Навіны на тэму: суды
14.11.2008 Гарадзенскі суд: без ідэнтыфікацыі пакуль не абысьціся
Незвычайная справа разглядалася грамадзянскім судом Ленінскага раёну Гародні 12 лістапада. Дзьве верніцы праваслаўнай царквы – Леанарда Сурба і Тацяна Мешчаракова склалі ў суд пазоў на супрацоўнікаў органаў Гарадзенскага абласнога упраўленьня унутраных спраў і Кастрычніцкага раённага аддзелу ўнутраных спраў. Абедзьве жанчыны патрабавалі выдаць ім грамадзянскія пашпарты без так званага ідэнтыфікацыйнага (асабістага) нумару.
14.11.2008 А судзьдзі хто?
На нарадзе ў чацьвер Лукашэнка даручыў старшыні Вярхоўнага суду Валянціну Сукалу вызваліць ад пасад судзьдзяў Алену Ільіну, Валер’я Есьмана і Тацяну Паўлючук. Усе яны аказаліся замешанымі ў карупцыйным скандале разам з пракурорам Менскай вобласьці Міхаілам Сьнегіром.
13.11.2008 Беларускія жанчыны: “Хто пакрывае беззаконнасць?”
На стол намесніка кіраўніка адміністрацыі А. Лукашэнкі Наталлі Пяткевіч леглі некалькі дзесяткаў тэлеграмаў, якія даслалі беларускія жанчыны з розных рэгіёнаў краіны. Тэкст тэлеграмаў, падпісаны асобамі, якія пацярпелі ад дзеянняў беларускіх судоў і пракуратураў, раскрывае розныя аспекты дзеянняў гэтых структураў. Але ў кожнай тэлеграме ўтрымліваецца адно пытанне: “Хто рэальна кіруе Генеральнай пракуратурай, і хто пакрывае беззаконнасць?”
12.11.2008 Справу Аляксея Трубкіна аб “экстрэмізме” суд пакінуў без разгляду
Наваполацкі студэнт Аляксей Трубкін атрымаў паперу з суду Кастрычніцкага раёна Гродна, у якой паведамляецца, што ягоную справу, ініцыяваную УКДБ па Гродзенскай вобласці, суд пакінуў без разгляду.
11.11.2008 Справа Аляксандра Баразенкі ўжо ў судзе
Крымінальную справу супраць моладзевага актывіста Аляксандра Баразенкі, апошняга фігуранта ў “справе 14-ці”, перадалі ў суд. Аляксандр ад 27 кастрычніка знаходзіцца ў менскім сьледчым ізалятары. Яго як і 13 іншых удзельнікаў справы, абвінавацілі ў арганізацыі групавых дзеяньняў, якія нібыта пацягнулі масавыя беспарадкі падчас акцыі прадпрымальнікаў 21 студзеня.
10.11.2008 Праваабаронцу Яну Палякову прывялі ў суд пад канвоем
10 лістапада ў Салігорску да вядомай праваабаронцы Яны Паляковай прыйшоў міліцыянт і запатрабаваў ісьці зь ім у суд.
10.11.2008 Абаронцы гродзенскіх дрэваў атрымалі позвы ў суд
Грамадскія актывісты Гродна, абаронцы дрэваў, атрымалі позвы ў суд, які адбудзецца 13 лістапада. Спроба перашкодзіць супрацоўнікам зялянгаса знішчаць зялёныя насаджэнні 16 кастрычніка бягучага года скончылася складаннем пратакола, паводле якога міліцыянты абвінавачваюць трох жыхароў горада ў здзяйсненні дробнага хуліганства і непадпарадкаванні законным патрабаванням
10.11.2008 Сёньня будуць судзіць маладафронтаўцаў
У судзе Ленінскага раёну Менску сёньня будуць судзіць моладзевых актывістаў, якіх затрымалі 7 лістапада насупраць будынку КДБ. Яны трымалі расьцяжку: “Камунізм пад трыбунал!”. Непаўналетніх адпусьцілі, а супраць пяці сяброў незарэгістраванай арганізацыі “Малады фронт” склалі пратаколы за ўдзел у несанкцыянаваным пікеце.
