Навіны на тэму: суды
27.05.2008 А.Борыс атрымала позву ў суд
Сёньня ў Горадні была выклікана ў суд Анжаліка Борыс, якая ўзначальвае Саюз палякаў, не прызнаваны ўладамі. Але яна цяпер на бальнічным, і таму папрасіла свайго адваката Ўладзіміра Кісялевіча напісаць ад яе імя заяву і папрасіць перанесьці судовае паседжаньне.
26.05.2008 У Менску працягваецца працэс 14-ці
У судзе Цэнтральнага раёну Менску судзяць абвінавачаных у крымінальнай справе, якую празвалі “справаю 14-ці”: Паўла Вінаградава, Максіма Дашука і Міхаіла Субача.
23.05.2008 Зноў аштрафаваны актывіст Сяргей Абразоўскі
22 траўня судзьдзя Пухавіцкага райсуду Святлана Акуліч аштрафавала грамадзкага актывіста Сяргея Абразоўскага на 40 базавых велічыняў (1 мільён 400 тысяч рублёў). Ён абвінавачаны ў арганізацыі несанкцыянаванага мітынгу супраць будаўніцтва заводу па вытворчасьці пэстыцыдаў побач зь Менскай ТЭЦ-5 у пасёлку Дружным.
23.05.2008 «Працэс чатырнаццаці» перанесены
Паседжаньне ў «працэсе чатырнаццаці» перанесена на панядзелак, на 9:30 раніцы. Сакратар суду адмовіўся назваць журналістам прычыны пераносу паседжаньня, аднак, верагодна, гэтай зьвязана зь няяўкай сьведкаў.Крымінальная справа супраць чатырнаццаці маладзёнаў была заведзеная за вулічныя пратэсты падчас акцыі прадпрымальнікаў 10 студзеня.
22.05.2008 Разгляд "справы 14-ці" працягнецца 23 траўня
Працяг "справы 14" пачнецца заўтра раніцай у судзе Цэнтральнага раёна Мінску. Міхаіла Субача, Паўла Вінаградава і Максіма Дашука абвінавачваюць у "арганізацыі групавых дзеянняў, якія груба парушылі грамадскі парадак" падчас акцыі прадпрымальнікаў 10 студзеня ў сталіцы.
22.05.2008 Брэсцкі абласны суд не задаволіў скаргу моладзі на міліцыю
Брэсцкі абласны суд 22 траўня не задаволіў касацыйнай скаргі маладзёвых актывістаў Жаны і Інгі Абрамавых, Сяргея Вакулянка і Дзяніса Турчыняка на неправамерныя дзеянні міліцыянераў, якія іх выдалілі з судовай залы падчас працэсу над Андрэем Шарэндам у снежні 2007 года.
22.05.2008 Суды ў справах віцебскіх апазыцыянэраў перанесьлі
Справу пра аднаўленьне на працы Леаніда Аўтухова, актывіста з райцэнтру Гарадок Віцебскай вобласьці, судзьдзя Гарадоцкага райсуду Аляксандар Ляшкевіч будзе разьбіраць 3 чэрвеня.
21.05.2008 Суд БНФ зь Мін’юстам адбудзецца 28 траўня
Сёньня ў Вярхоўным судзе Беларусі адбылося папярэдняе абмеркаваньне прэтэнзіяў Грамадзкага аб’яднаньня Беларускі Народны Фронт (скарочаная назва ГА БНФ “Адраджэньне”) да міністэрства юстыцыі. Справа тычыцца папярэджаньня, якое БНФ атрымаў у красавіку за дзейнасьць незарэгістраванай Гарадзенскай абласной арганізацыі.
21.05.2008 Скаргу «Витебского курьера» зноў адхілілі
Рэдакцыі недзяржаўнай газеты «Витебский курьер М» зноў адмовілі ў праве ўнесці змены ў Статут і перарэгістравацца. 20 траўня калегія Вышэйшага гаспадарчага суда (ВГС) адхіліла касацыйную скаргу ЗАТ «Выдавецкі дом «Витебский курьер» на рашэнні судоў папярэдніх інстанцый па гэтым пытанні.
21.05.2008 Зьміцер Дашкевіч асуджаны на 7 сутак арышту
“Выгукваў лёзунгі, заклікі аб далучэньні Беларусі да Эўразьвязу, чым парушыў усталяваны парадак арганізацыі і правядзеньня масавых мерапрыемстваў у Рэспубліцы Беларусь”, - гаворыцца ў пастанове суда Першамайскага раёну аб арышце лідэра Маладога Фронту, Зьмітра Дашкевіча.
21.05.2008 Судзяць лідара віцебскай філіі “Моладзі БНФ”
У Кастрычніцкім райсудзе Віцебску а 16-й гадзіне мае пачацца судовы працэс над актывістам “Моладзі БНФ” Алесем Кузьняцовым. Справу разглядае судзьдзя Людміла Смалякова. Віцебскага лідара “Моладзі БНФ” вінавацяць у правядзеньні несанкцыянаванай акцыі 26 красавіка. Хлопца затрымалі за тое, што прайшоў да ўзьбярэжжа Дзьвіны з узьнятым над галавой бел-чырвона-белым сьцягам.
21.05.2008 Суд папярэдзіў актывіста за памяць пра Чарнобыль
Суд Бярозаўскага раёну Берасьцейскай вобласьці 20 траўня разгледзеў адміністрацыйную справу актывіста Партыі БНФ праваабаронцы Сяргея Русецкага. Яго прызналі вінаватым ва ўчыненьні правапарушэньня па ч. 1 арт. 23.34 КоАП (удзел у несанкцыянаваным мерапрыемстве) і вынесьлі папярэджаньне.
21.05.2008 Штрафы полацкім “маладафронтаўцам”: больш за мільён кожнаму
Затрыманых у райцэнтры Вушачы моладзевых актывістаў Кацярыну Салаўёву і Алеся Круткіна аштрафаваў мясцовы суд.
21.05.2008 Артур Фінькевіч завочна асуджаны на 7 сутак
15 траўня 2008 году суд Першамайскага раёну завочна асудзіў намесьніка старшыні Маладога Фронту Артура Фінькевіча на адміністрацыйны арышт тэрмінам на 7 сутак. Падставаю да гэтага прысуду стаў пратакол, складзены супрацоўнікамі Першамайскага РАУС пасьля затрыманьня Фінькевіча каля Нацыянальнай бібліятэкі 1 траўня, дзе ён браў удзел у мірнай акцыі, прымеркаванай да Дня Эўропы.
16.05.2008 Полацак: штраф за расьцяжку “Свабоду палітвязьням”
15 траўня судзьдзя Полацкага гарадзкога суду Вікторыя Сьвітык прысудзіла грашовыя штрафы тром актывістам незарэгістраванай арганізацыі “Малады фронт”, затрыманым учора з расьцяжкай “Свабоду палітвязьням” каля помніка Францыску Скарыну. Гэты іхны ўчынак кваліфікаваны судом як удзел у несанкцыянаванай акцыі.
