Навіны на тэму: суды
02.04.2011 Пісьменнік Сяргей Малалеткін абвясціў галадоўку з патрабаваннем вызвалення палітвязняў
Непасрэдным падставай для вырашэння звярнуцца да такога крайняга сродку пратэсту, якім з'яўляецца галадоўка, для Малалеткіна стаў прысуд яшчэ аднаму ўдзельніку плошчы - Мікіту Ліхавіду, які таксама абвясціў галадоўку пасля суду. Як тлумачыць сам Сяргей, яго сын з'яўляецца практычна аднагодкам Мікіты Ліхавіда. У знак пратэсту з відавочна несправядлівым і жорсткім прысудам прыняў для сябе рашэнне - галадаць столькі ж, колькі Мікіта Ліхавід.
31.03.2011 Зміцер Салаўёў працягвае дамагацца зняцця з уліку КДБ
Лідэр Магілёўскай абласной арганізацыі БНФ “Адраджэньне” Зміцер Салаўёў падаў касацыйную скаргу на рашэнне суда Ленінскага раёна г.Магілёва па скарзе на дзеянні УКДБ па Магілёўскай вобласці.
30.03.2011 Аналітычны агляд судовага працэсу па справе Мікіты Ліхавіда
Правабарончы цэнтр “Вясна” лічыць, што: 1. Вынесены судом Партызанскага раёна г. Мінска прысуд аб пакаранні Мікіты Ліхавіда 3 гадамі і 6 месяцамі пазбаўлення волі незаконны і палітычна матываваны. 2. Мікіта Ліхавід з’яўляецца палітычным вязнем, у сувязі з чым Праваабарончы цэнтр “Вясна” настойвае на яго апраўданні і неадкладным вызваленні.
30.03.2011 “Міжнародная амністыя” абвясьціла Мікіту Ліхавіда вязьнем сумленьня
Праваабарончая арганізацыя “Міжнародная амністыя” выступіла з асуджэньнем апошніх прысудаў, вынесеных беларускімі судамі палітычным актывістам Зьмітру Дашкевічу, Эдуарду Лобаву і Мікіту Ліхавіду.
29.03.2011 «Аўтарадыё» застаецца закрытым
Вышэйшы гаспадарчы суд Беларусі 29 сакавіка пакінуў у сіле рашэнне Рэспубліканскай камісіі па тэлебачанні і радыёвяшчанні аб спыненні вяшчання «Аўтарадыё». Такім чынам, суддзя Дзмітрый Аляксандраў не задаволіў іск радыёстанцыі да камісіі і адмяніў ранейшае рашэнне ВГС.
29.03.2011 «Аўтарадыё» зноў судзіцца. Пакуль прайграе
28 сакавіка ў Вышэйшым гаспадарчым судзе пачаўся паўторны разгляд скаргаў «Аўтарадыё» ў новым складзе суду. 9 сакавіка суд прызнаў папярэджаньне, вынесенае Мінінфармам «Аўтарадыё», несапраўдным, а рашэньне Рэспубліканскай камісіі па тэлебачаньні і радыёвяшчаньні адключыць перадатчык — незаконным. Але праз тыдзень касацыйная калегія Вышэйшага гаспадарчага суду адмяніла тое рашэньне, і справа перададзеная на новы разгляд у іншым складзе суду.
29.03.2011 Стартавала кампанія дапамогі Натальлі Ільлініч
Былая настаўніца гісторыі Талькаўскай сярэдняй школы Натальля Ільлініч зьвярнулася з касацыйнай скаргай у суд Менскай вобласьці з просьбай адмяніць рашэньне суду Пухавіцкага раёну і аднавіць яе на працы. У раённым судзе яна спрабавала аспрэчыць рашэньне адміністрацыі школы не працягваць зь ёй працоўны кантракт. Грамадзкія актывісты са Слуцку заклікалі падтрымаць Натальлю Ільлініч.
28.03.2011 «Народная воля» засталася з папярэджаннем
Вышэйшы гаспадарчы суд адхіліў скаргу рэдакцыі «Народнай волі» на папярэджанне Мінінфармацыі і пакінуў санкцыю ў сіле. Такое рашэнне прыняла 28 сакавіка суддзя Кацярына Караткевіч.
28.03.2011 Магілёў: Уладзімір Лапцэвіч – 7 сутак, Зміцер Салаўёў – 5 сутак
Журналіст БелаПАН Уладзімір Лапцэвіч атрымаў разам сем сутак адміністрацыйнага арышту – суткі за лаянку і шэсць сутак за непадпарадкаванне супрацоўнікам міліцыі. Лідэр Магілёўскай абласной арганізацыі БНФ “Адраджэньне” Зміцер Салаўёў атрымаў пяць сутак – двоеза лаянку і трое за непадпарадкаванне супрацоўнікам міліцыі. Гэтыя прысуды будуць абскарджаны ў трохдзённы тэрмін.
28.03.2011 Суд аштрафаваў Паліну Панасюк
Суд Ленінскага раёна Брэста пакараў актывістку Маладога Фронту Паліну Панасюк штрафам у 22 базавыя велічыні. Дзве базавыя велічыні – “за хуліганскія дзеянні” і 20 – за непадпарадкаванне супрацоўнікам міліцыі. Паліна лічыць гэты прысуд палітычным.
28.03.2011 Дземідзенку - 15 сутак, Івашкевічу -10 сутак, Губскай - 3 сутак
Суддзя Іна Ляўкова пакарала Міколу Дземідзенку арыштам на 15 сутак. Яго звінавацілі у арганізацыі несанкцыянаванага мерапрыемства паўторна цягам аднаго году (частка 3 арт. 23.34 КаАП РБ).
25.03.2011 Дзень Волі для Барыса Хамайды адзначаны чарговым мільённым штрафам
Віцебскага апазіцыянера затрымалі, калі ён пісаў пад бел-чырвона-белым сцягам агульнанацыянальную дыктоўку. Суддзя Уладзіслаў Шыкароў кваліфікаваў гэта як несанкцыянаваную акцыю і аштрафаваў Барыса Хамайду на 30 базавых велічынь. Гэта ўжо чацверты штраф у гэтым месяцы, накладзены судом “за парушэнне заканадаўства аб масавых мерапрыемствах”.
25.03.2011 Сяргею Каваленку ў Дзень Волі прысудзілі 7 сутак арышту
Суд Чыгуначнага раёну Віцебска прызнаў яго вінаватым у дробным хуліганстве і арганізацыі несанкцыянаванай акцыі. 24 сакавіка актывіста затрымалі з трыма бел-чырвона-белымі сцягамі.
25.03.2011 У Дзень Волі – суд над Сяргеем Каваленкам
У Чыгуначным раённым судзе віцебскага актывіста, затрыманага 24 сакавіка з трыма бел-чырвона-белымі сцягамі, будуць судзіць за дробнае хуліганства і арганізацыю несанкцыянаванага пікету.
25.03.2011 Алесь Асіпцоў пакараны трыма суткамі арышту
Затрыманы 24 сакавіка ў Магілёве незалежны журналіст Алесь Асіпцоў абвінавачаны ў «дробным хуліганстве». Ленінскі райсуд пакараў яго адміністрацыйным арыштам на трое сутак.