10.11.2008 Справу Пісальніка пакінулі без разгляду
Суд Кастрычніцкага раёну Гродна пакінуў без разгляду справу аб экстрэмісцкім змесце нумару газэты “Глос з-над Немна ў выгнанні”, ініцыятарам якой выступаў кіраўнік упраўлення КДБ па Гродзенскай вобласці Ігар Сяргеенка.
06.11.2008 Павел Сапелка: «УКДБ можа паўторна ініцыяваць разгляд справы аб «экстрэмізме» ў матэрыялах ПЦ «Вясна»
Адвакат Сапелка не змог атрымаць копію судовай пастановы пра тое, што заяву УКДБ па матэрыялах «Вясны» пакінулі без разгляду. Ні самой справы аб «экстрэмісцкім» характары інфармацыйных матэрыялаў, ні пастановы суддзі ў канцылярыі суда Кастрычніцкага раёна Гродна не аказалася. Супрацоўнікі канцылярыі растлумачылі, што ўсе матэрыялы справы па-ранейшаму знаходзяцца ў суддзі.
05.11.2008 Экстрэмізм у “Свабодзе” не выяўлены?
Гродзенскі абласны суд 5 лістапада разгледзеў касацыйную скаргу на рашэнне суда Іўеўскага раёна, які прызнаў экстрэміcцкім жнівеньскі нумар незарэгістраванай газеты «Свабода». Суддзя Аляксандр Сіцько прыняў рашэньне матэрыялы па гэтай справе накіраваць на новы разгляд у суд Іўеўскага раёну. Такім чынам, выяўлены ў Іўі “экстрэмізм” не прайшоў праверку ў судзе вышэйшай інстанцыі.
05.11.2008 За зьняцьце з выбараў – 1.700.000 бел. руб.
Выбарчая камісія Буда-Кашалёўскай акругі падала судовы пазоў на былога кандыдата ў дэпутаты Кастуся Жукоўскага. 1 мільён 700 тысяч рублёў з актывіста дэмакратычных сілаў плянуюць спагнаць за зьняцьце з выбараў у якасьці кампэнсацыі за вырабленыя агітацыйныя матэрыялы. Паседжаньне суду заплянавана на 17 лістапада.
04.11.2008 Суд не задаволіў скаргу брэсцкіх актывістаў апазіцыі
У судзе Ленінскага раёна Берасця адбыўся разгляд скаргі берасцейскіх актывістаў Жаны Абрамавай і Віталя Сымоніка. Яны прасілі прызнаць забарону Берасцейскім гарвыканкамам пікету 7 траўня з нагоды 9-ай гадавіны знікнення экс-міністра унутраных спраў Юрыя Захаранка неправамернай і ўціскаючай іх грамадзянскія правы.
03.11.2008 Экстрэмісцкую кнігу “Агляд-хроніка парушэньняў правоў чалавека” пакінулі без разгляду
Адна з грамадзянскіх спраў, якія былі ўзбуджаныя на падставе заявы начальніка УКДБ па Гродзенскай вобласці Ігарам Сяргеенкам аб прызнаньні экстрэмісцкімі шэрагу матэрыялаў, перададзеных у КДБ гарадзенскімі мытнікамі “пакінута без разгляду”. Гэта тычыцца «Агляду-хронікі парушэньняў правоў чалавека ў Беларусі ў 2004 годзе», які падрыхтаваў праваабарончы цэнтр "Вясна". Сакратар суда Кастрычніцкага раёна не патлумачыла, па якой прычыне было прынятае такое рашэньне.
03.11.2008 Найноўшая гісторыя беларускага «экстрэмізму». Працяг будзе
¬У сераду, 5 лістапада, у Гродзенскім абласным судзе будзе разглядацца касацыйная скарга на рашэнне суда Іўеўскага раёна, які прызнаў экстрэміcцкім жнівеньскі нумар незарэгістраванай газеты «Свабода». Разгляд скаргі пачнецца ў 9.00.
