўдзеенка прызнаў яго віноўным у зьдзяйсьненьні крымінальнага злачынства, прадугледзжанага арт. 364 КК («Гвалт альбо пагроза ўжываньня гвалту ў адносінах да супрацоўніка міліцыі») і вызначыў меру пакараньня - 2 з паловай гады калоніі агульнага рэжыму. Таксама Сяргей Парсюкевіч абавязаны выплаціць міліцыянту Дулубу 1 мільён 100 тыс. рублёў кампенсацыі за маральныя пакуты.
23.04.2008 Сёньня будзе абвешчаны прысуд па справе Парсюкевіча
Судовы разгляд крымінальнай справы лідэра віцебскіх прадпрымальнікаў Сяргея Парсюкевіча скончаны. Абвяшчэньне прысуду чакаецца паміж 19:30 і 20:30.
23.04.2008 Патрабаваньні Гаррэмаўтадора да заяўнікаў Еўрапейскага шляху задаволеныя цалкам
Сёньня ў судзе Савецкага раёну завяршыўся разгляд грамадзянскай справы іскавога патрабаваньня дзяржпрадпрыемства Менгарвыканкаму "Гаррэмаўтадор" да заяўнікаў "Еўрапейскага маршу". Супольна шасьцёра заяўнікаў - Вінцук Вячорка, Віктар Івашкевіч, Зьміцер Хведарук, Аляксандар Мілінкевіч, Анатоль Лябедзька і Яўген Афнагель павінны сплаціць 2 мільёны 240 тысяч 770 рублёў за дадатковыя выдаткі, нанесеныя ўдзельнікамі акцыі ў выніку зьмены дазволенага ўладамі маршруту.
23.04.2008 Новы арышт у Гомелі: 15 сутак пенсіянеру Няпомняшчаму
Гомельскага пэнсіянэра Уладзімера Няпомняшчага асудзілі сёньня на 15 сутак зьняволеньня. Так вырашыў суд Навабеліцкага раёну Гомеля, дзе 23 красавіка працягваліся слуханьні ў адміністратыўнай справе супраць удзельнікаў экскурсіі, прысьвечанай 90-м угодкам Беларускай Народнай Рэспублікі.
